ريام:ورا مراحت خاله واني كاعده احجي ويا روحي
وابجي اجتي عمه الحجية وكفت يمي وكالتلي كومي يمه كومي خلي غراضج بلغرفه وتوكلي على الله
ورا متخلصين شغل تعاي
حت اسولفلج واحنه نتغده يله يمه كملي وتعاي
هاي الغرفه الفارغه اخذيها الج شوفي خلينالج
بيها سرير نفر وهاي تعلاكة تخلين عليها
ملابسج واكو بغرفتي هماتين كنتور
اذا تردين هم تخلين بي غراضج وعندي مجرات
جوا الدرج شويه كبار اخذيهن خلي بيهن غراضج
بس الغرفه مهوسه وبيها تراب يرادلها تنضيف
تعرفين اني مره كبيره مااكدر كلشي اسوي
وهاي جنتي هلشفتيها ماالها علاقه بيا بس
كدام العالم اتصير تحبني وخاف تنزل وتسمعج
حجي لا ترديلها خلي بالج هيا فوك ومتنزل بس من يعجبها ويله طببي غراضج وتعاي
ريام:طببت غراضي بس مفتحت الجنط لا عندي ثلاث جنط ملابس وكتب وغراضي كلشي اشترته
خاله سعديه اليا اخذتا خليتهن بلغرفه
وطلعت لكيت عمه الحجية تكشر بتيته وبيتنجان
كتلها انطيني اساعدج
الحجية :تعرفين اسوين اكل خاف تنحركين بلنار
ريام :لا ماانحرك هس اني اسوي كلشي بس دليني الغراض
دلتها الحجية الريام على كلشي
ريام ركبة تمن احمر وقليت البيتنجان والبتيته وخليتهن فوك التمن وسويت زلاطة وخليتهن كلهن بلصينية واخذتهن للهول فتحت التلفزيون ورحت
علمود اصيح عمه الحجية
عمه الحجية كملت الاكل تعاي تغدي
الحجية :اي يمه اجيت هاي شمسوية والله عفيه عليج ماشالله سباعيه يعني تعرفين اسوين اكل
ريام :اي اعرف كلشي اسوي وشتحتاجين كليلي
اني اسويلج ايا
الحجية :ماشالله عليج الله يحفظج
ريام :اي اني محتاجه دعواتج لان ماعندي احد يدعيلي من انولدت مااعرف اي شي
غير ام مقداد امي وتوفت واني عمري ١٢سنه
وراها عرفت هيا جانت مربيتني واني يتيمه
امي من ولدتني ماتت وابوية جان ميت قبلها
بس ماعندي احد لا بيت جد لا عم لا خال
كالولي بابا عنده عم ساكن بغداد وسائلين ولا كي للعنوان بس ملاكيهم رايحين الغير محافظة
فكرت اروح البغداد ادورللهم بس مااعرف احد هناك
وخاله ام افراح
خلتني يمها وصارت الي ام لان هيا صدك امي رضعتني مثل بناتها وختام صارت اختي بلرضاعه
بس ابقى وحيدة ومااعرف وين تاليتي
الحجية :لا تنقهرين وتوكلي على الله وتاليتج
بيت زوجج ان شاءالله الله يدزلج
ابن حلال يصونج ويحافظ عليج
أنت تقرأ
روح تائهة
Romanceفتاة يتيمة لا تعرف ماضيها ولا مستقبلها تعيش وحيدة وتائهة في الدنيا ليس لديها احد فهل ياتره تجد من يساندها في هذهِ الدنيا التي ستملاء عينيها الجميلتين باالدموع ...
