روح تائهة

الجزء .......٥٣..........

ماذا لَو نَلتقي خلف نَجمةً بعيداً عن هذا العآلم أُقَبل عينيكِ وأُعانقُكِ للأَبد .

.................................
ريام:بعد منبهتني زوجة عمو سعد
رحت خليت غراضي بس جنطت ايدي
مبيها هوايه فلوس مخليه تلفوني بيها
بقيتها بئيدي
ورحت طبيت للحمام وهيا وياي
وطلعت رحت كعدت باالغرفه
بوحدي شويه واجتي خاله شكريه
كالت كومي بنتي ويانا دنروح البيت العاروس
انشوفهم وتتونسين ويانا
ومناك انروح البيت اخويه الازغر من هذا
الي احنا بيته يعني الي فهمته العريس ابن اخوها الخاله شكريه وابن اخته العمو
المختار
رحت وياها البيت اخوهم الخ
رحنا بقينا للضهر خلو غدة بس اني
والبنات خلونا باالغرفه مااعرف ليش
وهمى النسوان والرجال كعدو ياكلون
باالهول يلله بعد احسن علمود
اخذ راحتي كعدو بنات عمو سعد يمي
واخذني الواهس وياهم واكلت
رغم اكلهم مو كلش عجبني كلش دسم
وهوايه خالين واني بطبعي من اشوف
اكل هوايه معدتي تكوم توجعني
رغم عندي استعداد اطبخ  بس مااعرف
ليش معدتي تكوم توجعني بس اكلت وياالبنات
شويه وكمت
غسلت ورجعت كعدو يحجون باالعرس
وشنو مشترين وشحيسوون
اني عبالي العرس كم يوم ويصير وكلت
بلكت يغيرون رئيهم بيت عمو المختار ونرجع
قبل بوقت
بس صار الي ماجنت محسبتله
من طلعنا كعدنا كلنا باالهول جانو الرجال
طالعين كلهم وكعدنا كلنا سويا
كالو العرس تأجل بعد عشر أيام يله يصير
اني سكتت شريد اسوي
بعد اجيت وتورطت بقينا يمهم لحد المغرب

ورجعنا على بيت العريس
كالو ينتضرون عم العريس مسافر
الا يجي يله يسوون العرس وبعد ست ايام يلله
يجي
نمنا احنا النسوان كلنا بهاي الغرفه
ثاني يوم مشى واني محاجيه كلمه
مثل اليوم الى قبله وثالث يوم كاعدين الضهر
باالهول كلنا نسوان وبنات وجان تجي
بنيه تقريبا بكدي وتكلي اكلج انتي خرسه
متحجين مسمعنا صوتج
وجان خاله شكريه تكللها اسكتي عيب شلون
تحجين وياها هيج
ردت هيا على خاله شكريه تكللها لا مو عيب
لان من اجتي ولحد هس مفتحت حلكها
وحجت حجايه انريد نسمع صوتها
حلو لا اذا تحجي وجان اني ابتسم
على حجيها وجان تكول ها هياتها تسمع

وجان من صدك اكوم اضحك على حجيها
وبهل اثناء سمعت واحد يكول
اي ناس هادئه قابل مثلكم صوتكم يجيب
التايه باوعت واذا ولد شاب واكف باب
الهول لابس عسكري هذا شفته اول
مجينه يمكن يصير لو ابن عمه للعريس
لو اخو بس من شفت لبسه اذكرته
لا لا مااريد تنزل دمعتي كدام العالم
انداريت على صفحه وخانتني دمعتي
ونزلت وعلى السريع مسحتها هاي شبيا
ميصير هيج ريام تمالكي نفسج
وجان يسلم ويطلع الولد بس من طب لحد مطلع شفته يباوعلي والبنات الي كاعدات
كلهن حسيتهن ضاجن
وجان تجيني هيا هاي نفسها البنيه حسب معرفت اسمها غفران كالتلي
غفران:اكلج ليش من شفتي الابن خالتي
كمتي تبجين ها شنو تعرفي من قبل
اني ادري البنات كلهن هنا خالات
عيونهن عليه بس هوا الي وميصير
الغيري
شكرية :سكتي غفران وعيب هذا الحجي
شلون تحجين وياالبنيه هيج ونتي متعرفيها
غفران:وشدعواج خاله قابل هيا بتج
وداادافعيلها
شكرية :واكثر من بنتي وبعد معليج بيها
ونتي بنتي ريام ليش مترديها
وسكتيها
ريام:ماكو داعي خاله انتي رديتي بعد
ميحتاج واحب اكلج اني مو خرسه حبيبتي
اني همات اعرف احجي مثلج
غفران:والله وطلع صوتها اكلج انتي ليش
صوتج ناصي علي شويه خلي نسمع
مكتيلي ليش دموعج نزلت من شفتي
ابن خالتي ها وخطيبي المستقبلي
ريام:مبروك حبيبتي عليج وربي يتمملج
على خير ان شالله احب اكلج اني مو من هنا
معناتها اني مو مثل البنات الي هنا
هذا مو استنقاصا باالبنات وليش نزلت
دموعي اذكرت بابا الله يرحمه
مااعرف شلون اجت على بالي هاي الفكرة
من كتلها اذكرت بابا الله يرحمه همات جان عسكري
وغيرت الموضوع وكتلها اي وشوكت نفرح بيج
غفران:ها شنو الله كريم بوقتها تدرين
ريام وجان تكعد يمي وتبقى تحجي ويايا
كالتلي خلي نصير اصدقاء
بقينا نحجي لحد اليل وراها راحت البيتهم
وبدينا بيوم جديد وهذا رابع يوم