بيت ابو غازي ..~..
جناح غازي وريم ..~..
فتحت عيونها والرؤية عندها متذبذة رفعت يدها وتفاجئت وهي تشوف سلك موصول بكفها ويمتد الى كيس مغذي معلق بجنب السرير
تعدلت بجلستها والدنيا تدور حولها غمضت عيونها فترة وما فتحت الا لما حست بايد على راسها تمسح عليه بكل هدوء رفعت راسها وشافته جالس جنبها ويمسح على راسها ونظراته هاديه جامدة ما تعرف هو ايش يفكر فيه حالياً
غازي بهدوء: انخفض ضغطك ركبت لك مغذي وعطيتك دواك انا الان عندي شغل مضطر اروح بما انك صحيتي ... العاملة موجودة اذا بغيتي شيء طلبيه منها
ريم بارتباك وهي تشوف ملابسها متغيرة بيجامة نوم مريحة سوداء بارزه لبياض بشرتها :ءءء مـ مين بـ د ......
غازي بجمود وهو واقف بيمشي: انا بدلت لك
ريم : ليه مـ ما قلت للـ عـ عاملة؟
غازي : لاني ماراح اسمح لها تتكشف عليك طبعاً
وبعد كيذا طلع بدون ما يعطيها اي فرصة ترد او تناقشه
_________
ومر عليها اليوم ما بين الكنبة اللي بالجناح وبين سدحتها على السرير وتقلباتها
حضنت نفسها وصارت تسترجع احداث الليلة الماضية رفعت اصابعها لفمها وصارت تعض فيهم بقهر من تملكه لها بهالطريقة ورعبها منه ليه مجبورة تعيش حياتها دايماً برعب
......
دخل لغرفة النوم وتفاجئ من طريقة جلستها ومن اصابعها اللي بفمها وصايره تقظم فيها من غير وعي منها قرب منها ومسك يدها ونزلها ارتجفت بخوف لانها ما لاحظت دخوله ولا حست فيه
غازي عاقد حواجبه: خير ؟ شالاسلوب الجديد ؟
ريم : بس افكر
غازي : فكري بدون ما تعضين اصابعك كنك قطو
وبعدين مين فك المغذي
ريم بكذب: العاملة
غازي يسلك لها : اهاااا ، اكلتي
ريم : ايه
غازي : قومي سوي لي شيء اكله
ريم عقدت حواجبها وبقهر : ليه ما تقول للعاملة تسوي لك مالي خلق اقوم
غازي غمض عيونه بقهر: وانا متزوجك ولا متزوج العاملة
ريم : وانت متزوجني خدامة؟
غازي بحدة: ريييم
ارتجفت بخوف ووقفت بحدة وطلعت من الغرفة وتوجهت للمطبخ طلعت الساندويش بتسويها له
ريم بحلطمة وهي تقص الساندويش وبقوة: متزوجني خدامة بداية حياتي اشتغل خادمة وباخرها خادمة هذا اللي ناقص
ومن عصبيتها ورجفتها ما انتبهت لنهاية الساندويش وانها انتهت من تقطيعها وجرحت ايدها من الوسط
عفست ملامحها بالم: اححح
رمت السكين وحطت الساندويش على الرخام ودخلت يدها تحت الموية بعد ما فتحتها
شهقت لما حسته وراها بالضبط مسك يدها : لا حول ولا قوة الا بالله بزر انتي ما يعتمد عليك ؟
سحبها معها وجلسها عالكنبة وصد عنها غاب ثواني ورجع بيده شنطة الاسعافات
جلس جنبها ومسك يدها نظف يدها وعقمها عقد حواجبه يوم شاف الدم يرجع يطلع بنفس الغزارة الجرح كان طويل شوي طول الاصبع لكن عميق مما خلاه يضطر يخيط لها الجرح وضمده
غازي : ترا كلها ساندويتش بتسوينها لي وصلى الله وبارك ما قلنا لك اطبخي مفطح!
