ريم تنهدت وقلبها يألمها وصارت تغمض عيونها وتفتحهم بنعاس وتعب وباستسلام : تعبت من البكى .. تعبت طول حياتي وانا ابكي خلااص ابي اضحك ... ( وبجزع ويأس) ياربي ان كانت الحياة شر لي فخذني لك ما عاد قادرة اتحمل ماابي خلاص ...
غمض عيونه بقهر وهو يشدها لحضنه : هشششش ماابي اسمع مثل هالكلام مرة ثانية ايام وتعدي وبتنسين ان شاء الله
غمضت عيونها واخر كلمة قالتها قبل لا تغفى بحضنه: ماابي اعيش وانا ابسط شيء يميز البنت مو عندها ..... انا ما أقدر أصير أم بعد كيذا خلااص
.. جمدت ملامح وجهه بصدمة وغمض عيونه بحسرة الان حس وتو يحس انه بتصرفه ضيعها وما كان يلوم الا نفسه هو اللي تركها لصديقة البخيل
وقف وحملها وسدحها عالكنبه وجلس عند راسها
يمسح على شعرها ووجهه مقلوب ومقهور
عاجز عن التصرف بأي شكل من الاشكال
________
الساعة ٣ الفجر
فتحت عيونها ولقت نفسها عالسرير لفت نظرها لأرجاء الغرفة ورفعت حواجبها بتعب من اللي جالس جنبها وحاط رجل على رجل وماسك اللاب حقه
تكلمت ببحة: ايش صار ؟
رفع راسه له ووقف وجلس عندها وهو يمسح على شعرها ويناظرها بحنية: ولا شيء كيفك الان؟ حاسه بشيء؟؟
تكلمت وهي تحس بهبوط وتعب : تـ تعبانه .. ابي موية
وقف ومشى بخطوات سريعة ودق الباب على مشعل وطلع له بعد فترة : سم
ابو مشعل : ريم تعبانه روح شوفها وانا بنزل اجيب موية
راح مشعل لغرفة ريم وهو يتأفف دخل وانصدم وهو يشوفها قريب من باب دورة المياة طايحة بلا حول ولا قوة فاقدة الوعي
ركض لها وحملها واخذ جهاز الضغط وقاسه وطلع منخفض
ركض ونزل تحت وسحب الملح وقابل ابوه هناك ويوم شافه يركض ووجهه قالب مشى وراه وهو متوتر : وش صار
مشعل بسرعة : ضغطها منخفض
دخل عندها وعدل جلستها وصار يضرب خدها بخفيف: ريم ريم .... ريم
بدت تفتح عيونها بخمول : همممم
مشعل: افتحي فمك وكلي شوي علشان يتعدل الضغط شوي عندك
بعد فترة تعدل فيها وضع ريم الصحي وكان سبب نزول الضغط انها ما اكلت وزاد عليها سوء التغذية وفقر الدم
تنهد ابو مشعل وبضيق: الله يصبرني ويكون بالعون
________
..
...
.
وتمر الأيام يوم ورا يوم وتبدأ سنة جديدة تبدأ فيها ريم السنة الاخيرة من الثانوية وهناك تعرفت على شلة بالنسبة لها " فلة " من لما صاحبتهم رجعت لها ضحكتها وبكل نية طيبة تقلدهم بكل تصرف يسوونه على اساس ان ما يضر والحياة واحدة
وفي يوم
ريم بنفسية شينة صباح الخير
مشاعل: صباح النور يالحب
ريم: كيف الحال ؟
مشاعل لفت ايدها على رقبة ريم : تمام يسرك الحال يا بعد عمري شكلك المزاج لك عليه
ريم بقهر: اسكتي بس قال ايش قال مافيه روحه بدون اخوانك وبكيذا تم الرفض عكر لي مزاجي
مشاعل بخبث : تبين شيء يعدل لك مزاجك
ريم تحمست وابتسمت : عندك ؟
مشاعل: افا عليك انا مشاعل مو اي احد تعالي للساحة الخلفية
مشت معها وتخبوا وعطتها واحده وولعتها وحطت هي بين شفايفها وولعت لنفسها
ريم باسترخاء : اخخ كيذا الحياة والا بلاش
استمرت ريم باللي تسوية ونست نفسها ومو واعية لنظرات مشاعل الخبيثة وهي تنفث الدخان وتضحك على روقان ريم
وبلحظة غفلة شافتهم الاستاذة وبعصبية وصدمة: ريم مشاعل ايش هذا قدامي لغرفة المديرة
___________
بعد نص ساعة تم استدعاء أولياء الأمور
ابو مشعل وجاء لمشاعل امها
ارتجفت ريم بخوف بلعت ريقها وهي تناظر ابوها اللي عقد حواجبه: وش صاير؟
ريم هزت راسها بلا بخوف
وبعد ما الكل اجتمع ابو مشعل وام مشاعل وريم ومشاعل والمديرة والاستاذة اللي شافتهم
المديرة: السلام عليكم
الكل: وعليكم السلام ورحمة الله
المديرة وهي توجه كلامها لابو مشعل : اعتذر منك عن الازعاج ولكن الوضع يلزمنا باستدعائك تصرفات ريم هالفترة جداً سيئة .. اللي اعرفه انها ما كانت كيذا اول ما جات كانت هادية ومحترمة ثم بدأت البنت تصرفاتها بانحدار الهروب من الحصص ترادد المعلمات ... واخرها يا استاذ عبد الرحمن .. كشفتها الاستاذة وهي تدخن مع زميلتها
ابو مشعل كله كان متحمله لكن لف بصدمة وهو يقول : اي،،؟! تدخن،؟!
