نزل من السيارة وهو يتأفف طفش وهو يدور وما لقى له شاحن وعنده شغله ضرورية يحتاج فيها الجوال
دخل البيت و وصعد لغرفته عقد حواجبه وهو يشوفها مفتوحة وصوت بنت تغني وصوت خلود عمته تسولف
وقف عند الباب وفتح عيونه بصدمة من اللي واقفة عند البلكونة وشعرها يتطاير مع الهواء شفايفها مليانة ومزينة بروج وردي طبيعي عيونها واسعة وهذا اللي ذبحه وعليها أنف كالسيف وكأنه ساحر وأنفها هو ضربته شعرها وصوتها ونعومتها
عض شفته بقهر وش تبي بغرفته وما حلت لهم الجلسة الا فيها رفع حاجبه وناظرهم بحدة وهو يسمع شهقتها اللي صدرت من ريم عن خوف لما شافته
تقدم وبنرفزة : مين سمح لكم تدخلون هذه الغرفة
ريم ناظرت خلود وهي قامطة ام العافية
خلود تخصرت: كيذا تكلمني وانا عمتك وبعدين دخلت استكشف الغرفة مع ريم وش المشكلة
تقدم لها وبعصبية مسكها من ذراعها: وبكل وقاحة تعترفين يعني مو قلت لك لا احد يدخل الغرفة
خلود: حرام علييك بس حسيت بلقافة وش فيها ودخلت
غازي ناظر ريم بحدة وهي رجعت على ورا بخوف وصدت بنظراتها
رجع التفت على خلود وبعصبية: انقلعي انتي واياها برا ولا عاد اشوفكم معتبين باب الغرفة
اول ما طلعت من الغرفة انفجرت ريم تبكي وهي مسكرة فمها بيدها
خلود التفتت لها بصدمة وسحبتها لدورات المياة
خلود بخوف: وش فيك ؟
ريم ببكى: يخوف ليه يصرخ كيذا
خلود كتمت ضحكتها: ههه طيب هو صرخ علي
ريم تنهدت وهي تمسح دموعها حست نفسها مسخرة واضحوكة لخلود ولا هي فاهمة ليه هي تبكي
ريم بجمود وصوت مبحوح: مافيه شيء خلاص
دخلت لدورة المياة وقفلت على نفسها الباب عضت شفايفها بخوف الى الان تحس دمها يرجف من داخل وقلبها طايح ببطنها تنهدت وجلست على كرسي الحمام "وانتوا بكرامة"
وسمحت لدموعها تنزل تبرد مافي خاطرها
تنهدت خلود بضيق حست انها زودتها ورجعت جلست عند البنات على بال ما تطلع ريم
___
حتى مرت نص ساعة ما طلعت ريم من دورة المياة توترت خلود وصارت تدق الباب وريم مو راضية تفتح
خلود بعصبية وهي تدق الباب: انا اوريك والله لا اروح اعلم اخوي عنك
ريم بقهر: روحي انقلعي عني احسن لك ترا ماني فاضية لك
خلود بقهر: هذا وانا عمتك تتكلمين معي بهالطريقة ... خلي عندك احترام شوي
ريم بعصبية : ماني محترمة احد وما جبرتك انا توقفين عند الباب عندي هنا وتحاولين فيني اطلع لاني مانيب طالعه ابعدي عني احسن لك
خلود : افتحي الباب واطلعي من الحمام وانقلعي ازعلي بأي مكان ثاني بالطقاق بس لا تزعلين وتبكين بالحمام ما يصلح
نور مسكت خلود من كتفها وبهمس : بحاول
نور بهدوء : رييم
ريم انقهرت: خيييير ..
نور برجاء : ريم تكفين اطلعي
ريم تنهدت وعصبت : بطلع بطلع بس مو الان اوف
جمدت ملامحها وهي تسمع صوت ابوها يسأل بصوت غليظ : وش صاير هنا؟
عضت شفايفها بقهر من خلود اللي قالت: بنتك ياخي لها نص ساعة داخل ومو راضية تطلع
تنهد شهالطلعة الجديدة هذه بعد " الجلوس في دورات المياة"
دق الباب وبهدوء: ريم يا باابا افتحي الباب
ريم بهدوء: بفتح بس مو الان
بحدة ونبرة غير قابلة للنقاش: الأن
رفعت راسها تناظر وجهها بمراية المغسلة باقي
انفها احمر تنهدت وفتحت الباب وهي منزلة راسها
مسكها من ذراعها بهدوء: وسحبها لعنده : وش صار ؟
ريم : ماصار شيء
ابو مشعل عض على شفايفه : يصير خير .. واقطعي سالفة البكاء داخل الحمام
___________________
