روح تائهة

الجزء .......٤٤.........

لم اتمنى البكاء يوماً

ولاكن هم الزمان ابكاني

تمنيت العيش كما تريد نفسي
ولاكن عاشت نفسي
كما يريد زماني

لقد كنت الحياة وكنت قلبي
فما أشقاك ضيعت الاماني
ابعد الهجر تطلب ود قلبي
وداعاً ماأن حييت فلن تراني

. ..........روح تائهه..............

سها:بابا الله يخليك سوي شي انريد
بس نعرف شصار بيها
نهى:ياعيني ياريام شصار وصارت هيج
اكلج سها شصار كوليلي مدااتحمل
الي يصير
رائد:كافي بجي نهاوي حبيبتي خلي انشوف
الدكتور شيكول
الاب ابو رعد:لا حولا ولا قوة الاباالله شصار
من جنتو طالعين اكو احد سمعها حجي
هاي البنيه متتحمل مسكينه ويتيمه
بس خلي يطلع ادكتور ونفتهم
الدكتور :انتو اهل المريضه الي جوا
الكل :اي دكتور
الدكتور :كولو الحمدالله شويه كدرنا نسيطر على ضغطهالو متأخرين شوية تنجلط
منا للصبح ان شالله بلكي حالتها
تستقر وتعافه ادعولها

ابو رعد :دكتور متكلي حالتها شبيها مدانفتهم
قبل شكم يوم هماتين تخربطت
بيها مرض لا سامح الله
الدكتور :بنتكم متعرضه الصدمة قويه
والضاهر هاي مواول مره يصير بيها هيجي
انتو بس ديرو بالكم عليها
وخلي تلتزم بلعلاج بس محنكدر انطلعها
تبقى هنا بلمستشفى يومين يله نكدر نقرر
نهى :احنا كلنا نحبها وندعيلها تكوم بسلامه
سها:اي والله خطيه معدها اذيه على احد
اني بلبدايه مجنت رايدتها اطب بيتنا
وجنت اضوج منها
بس من عرفتها وعرفت هيا بنيه حبابه
وفقيرة كلش تعاطفت وياها وحبيتها

رائد :يابه انته اخذ البنات واني حبقى هنا
يم ريام ميصير نتركها بوحدها
نهى:اني هماتين ابقى
سها:انتي باالذات لازم تروحين
نهى:وليش بله شنو شايفتني زغيرة حضرتج

سها:راحت عيونج من البجي كافي بجي
ادعيلها للبنية تكوم بسلامه
نهى :معليج بيا شوف بابا سها شدتحجي
ابو رعد:كافي باباتي اسكتو ولا تتناكرون
خلي نبقى شويه
نشوف وضعها وبعدين بس تستقر حالتها
اوديكم للبيت ورائد يبقى هنا
دقيقه خلي اشوف منو بلتلفون
الو هلا ام رعد اي بلمستشفى بعدنا
والله ياام رعد وحجيتلها كلشي يجوز فد ساعه
اكثر لا ليضل بالج لا ممحتاجين شي
منو خواتي لا متصلو همى اجو للبيت

اي بعدهم مئجو ماشي يله الله وياج

اسمعو هس احنا نبقى لحد متستقر حالتها
واخذكم ونروح ماشي بس اني محد حجالي شصار
سها:بابا اني احجيلك وبديت احجي
وهذا كل الي صار لحد مئجيت
ابو رعد:كالت محمد اني اعرفه هذا الي
هيا ساكنه يمهم
يصير خير اتصير زينة ونسمع منها
شنو صار
سها:بقينا احنا وبابا ورعد كاعدين بلانتضار
باوعت ساعه ١٢ بليل كتله بابا انته هوايه
تعبت ونهى هماتين تعبت ومن الكعدة
اجتها النومه اخذها وروحو
واني ورائد نبقى هنا لحد منشوف
شحيصير
ابو رعد :ماشي بنتي يله نهى باباتي
كومي اخذج ونروح وباجر من الصبح
نجي
نهى :ماشي بابا جايه وياك
سها :طلعو بابا ونهى وبقينا اني ورائد
باالمستشفى كاعدين نحجي
كتله الرائد انته تدري بابا شيريد ايسوي
بس اني مقبلت
رائد:شنو يريد ايسوي
سها:يريد يزوج ريام الرعد
رائد :خوش فكرة ابوج خوش يفكر بس
رعد قابل والبنية تقبل
سها:رعد جان بلبداية رافظ الفكرة بس
ماما وبابا بقو يقرون براسه وشبه اقتنع
اخير شي كللهم ماشي اذا البنيه تقبل
اني معندي مانع
بس هيا يمكن ممتقبله الموضوع
رائد :يجوز تقبل انتي من اتصير زينه
كليلها بصورة غير مباشرة
وشوفي تقبل ترفض