Author's POV
චනූ සෙශා දෙන්නත් එක්ක ටැක්සි එකක නැගලා කෙලින්ම ආවේ එයාලගේ ගෙදරට. ටැක්සි එකේ එනකන් අමාරුවෙන් හිරකරගෙන හිටපු සෙශගේ කඳුලු ගෙදරට ආපු ගමන්ම ඔහේ ගලාගෙන යන්න පටන් ගත්තා. හොඳ වෙලාවට එයාලා ගෙදර එනකොට චනූගේ අම්මවත් තාත්තවත් ගෙදර හිටියේ නෑ. නැත්තන් එහෙම එයාලා අහන ප්රශ්ණ වලටත් උත්තර දෙන්න වෙනවනේ. ගෙදරට ආපු ගමන්ම සෙශා දුවගෙන ගියේ එයාගේ කාමරේට.
චනූත් සෙශාගේ පස්සෙන්ම කාමරේට ගියත් එයා මුකුත්ම කියන්න ගියේ නෑ. මොකද චනූට තේරුනා මේ එයාගේ යාලුවා එක්ක කතා කරන්න හොඳ වෙලාව නෙමෙයි කියලා. ඒ උනාට චනූගේ හිත ගොඩක් ලොකු කුතුහලේකින් පිරිලා තිබුනේ සෙශා මෙච්චර අඬන්න තරන් ජින් මොනවද කිව්වේ කියන එක ගැන. මේ ඒක අහන්න හොඳ වෙලාවක් නෙමෙයි කියලා චනූට තේරුන හින්දා එයා නිශ්ශ්බ්ද උනා. මේ වෙලාවේ තමන්ගේ යාලුවා වෙනුවෙන් කරන්න තියන හොඳම දේ නිශ්ශ්බ්දව ඉන්න එක කියලා චනූ තේරුන් ගත්තා.
ඒ උනාට සෙශා මෙහෙම අඬන්න තමෞත් හේතුවක් කියන කාරණාව චනූගේ හිතට දිගින් දිගටම වද දුන්නා. මොකද එයා කියපු නිසා තමයි සෙදා ජින්ව මුණ ගැහෙන්න කැමති උනේ. චනූ හිතුවේ සෙශා මොන දේ කොහොම කිව්වත් එයාගේ හිතේ කොනක හරි ජින්ට කැමැත්තක් ඇති කියලා. ඉතින් චනූ හිතුවා දෙන්නා මූණට මුණ ගැහිලා කතා කලහම මේ ප්රශ්ණ හැම එකම හොඳ අතට හැරෙයි කියලා. ඒත් මේ සිද්ද උනා දේ එයා කොහොමටවත්ම නොහිතපු දෙයක්. සෙශා ඇඳ උඩට වෙලා කොට්ටෙත් බදාගෙන අඬනකොට චනූ එයාගේ ළඟට ගිහින් ඔලුව අතගෑවා. තමන්ගේ හොඳම යාලුවා මේ විදිහට අඬනකොට තමන්ට කිසිමදෙයක් කරගන්න බෑ කියන හැඟීම චනූට ගොඩක් වද දුන්නා. ඒක නිසා චනූගේ ඇස් වලටත් කඳුලු එකතු උනේ ඉබේටමයි. පිටිඅල්ලෙන් තමන්ගේ කඳුලු පිහදාගෙන චනූ දිගටම කලේ සෙශාගේ ඔලුව අතගාපු එක. මොකද මේ වෙලාවේ චනූට තමන්ගේ යාලුවා වෙනුවෙන් ඊට වඩා දෙයක් කරන්න හැකියාවක් තිබුනේ නෑ.
මෙහෙම පැයක් විතර ඉන්නකොට සෙශාට අඬ අඬම නින්ද ගිහින් තිබුනා. රිදමයකට වගේ ඉහල පහල යන සෙශාගේ උරහිස් වලින් චනූට ඒක තේරුනා. ඒත් නින්දෙනුත් සැරින් සැරේට සෙශා ඉකි ගහන එක නන් නතර උනේ නෑ. ලොකු හුස්මක් පිට කරපු චනූ ඇඳ උඩින් නැගිට්ටේ සෙශාට බෙඩ්ශීට් එකකුත් පොරවන ගන්මයි. සෙශා ගේ ඇතුළට එනකොටම වගේ එයාගේ බෑග් එක බිම ගලවලා දාලා ආවේ. චනූ ඒක නිසා පහලට ගිහින් සෙශාගේ බෑග් එක අරන් ආවා. බෑග් එක සෙශාගේ මේසේ උඩින් තියන ගමන් ආපහු සැරයක් සෙශා දිහා බලපු චනූ bathroom එකට ගියේ වොශ් එකක් දාන් එන්න කියලා හිතන්.

YOU ARE READING
Random Love ✓
Random🍃Life is a game and true love is a trophy 🌟 My love💘 for you is a journey that knows no ending 💫 I hope to be the last one you will love❤️ I love you because you saw me in ways that no else could ever do🥺💞 I am at my truest,🙃my silliest😋 an...