روح تائهة

البارت .........٤١...........

قل للعيون أذا تساقط دمعها
الله اكبر من همي واحزاني
قل للفؤادي
أذا تعاظم كربهُ
ربُ الفؤادِ بلطفهِ يرعاني
قل للأسى في القلب يكبرُ أنما
فرج الإله يغشاني

غابو عن العين والايام
تشغلهم أما عن
.....القلب .....
لاوالله ماغابوا

.............................
روح تائهه

ريام:مشت الايام وصار اسبوع من
تعرفت على بيت ابن عم بابا واني
كلش فرحانه لان صار عندي اقارب
يعني اني هس مو وحيدة
بس تبقة غصة بكلبي
اشتياقي للي ناسيني قررت اعيش
حياتي واكون قويه وادعيله الله
يشافيه ويذكرني عسى ولعل بيوم
يذكر
اني باالشغل الساعه عشرة الصبح

طبيت للدكتورة مجان يمها احد
كلت خلي اسألها بلكت تعرف شي
كتلها دكتورة ممكن سؤال
دكتورة نور:اسألي شعندج

ريام:دكتورة وكمت احجي وياها

دكتورة نور:والله ياريام تدرين الصدك
حسب مسمعت انو ابوه وامه اليزن
ماخذي ومسافرين علمود يتعالج
والله كريم
ريام :الله كريم 
تبقى يم الله صدك دكتورة مكتلج شصار
ويايا
دكتورة نور:شنو صار احجي
ريام:وبديت احجيلها عن الي صار ويايا
بس مو بتفصيل وبعدين رجعنا للشغل
والمراجعين
دكتورة نور :اليوم خميس ونطلع من وكت
تردين اوصلج ريام
ريام:بس اني اليوم معزومه بيت عمي
الدكتورة :اي عادي وين بأي منطقه
ريام:كتلها على المنطقه
الدكتورة :اصلاً هاي المنطقه الي ساكنين
بيها بيت عيالي واني الاطفال خليتهم
هناك فبكل الاحوال لازم اروح
كلش قريبين من منطقتنا يله لعد امشي
نطلع

ريام:دكتورة نور صدك حبابه احسها صديقتي
لان محسستني انه اني صديقتها مقربتني
من عدها وتعاملها كلش حلو ويايا
وخاصه من موقفي وياهم بوكت حادث
الخطف واني بصراحه كلش احبها

مشينا سويا وطلعنا بسيارتها مرينا من كدام
بيتهم كالتلي اريد ادليج بيتي اذا
بيوم احتاجيتيني
وبعدين مرينا من يم بيت عيالها
ترخصت ونزلت مطولت عشر دقايق
واجتي جايبه الاطفال عدها ولد وبنوته

خلتهم بلمقعد الخلفي وبعدها دليتها
بيت عمو وصلتني وتشكرت من عدها وراحت
اجيت ادك الباب
وقبل لا ادك جرس الباب انفتح
باوعت اكو مرية فتحت الباب باوعتلها
شكلها مو عربيه كامت تحجي ويايا عربي
مكسر ولابسه كله سمائي
طبيت جوا مشفت احد بلهول
وبعدين راحت وجان تجي زوجة عمي
كالت هاي انتي عبالي غير وحده
يلله هلو شلونج
كتلها الحمدالله وانتي شلونج وعمو
والبنات
ام رعد :ماشالله تطلعين من وكت
زين خوش دوام ميتعب
ريام:والله ياخاله الدوام طويل يوميا للساعه
٤ يلله اطلع بس يوم الخميس نطلع
الساعه وحدة وحنا دنحجي وجان نسمع
صوت
واحد يصيح يوم يوم وينج
ام رعد:اي يوم اجيتك رعودي عن اذنج
اخذي راحتج اني شويه واجي
ريام :بقيت كاعدة شويه واجتي
سهى سلمت وصعدت غرفتها كالت بس اغير
ملابسي واجي
حسب مفهمت طالبه بالكليه
ونهى اجت وراها وهاي بعدها طالبة اعداديه
والولد هماتين
ولتمينا كلنا على الغدة كانت جمعه حلوه
كالولي ابقي باتي اليوم يمنا كتلهم مجبت ملابس
سهى:بعد شويه نطلع وتطلعين ويانا ونمررج
جيبين غراضج الي تحتاجيهم
ها شنو رئيج
ريام:افكر
نهى :ماكو تفكير هذا الموضوع محسوم
وحت للمكان الي ساكنه بي منروح
احنا نطلع ونشتري ملابس بطلعتنا
ريام :طلعنا اني والبنات ويانا رائد ورامي
اخذونا مكانات كلش حلوه
اخير شي رحنا للمول اتعشينا وطلعنه
بعد مشترينا ملابس بيت الي والهم
كانت جوله كلش حلوه وحنا
دنطلع شفت مازن اخو يزن بس
كان واكف بعيد  وجانت ويا بنية