ريام:سمعت تلفوني ديدك جريته وشفت
يزن يدك عليه جاوبت عليه كلت الو هلو
يزن :هلاوات مساء الخير شلونج
ريام:يسعد مساك الحمدالله زينه انته شلونك
يزن :اني الحمدالله زين اخبارج شكو ماكو
ريام:ماكو شي بس اليوم رحت البيت
عمو المختار اشوف بيبي لان خطية كلش مريضة
يزن:منو هذول بيت عمج وليش مساكنه يمهم
ريام:مو اني اووف ياربي
يزن :شبيج شو ضايجة
ريام:شكلك يعني لا مو ضايجة اني اشكرك
يزن:على شنو
ريام :على مساعدتك ليا واهتمامك
يزن :واني شمسوي واحد يشوف انسان يحتاج مساعده
غير يساعده
ريام:موكل الناس تساعد
يزن:انتي مو ساعدتي الصاحبي محمد
ريام:اي صحيح بس
يزن:بس شنو صدك كمليلي مكتيلي انتي ليش مكاعدة يم بيبيتج وعمج
ريام:،مو همى موبيت عمي اخو ابوي همى
ناس عطفو عليا وحبوني مثل بنتهم
يزن :عبالي بيت عمج
ريام :لا اني ماعندي احد بس خالتي ومسافرة
ومرة ثانية اني اشكرك تصبح على خير
وطبكته وصفنت على السكف مالة الغرفه
كلت واني احجي ويا نفسي
شكلك عليه والله تعبت واني احجي
بحياتي التعبانه مااريد ابقى اكول
اني يتيمه والناس تعطف عليه
وخاصه هوا مااريده يستعطفني
نمت واني افكر وكعدت ويا اذان الفجر
كمت اتوضيت لكيت خاله ام صباح دتتوضه
ومدت سجادتها تريد اتصلي
ومديت سجادتي يمها صلينه
اني وياها وكملنه كتلها ادعيلي خاله
كالت ادعيلج انتي وبنتي الله يوفقكم ويسعدكم
بحيا تكم
رجعت الغرفتي تمددت ونمت كعدت ساعه تسعه ونص غسلت وتريكة ورتبت غرفتي
وطلعت للسوك اسوك اشتريت شمحتاجه
بس مو هوايه علمود اتكفيني فلوسي
رجعت رتبت المسواك سويت غدة اليا
وتغديت وتمددت وجان يندك باب الغرفه
كلت اتفضل
صباح:هلو ريومه شلونج اكلج اليوم من اجيت
يعني قبل شوية شفت نزلو ناس هواية
اكثرهم شايلين غراض ماعرفت
شنو هنا وسالت هاي جيرانه ام حمودي
تعرفيها
ريام:اي طبعا اعرفها هوا اكو احد ميعرف ام حمودي
كل السوالف يمها ههههه شبيها
صباح: سالتها كتلها شنو هلعالم الي تصعد
وتنزل شكو شديصير فوك
كالت دينصبون منضومه انترنت وفد يومين
وتشتغل بس احنا لان فوكانا ومن ضمن البناية
الساكنين بيها
الي يريد يشترك بشي بسيط مو هواية
ياخذون فلوس
شتكولين نشترك
ريام :والله مااعرف خلي يصير ونشوف الله كريم
أنت تقرأ
روح تائهة
Romanceفتاة يتيمة لا تعرف ماضيها ولا مستقبلها تعيش وحيدة وتائهة في الدنيا ليس لديها احد فهل ياتره تجد من يساندها في هذهِ الدنيا التي ستملاء عينيها الجميلتين باالدموع ...
