———
ابو مشعل ماسك خلف من ياقة بلوزته : وينك عنها ؟ يوم انها تنحاش وينك ؟
خلف بضيق: رحت اجيب الشاحن المتنقل مادريت انها ناوية تهرب ويوم رجعت ما لقيتها
ابو مشعل: جلست وحط ايديه على راسه بغضب : وين بتكون راحت يعني
" كان المكان كما وكأن مر زلزال دمر كل لحظة سعيدة كل ضحكة ضحكوها الغضب والقهر سيد المكان ومتسيد على أحساسهم صمت حل على البنات وغضب ثار في صدور العيال "
مشعل يكلم من يقدر انه يساعده بصمت وبتستر
رعد جالس ويهز برجله بغضب من ريم وتهورها خالد اللي قابل الامر هذا ببرود كونه علاقته باردة بريم وما هو مهتم فيها من دخلت حياتهم عبدالعزيز اللي طلع من الاستراحة يدور ويبحث عن اثر يدله لريم اما البقية فقط متفرجين ودواخلهم تغلي :..~..........)
////////////________\\\\\\\\
ريم ..~..
بعد ما استمرت تضغط على جرس البيت اللي قدامها رفعت عيونها له غرقانه مليانه حزن وبغصة : جـ جابر
نزل ايده بصدمة وهو يناظر فيها : ريم
رجع على ورا أثر احتضان ريم له بكل قوتها وهي ماسك طرف بلوزته وصارت تبكي بعالي صوتها وتشهق بوجع : جـ جا بـ بـ بر اشششتتقققت لك
ااااااااااااااه هــــــــــــــئ اهـء
غمض عيونه بوجع وصوت بكاها سكاكين تطعن قلبه وتدميه رفع ايدها وحضنها بكل قوته وبصوت هادي يرتجف : هشششش اهدي يا قلبي بسم الله عليك
كلامه ما زادها الا بكى
جابر بلع ريقه: ريم تكفين اهدي لا يصيبك شيء وانا توني ملاقيك الله يخليك لي
ريم وهي تبكي : اههه خـ خـ خبيني بيلقاني
جابر فتح عيونه بصدمة : هاربة ؟
ريم هزت راسها : ما قدرت اجيك حاولت وكل مرة ما اقدر والان قدرت
شد باحتضانه عليها وبهدوء وقلبه يرتجف وده يصرخ بقهر لكن لابد منه هو يهدأ علشان تهدأ هي وتخفف شهقاتها وبكاها وانهيارها
،
،
،
بعد فترة بسيطة
،
،
،
،
// جالس بغرفته على الكنبه وهي جنبه وحاضنها وهي حاطه راسه على صدره ومغمضة عيونها وبين الحين والاخر تطلع منها شهقة لا ارادية منها وهو يسمي عليها حكت وحكت وحكت ومل الحكي منها
كلامها خلاه يكبر عشر اضعاف فترة بعدها عنه مسك يدها وصار يمسح على اثر جراحة بيدها اثر هي سوتها تحاول تأذي فيها نفسها تنهد بوجع
: ريم
ريم بتعب: هممم
جابر بهم: اوعديني !
ريم : همم بايش؟
جابر بألم: عيشي علشاني اذا تبيني اعيش وما أموت
ريم شهقت : لاا لااا لا تموت الله يخليك
جابر ابتسم: على اساس بيدي ما هو بيدي الكل مصيره موت يا ريم مصير النفس ينقطع والروح تغادر هالجسد يا قلبي وهذا كلام مُسَلّم فيه بس تدرين الشيء اللي غير مُسَلّم فيه ؟ ان الانسان يموت وما ترك وراه اثر طيب ينذكر فيه ما عمل لآخرته وما استعد ... مابذل أي أقصى جهد لدخول جنة رب العالمين ...~... غلط كبير منك ياريم تحاولين تعجلين بموتك وانتي مو مستعدة .. ما قدمتي اي شيء ولا انجزتي شيء انتي حتى عمرة ما اعتمرتي
ريم بكت : وانا امداني اسوي من رحت عنكم وحياتي جحيم في جحيم ماقدرت اتحمل تعبت يا جابر واااجد تعبت قدرتي عالاحتمال صارت صفففر
،
،~،
وفي هذه الليلة انهارت ريم بحضن جابر اخوها المكان الوحيد اللي لقت الامان فيه وبعد انتهاء نوبة انهيارها غفت عيونها بإعياء وتعب حملها وسدحها عالسرير ولحفها بعد ما باس جبينها واستودعها للذي لا تضيع ودائعه وخرج لبرا الصالة لزوجته اللي تسمع بكى ريم وتبكي معها وخاطرها مكسور عليها
..~...
