ريام:طلعنه من المستشفى اني وام محمد واخته
صعدنه بسيارة واني بالي يم هذا الانسان
الي اسمه يزن ياربي ليش من اشوفه تتخربط
احوالي وهاي ثاني مره اشوفه
بس اني مااريد اشغل بالي بي اي احسن
خلي افكر بحالي وعيشتي وصلوني
وبطريق كالو بس ابنهم يطلع حيسوون عزيمه
وكالولي انخابرج ان شالله وتجين ومانقبل اي عذر
بيومها كتلهم الله كريم ونطتني الحجية رقمها
وكالتلي شتحتاجين اني حاظرة ونتي هس صرتي
مثل وحدة من البنات وصلت وتشكرت منهم ونزلت
ورحت فتحت الباب وطبيت لكيت خاله
ام صباح كاعده وتتفرج علتلفزيون
سلمت عليها وطبيت الفرفتي بدلت
ملابسي وباوعت للساعه شفتها ساعه ١٢الضهر
اخذت نفس وخابرت خالة شكرية
مابعد السلام وسالتها شكو ماكو كتلها
خاله والله مااعرف شكول ومااريدج تفهميني غلط
وعذريني خاله اني اعتبرج امي بس اني
ما اكدر اوافق على الزواج حاليا ممخلية بالي
وفكرت زين وسلميلي على عمو وكليله
لا يزعل مني اني مااريد ازوج
اريد اعتمد على نفسي ومن احس نفسي
متقبله هذا الموضوع ممكن افكر بوكتها
باالزواج بس حاليا لا مااكدر
خاله فدوه لا تزعلون مني اني احبكم
انتي وعمو وبيبي افضالكم ماانساها بحياتي
انتو مثل اهلي
شكرية :لا بنتي ليش نزعل كلشي قسمة ونصيب
ونتي براحتج اذا ماتريدين محد يكدر يغصبج
هاي حياتج ونتي حرة بيها
وحنا موجودين شتحتاجين
تكولينا عليه ماشي
ريام:اشكرج خالة حبيبتي وسلميلي على
عمو والبنات وبيبي
ريام الحمدالله ياربي هم ونزاح
كمت فتحت ثلاجتي باوعت شفت عندي شوية
تمن وطلعت ويا لبن اكلت وغسلت المواعين
وقتت تلفوني الساعه ثنتين ونص كلت خلي انام
ساعتين مدام اكو كهرباء
بعدين سمعت دك المنبه وكعدت كمت للحمام
غسلت وجهي وطلعت ملكيت احد الضاهر نايمين
طبيت الغرفتي رحت حميت الجاي وكعدت اشرب
واكلب بلتلفون وجان تجي عيني على رقم
خاله ام افراح كلت خلي اتصل بيها
دكيت ومحد جاوبني وراها
انقفل بقيت ادك مااكو يطلعلي مغلق
بعدين رحت على رقم خالة سعدية
دكيت عليها هماتين ماكو يدك ومحد يشيله
بعدين كتبتلها خاله ليش مجاوبين اني ريام
وجان تجيني رسالة من تلفونها مكتوب
هاي انتي منخلص منج سعدية ماتت
صارت بيها جلطة وماتت وانصحج تنسينا
مصدكت رجعت دكيت وجان ينفتح الخط
واذا نور تجاوب وتكلي
أنت تقرأ
روح تائهة
Roman d'amourفتاة يتيمة لا تعرف ماضيها ولا مستقبلها تعيش وحيدة وتائهة في الدنيا ليس لديها احد فهل ياتره تجد من يساندها في هذهِ الدنيا التي ستملاء عينيها الجميلتين باالدموع ...