ريم نزلت راسها باحراج : ما انتبهت انها انقصت وخلصت كنت سرحانة
غازي ولأنه كان يراقبها كان عارف لذا سكت ووقف بدون مايرد عليها: روحي البسي بننزل تحت نفطر
__________
وتمر الايام اعتادت ريم على حياتها مع غازي تصحى الصباح قبله تتروش وتتعدل تسوي له الفطور وتصحيه تجهز له ملابسه ثم بعد كيذا تجلس معه وتفطر احياناً تطلب منه يوديها بيت ابوها واحيانا تكون تبي تجلس لوحدها في الشقة
تاخذ غفوة وتصحى على صلاة الظهر تصلي ثم تبدأ بالغداء اما العشاء رسمي يكون تحت عند اهله
@@@@@@@
دخل وهو يسمع صوت بنت تغني وطربانه حدها انهاار كل ما فيه وهو يشوفها واقفه ورافعه شعرها باهمال لابسه شورت رمادي قطني وقميص قصير مبين سرتها تلبس كيذا اذا كانت لحالها ولا تدري انه بهذا اليوم راح يجي بدري
مشغلة جوالها على اغنية عبدالحليم وتغني معاه ومنطربة وتشتغل
تكى بكتفه على باب المطبخ وظل يتأملها ويتأمل تصرفاتها الطفولية وهو ذاايب من جمالها ودلالها
يوم حس انها طولت وباقي ما حست بوجوده دق باب المطبخ بهدوء : السلام عليكم
ريم التفت وحمرت خدودها : وعليكم السلام هلا والله متى جيت ؟
غازي : توني
ريم باحراج تصد بعيونها عنه : بروح ءءء ببدل وجايتك ثواني بس
غابت لدقايق معدودة وطلعت لابسه بنطلون جينز ابيض وتي شيرت بدون اكمام وردي وفاتحة شعرها
ريم بابتسامة وحماس جاسة تركض من الغرفة وبصوت عالي : غاااااااااززززززززي
طلع من المطبخ مفجوع وانصدم وهو يشوفها تركض بجهته ثواني هي حتى حس فيها تتعلق برقبته وتحضنه وتضحك على خرشته حضنها وحاوطها بايديه ومشى فيها للكنب وجلس وجلسها بحضنه : متى تتوبين ؟
ريم دفنت وجهها بكتفه وهي تضحك كل ما تذكرت ملامح وجهه المنخرشة : ما راح اتوب
غازي : قد كلمتك؟
ريم : لا هههههههه
غازي ابتسم وزاد باحتضانها وبهمس : أحبك ،،
ريم ابتسمت وهي تحس قلبها يدق بشعور مماثل لشعوره وبنعومة: وأنا اموت فيك واحبك قد حبك لي واكثر
غازي ابتسم وقبل جبينها بعمق وظل حاضنها
ريم بعد صمت : غازي
غازي : ياعيونه
ريم باحراج : احم ءءء انا امممم شسمه ذا من اسبوع مو قلت لك اني بروح مع خالتي المستشفى
غازي: اييه
ريم : ءء امم رحت وسويت فحوصات وتحاليل لاني كنت احس بتعب وظروفي مو كويسة ...
غازي بعدم صبر: ايوا وبعدين؟
ريم باحراج ودفنت وجهها بصدرة وطلع صوتها مكتوم : انا حامل
جمدت ملامحه لثواني ومن بعد هذه الثواني تحول جموده لضحكة ملت الشقة كلها وبعد ما شبع ضحك تكلم بحنية: وجايتني تركضين رجيتي راس ولدي يا ويلك ان شفتك تراكضين وتناطحين خلق الله
ريم ابتسمت : تمام
غمضت عيونها وابتسمت وهي تشوفه يسدحها على صدره بعد ما انسدح هو على ظهره
وابتسم : تدرين انه احلى خبر بحياتي قلتيه لي وسمعته ؟
هزت راسها وهي مبتسمه
غازي عقد حواجبه : دقيقة دقيقة مو انتي قلتي لابوك انك ما تقدرين تجيبين عيال ؟
ريم اعتفست ملامحها : ايه بس كنت معصبة وقتها بعدها ما اقدرت اكمل بالكذبة وكلمته وقلت له انه مو صحيح
غازي حضنها : تنذكر ولا تنعاد
________________
بعد ثلااث سنين ..~...