جمدت ملامحه وفااار دممه وبكل عصبية سحبها له وهو يضربها كف على وجهها ومسكها من ياقة الزي المدرسي تبعها وبعصبية: كل شيء ممكن اتحمله واتغاضى عنه لكن دخان دخان يا ريم ليه بايعة حياتك ناوية تفشليني وتسودين وجهي
دفها عنه خلصيني روحي جيبي عبايتك
طلعت ريم من الغرفة وهي تبكي
ومشاعل يوم شافتها صارت تناظرها بشفقة
وبكل حقارة ولا كأنه يعنيها الموضوع
////
ابو مشعل تنهد ثم جلس: الله لا يهينك بسحب ملف ريم من المدرسة
...~...~...~...~....~....~....~....~.
بالسيارة
شافت الطريق يختلف عن طريق البيت
وبخوف : وين بتوديني
ابو مشعل بعصبية : ماابي اسمع ولا صوت ولا همس منك سامعتني
ريم كتمت بكاها وصارت تبكي بدون صوت وجسمها كله يرجف
وبعد نص وصلوا للمكان اللي قاصدة ابوها
وانصدمت وهي تشوفه مستشفى الطب النفسي
هزت راسها بصدمة وبتأتأة: ءءء لـ لا ءءء انا ...
ابو مشعل بعصبية: نزلي
نزلت بخوف وهو مسك يدها وصار يسحبها وراه
تكلم مع الريسبشين وقالوا له ينتظر لحتى ينادونه
وبعد انتظار طال لمدة سمع اسمها وهم ينادونها وقف ووقفها معه ومشى ودخل الغرفة
ابتسم الدكتور بعد ما شرح له ابو مشعل كل شيء
: هاه وش رايك يا ريم ؟ في شيء حابه تزيدينه
ريم بقهر: ولا شيء بس التدخين كانت اول مره بس وهي اللي كشفتني فيها "وهمست بقهر بينها وبين نفسها" ( الاستاذة الزفت)
الدكتور وجه كلامه لابو مشعل : بالنظر الى عمرها فكل تصرفاتها جداً طبيعية للي بمثل حالتها هل انت متوقع ان تمر بكل اللي مرت فيه وبتبقى تصرفاتها تصرفات كمالية وطبيعية مسالمة؟
عجبها ريم الكلام وابتسمت ابتسامه واسعة ملت وجهها
الدكتور كمل: بس طبعاً ماهو مبرر.... مثلاً ان انا عشت لحظات سيئة معناه عادي اسوي اي شيء سيء بدون اهتمام لا بالصحة ولا بالاخلاق ولا بالعادات طبعاً مو مسوغ لها ابداً .. لكن انت تقدر بانك تعاقبها عقوبة تخليها تحرم تسوي هذا الشيء مرة ثانية
ابو مشعل تنهد : ما يستدعي الوضع انك تدخلها يعني ؟
الدكتور: ممكن تجي وتروح لكن ندخلها الا اذا كان فيه محاولة لايذاء النفس او مثل بحالة لو بدأت تهلوس فهنا ندخلها المصحة
ابو مشعل: واذا كانت عندها محاولات سابقة ؟
الدكتور ناظر ريم بنظرات ما فهمتها غامضة: نشوف اذا هي حاولت لمرة ثالثة نقرر
بلعت ريقها وشتت انظارها
الدكتور وقف وسلم على ابو مشعل وهو يرد على ابو مشعل بعد ما شكره
وطلعوا وهو يسحب ريم بقهر وعصبية ركبت السيارة وهي تبتسم وهو معصب
ريم بابتسامة وهذا التفسير الوحيد اللي يفسر جيته لهنا ومحاولته بانها تبقى بالمصحة: ما قدرت .. وعجزت تلاقي احد ترميني عليه .. وهذا المكان الوحيد ورفض ياخذني .. يلا دور مكان ثاني
بقهر من كلامها وسخريتها ضربها بقفى يده على فمها
ريم حطت يدها على فمها : اااه ههههههههههه شفيك عصبت هذا الصدق
ابو مشعل: انزلي
ريم التفتت وشافت انه وصلوا البيت : اوووه وصلنا
نزلت وهو نزل ومسكها من ذراعها وسحبها معه دخل البيت وهو يسحبها وهي حاطه يدها على فمها اللي ينزف بسبب الضربة
مشى لغرفتها ودفها يدخلها وبعصبية: اجلسي وفكري بتصرفاتك ممنوعة عن الجوال وعن التواصل مع اي احد طلع وسكر الباب وقفله عليها
نزل وجلس ويحس مفوره اعصابه منها.
