بالمستشفى غرفة ريم ..~...
تنهد ونفخ بقهر : يعني حتى انا ما تبين تكلميني ؟
صدت عنه ولا ردت عليه
تنهد بقهر وقلبه يعوره عليها: يعني اطلع ؟
الفت على صوت فتح الباب وشافه اخوه ابو مشعل : وعليكم السلام ورحمة الله وبركاته
جلس عندها ومد يده وقربها من راسها وتراجع من لما شافها انتفضت بخوف وبعدت عنه وهي مرتعبه : لا حول ولا قوة الا بالله ، ريم يا بابا ما يصلح كيذا لا تخوفيني عليك
الله يخليك
( سمعته وفي بالها تفكر ليه ما خاف علي يوم انه قطع جلدي بعقاله وضربني كأني بهيمة )
_______________________
بعد مرور اسبوعين ظلت فيها ريم ساكته استجابتها فقط مع سارة وخلف بالإيماء ولا هي حابه تتكلم وتسمّع احد صوتها
وبعد مرور هالاسبوعين وبعد ما اقترح خلف يسافر معها لمكة واعتمرت وبكت هناك وواشتكت لربها همها ودعته انطلق لسانها وسمحت لنفسها تعطي الحياة فرصة و
بالفندق..~..
ريم بزعل : لا ماابي خلنا نجلس هنا والله مرتاحة اكثر هنا
خلف جلس جنبها: عارف ياقلبي انك مرتاحه وانا مرتاح بعد بس يلا علشان فيه مكان ثاني بعد ابيك تروحين له
تنهدت : طيب
،،
،،
بالسيارة متوجهين للمدينة ..~..
: يعني ما زعلتي منهم ؟
بهدوء: انا غلطت واستاهل العقاب ( وبوجع ) مجروحة منهم ايه لكني مو شايله على احد بقلبي
خلف : ليه ؟ غلط ما تقدرين تعيشين كيذا بيرجعون يأذونك من جديد
: واجلس اعيش عمري بحريقة وضيق طول ما انا عايشة معهم خلها على الله
___________________
بعد مرور ٣ ايام ..~..
رجعوا ريم وخلف من المدينة بعد ما جلسوا هناك وتمشوا فيها وغير جو لريم اللي ارتاحت نفسيتها وتصالحت مع نفسها رضت باللي ربي كاتبة لها وهذا شيء هي ملزومة فيه طالما هي تتنفس الحياة الدنيا غدارة ما تصفى لأحد جُبِلت على النكد والانسان خلق في كبد لكن اللي عليه يؤمن ان الابتلاء ماهو الا اختبار من رب العالمين لهذا الانسان وان الدنيا فانية ويعمل لآخرته ويحقق الغاية اللي خلق لها ..~....
استقبلها ابوها بالاحضان واما هي بادلته بحضن خجول وهذا الشيء اسعد ابوها بشكل كبير صدمته وصدمه تفاعلها معها وتقبلها لكونه ابوها
سلمت على باقي خواتها وجلست بجانب سارة وبدت تحكي لها وين راحت وايش شافت هناك
شرحت لها مشاعرها بالعمرة ونزولها تصلي في الحرم
ريم : اييييه شوفي شريت لك هدية
فتحت شنطتها وطلعت صندوق ومدته لسارة وبخجل: يارب تعجبك ..
سارة بفرحة: يا زييينك يا قلبي
حضنتها سارة وباستها على خدها
فتحته وطلع انه مصحف تكلمت بابتسامة: الله يسعدك كيووت
ريم وقفت وبيدها كيس وقربت من نور وبخجل : هذه لك يارب تعجبك
نور حضنتها وبابتسامة: شكراً يا قلبي
ريم : العفو ولو
رجعت واخذت الكيس الثانية ومدتها لرغد
ناظرتها رغد ببرود ووقفت ومشت عنها بدون لا تاخذ الهدية ومكشرة بوجهها
ابتسمت ريم ومدت الكيس لسارة : صار من نصيبك هديتين
سارة : يسسس ههه الله يسعدك وسكت وهي تبتسم ووجهها محمر من الغيض
تنتظر بس يهدا الجو ويعدي وتروح تسفل برغد وحقارتها
ريم مشت وبيدها كيس مستطيل شكله وقربت من ابوها بحيا وبصوت طلع ناعم من خجلها: هذه لك
ابتسم وحط يده ورا ظهرها وسحبها له جلسها على فخذه وحضنها لصدره : تسلمين لي يا روحي وش هي
ريم بحيا : مدري افتحها
ابتسم وهو يشوفها سبحه فخمة وعتيقة
ريم : حلوة؟
ابو مشعل:الله ريم الحلوة تجيب لي هدية وما تكون حلوة الا حلوة ونص بعد
ريم ابتسمت بخجل : انا ... انا اسفه على كل شيء سويته .. ما كان قصدي
ابو مشعل سحب راسها وحضنها وهو يبوسه : لا تعتذرين فداك يا ابوي
______________