ريم :جراح تعال يلا
جراح جاها يركض : مااامااا
ريم نزلت له : عيووون ماما
حضنته بقوة وباست رقبته بحركة تضحكة وعلى طول ضحك بطفولة ومال براسه : ماما يدحك
هههه
ريم : ههههه جعل ما احد يضحك غيرك
غازي بعصبية : ريم جراااح يلا تعالوا خلصوني بنروح كني سواق ابوكم اللي جابكم
ريم : طيب طيب جيت ليه تنافخ
لو انك راضي لي اسوق ماكان هذا حالك
غازي : معصي
التفت عليها وناظرها بنظرة تفحص : ايه كويس ( وبخبث) غطيتي رقبتك ؟
ريم باحراج : انطمم يا قليل الادب فرحان هاه
غازي : ههههههههههههههه
_______________
@
@
وبعد مرور الثلاث سنوات
خلالها عاشوا الكثير تزوجت سارة بحاتم وجابت بنوته صغنونة
وفراس اخو غازي تزوج لينا اخت حاتم وجابوا توأم بنت وولد
اما عبدالعزيز اخو ريم تزوج نجود اخت غازي وجابت ولد وبعده بسنة جابت البنوتة
رغد سافرت للخارج تكمل دراستها
منار انخطبت وملكت على صديق اخوها
والزواج باقي له سنة لانه ناوي يرتب اموره كامله ثم يتزوج وما ملك الا خوف من ان منار تروح عليه
اما رعد تزوج امل اخت حاتم فقط عقد الى ان تخلص ثانوي وسنة اولى من تخصصها على الاقل
اما خلف رجع يسافر للخارج ناوي يكمل الزمالة
وكل ما قالوا له تزوج يقول لاحق عالزواج وهمه
___________
ابتدت الرواية بقصة ريم وكيف كانت تعاني من العائلة اللي عاشت معهم عاشت مشتته بين حنية اخوانها وقسوة ابوها وامها وخواتها ثم بعدها تنصدم بالاحداث اللي صارت لها .. لكن لابد تجي اللحظه اللي راح تقدر تعيش فيها مع نسيان كل الاحداث السلبية في حياتها وحتى لو ما نستها بتقدر تتناسها وما تطري على بالها كل شوي
لأن ما بعد العسر الا اليسر
وما تضيق الا لتفرج بحول الله وقوته وطبعاً بمساعدة و دعم قوي من غازي وكيف كان تعامله معها بكل حنية وصبر كان صابر على كثيير من تصرفاتها غثيثة كانت او عبيطة لكنه بالاخير قدر يحول ريم من بنت كئيبة تخاف من ضلها الى بنت قوية وضحكتها ما تفارقها
@@@@@|||||@@@@@@@
وهنا وصلت معكم الى نهاية هذه الرواية ..
مشاعري مرتبكة بشكل قوي لدرجة مو قادرة استوعب اني هنا انهيتها ظليت فترة طويلة اكتب فيها مريت بمشاعر غريبة وانا اكتب ما اكذب عليكم بعض الاحيان تدمع عيوني بالرغم من اني انا اللي جالسة اكتب الحدث بعد ماتخيلته ومع الشيء اللي انا شابكته عالسماعة واسمعه وانا اكتب زااد بمعدل التأثير
تممممممت بحمد الله ..❤️
ان أصبت فمن الله وان اخطئت فمن نفسي والشيطان 🌺
كونوا بخير واذكروني بدعوة ..🌺♥️
واكتبوا لي ارائكم بكل صراحة ؟ ومشاعركم بكل صدق ..❤️😍😍😍😍
واعذروني على الاخطاء الاملائية
استودعكم الله الذي لا تضيع ودائعة ...♥️
لنا لقاء اخر اذا ربي كتب ..♥️🌺❤️
..______________________________..