دخل مشعل وملامحه مليانه تعب وكم ثوبه مليان دم وثوبه من جهة صدره كذلك
ابو مشعل عقد حواجبه : وش صار ؟ عسى ما شر ؟
مشعل بتعب : حادث
ومشى رايح لغرفته ياخذ شاور
_______
مر اسبوع
وريم محبوسة في الغرفة فقط يدخل عليها ابوها ويحط لها صينية الاكل ووينتظرها تاكل ويعطيها حبوب الضغط ويطلع من عندها
طفشت وملت حتى يدخل هو ويفاجئها بدخول حرمة معه وهي منسدحة على بطنها وتطقطق عالجوال
ابو مشعل: قومي استعدلي
جلست وهي تناظره باستغراب: مين هذه
ابو مشعل: هذه معلمة بتدرسك وبتشرح لك دروسك وبتروحين للمدرسة وبس بتختبرين هناك
بما اني شرحت للمدرسة ان وضعك خاص
ريم: وليه خاص؟ وش فرقي عن غيري
ابو مشعل: انك مخبولة وما تنتركين لحالك
ريم شطحت وبما انها لها اسبوع لحالها ما تكلمت فجأة صابها هوس الثرثرة وتبي تقول اي شيء حتى لو ما يخصها وكيذا هي شخصيتها: ليه انت متزوج ثنتين
ناظرها ورفع حاجبه وابتسم بداخله : شهالشطحة اللي مالها حل .. مالك دخل كيفي
ريم: مين تحب اكثر
ابو مشعل ناظرها وشافها كيف تبتسم وفيها الضحكة ابتسم : ثنتينهم
ريم بسخرية: قلبك فندق ما شاء الله بس قلب خمس نجوم والا لك عليه ؟
ابو مشعل: هههههههههههههههههه كل واحدة لها مكانة خاصة عندي
ريم : وامي كم كان رقمها ؟
ابو مشعل: ابلعي لسانك يا مال اللي ماني بقايل
ريم ببرود: ليه ابلعه ؟ وليه ما تكلمني عن امي ؟
ابو مشعل: هذا موضوع النقاش فيه ممنوع دوري غيره
ريم: طيب انت وش كانت اسبابك يوم رميتني
ابو مشعل: كانت قوية ياامي ماقدرت اتخطاها
ريم بوجع: وليه هالظروف ما صارت لنور او لرغد ليه انا ؟
ابو مشعل: رييم شكلك بتطلعين الاسبوع اللي تعاقبتي فيه من عيوني من كثر اسئلتك
ريم ببرود : ما احد قالك احبسني
ناظرها ولاحظ شفايفها المايلة للرمادي مسك فكها وقرب وجهها منه وهي انصرعت من تصرفه وهو يقرب لها بذا القرب
ريم بارتباك راح فكرها بعيد وخافت حيل: خخير وش تبي كيذا
ابوها عقد حواجبه : من وين لك الدخان كيف جبتيه؟
ريم بتصريف : أمي وينها هي ماتت والا باقي حية ،؟!
ابوها قلب وجهه ومسكها من رقبتها ووسدحها عالسرير وهو فوقها والغضب معميه مسيطر عليه وممتلكه
شهقت بخوف : هــــىء
ووو
___________
انتهى البارت
تفاعل؟
اسفه على التأخير
