روح تائهة

البارت ........٢٣......

ريام:بصراحه فاجئتني امل من كالت
حتسكنين يمنا بصراحه ترددت لحضه
واني اكول شلون حسكن يمكم ومنو
كال قصدي يعني اهلج همى الي كلولج

امل:دصبري ياعيني ليش انتي خوافه
صيري سباعيه مثلي وخليني اكمل حجي

وحجيتلها كلشي وفرحت خطيه
ريام :يعني صدك هيا خاله والولد
قبلو اشكركم حبيبتي
زين مكتيلي بيش الايجار
شنو معليج ومتدرين زين انطيني
خاله اشكرها وحجيت وياها وشكرتها

كالت عندج غراض هوايه ىو قليلات
كتلها والله خاله عندي غرفة
وغراض مطبخ ماشي باجر اشوفلي
احد ياجرلي سيارة واجيب غراضي

واجي محمد يجيبلي السيارة شنو
هلزحمه خاله اشكركم وسديت منها
واني فرحانه يارب اشكرك سهلتها
عليه ورحت حميت الاكل لان
صدك انفتحت نفسي على الاكل

اكلت وشبعت الحمدالله وكمت الملم
غراضي ولي اكدر اخلي بلهول خليته
وقتت تلفوني اكعد من وكت
ودزيتلها ال امل رساله كتلها حبيبتي
باجر شوكت يجيني محمد علمود
ماتاخر بتحضير غراضي
ورجعتلي خبر كالت الساعه ١٢ الضهر

تحضري يجيج ان شاءالله
وشكرتها وكتلها سلميلي وهيا كلش فرحانه

كملت كلشي ونمت محسيت على نفسي غير الساعه ٨ الصبح كمت عسريع
غسلت وسويت ريوك لان ورايه
هوايه شغل ورا مكملت بديت افرغ
بغراض الثلاجه ونضفتها وبديت
الم بلفراش مخليت شي اخير شي

بدلت ولميت شعندي غراض باوعت
شفت الساعه ١١ وربع وجان
يدك تلفوني باوعت شفته امل
امل :شلونج ريوم اكلج محمد

خابرني كالي خلي تطلعلي باب العماره

لان هوا هس حيجيج مأجر سيارة
واجاج

ريام:ماشي حبيبتي تسلمين وسديته منها
ورجعت دزيت رسالة اليزن كتله
اني لكيت مكان قريب على بيت
محمد صديقك لتعب نفسك وتبقى
ادور
وطلعت شفت سيارة محمد من بعيد

بقيت واكفه واذا محمد ويا واحد
رجال شوية كبير بالعمر وسيارة
كبيرة حمل وعمال اثنين وكفو
قريب كلش
نزل محمد سلم عليه وكالي
وين الشقه طبيت جوا للعماره وشوفته
الغراض وجان ويانا يمشي
هذا الرجال سمعت محمد كاله خالي

صيحهم للعمال واجو عمال اثنين
كالي روحي صعدي بسياره بين
ميكملون رحت كعدت بسيارة
ورا ساعه اجوي كالو كملنا تعاي
اقفلي الباب علمود انودي المفتاح

الصاحب الملك كتلهم ماكو داعي
اخلي المفتاح يم الجيران رحت
دكيت الباب وفتحته ام حمودي

كالت شفت ناس يطلعون غراض
متوقعتج بهلسرعه حتعوفينا

كتلها والله ياخاله مو بيدي هيا
الدنيا يوميا ذابتني بمكان اتمنى
استقر بمكان وارتاح سلمت عليها
وخليت يمها المفاتيح وطلعت عسريع