روح تائهة

الجزء .....٥٤.......

" ليتنا نستطيع أن نسأل الطرقات عن نهايتِها قبل أن نسلكَها "

لم تحِن النهاية بعد،
‏لا زال في قلبي الكثير من الحُب.

...........

ام احمد :احجي همام شعندك كول
شتعرف
همام:اني حكلج كلشي
بس مو هنا لازم بعد مااكدر أسكت
اني حعزل الصيدليه واروح للبيت
وانتي تعاي ورايا علمود تندلين بيتي
وتسمعيني شنو احجيلج اذا تردين
تعرفين شي
ام احمد:يلله لعد استعجل بعد معندي صبر
وصلنا وهذا بيتك
همام :تفضلي فوتي كعدي هنا
ام احمد :زوجتك وينها شو ماكو
همام :هس تجي نايمه كعدتها هس اجيب جاي
وتجي
ام احمد:كلشي مااريد بس كول شعندك
همام:شوفي ام احمد قبل اكثر من سنة
وبديت احجيلها وهذا كل الي صار
وكل الي اعرفه
ام احمد :الله لا ينطيهم الهدى وكريم
لعد البنيه يمهم وينكرون
اني اتصلت بيهم قبل اكثر من سنه ونص
وكالو منعرف شي ولا تجين وتعبين
نفسج وميئست ورا اشهر رحت للعراق
داادور على خيط يجمعني بأختي وعائلتها
وملكيت حسيت البيبان كلها  انسدت بوجهي
ومن رجعت كلت بعد ماادور
هاي هيا اسد الموضوع واليوم الله راد يبين
الحقيقه وين علمود اجيك واعرف
زين انته لمن تعرف ليش منطيتنا خبر
لو همى كالولك لتكول
همام :والله ياام احمد باالبدايه
جانو ميريدون احد يعرف علمود ابنهم
بس بعدين كتلج البنيه بقت هنا
يمي ليلة كامله وصلتها للمطار بنفس
اليوم الي شفت بي احمد باالمطار
بوقتها وكال الوالدة سافرت للعراق
ام احمد :وهس اريد منك عنوان بيت
كريم باالعراق اريد اروح اجيبها
البنت اختي منهم بأي طريقه
همام :مااعرفه خلي اشوفلج اياه
اي هذا رقم كريم دقيقه بس لا طلعين
صوت اي اي ولد صديقي
ديريد يسكن بمنطقتكم اسمها ...
انته ساكن بشارع ...ماشي شكرا
ان شاءالله
سجلتي العنوان
ام احمد :اي وان شالله بهذا الاسبوع
اني اسافر للعراق قبل ماارجع للسويد

اروح اشوف شصاير واجيبها للبنيه وأجي
.......
نرجع الريام
ريام :اني صرت اتعلم هوايه شغلات
باالشغل وكلش مرتاحه الحمدالله معندي
اي مشكله

وجان فد يوم اني وبنات ويايا باالشغل
طلعنا سويا بأنتهاء الدوام وسئلوني
وين بيتج انوصلج احنا عدنا سيارة
اني كتلهم بيتي قريب
ميحتاج توصلوني واني دااحجي وياهم
وجان اشوف سها بنت عمو كريم
دخلت للشركة وياها واحد اني حاولت
اغير طريقي حت مااتواجه وياها
بس القدر خلانا نتواجه وصارت عيني
بعينها وجان تتفاجئ
بوجودي وتكول
سها:ريام هاي انتي شعندج هنانا باالشركه
شدسوين ها لو جايه على بابا تاخذين منا
فلوس كافي باب السبيل انسد
الي اخذتي كلش كافي عليج
ريام:صدك صدمتني بكلامها هذا جنت متوقعه
غير تصرف حتتصرف ويايا حتسلم تسأل
عن احوالي بس طلعت مثل امها بميت
وجه صدك انقهرت وخجلت كتلها
اني عمو شغلني هنا ومو بحاجة اجي اجدي اواطلب فلوس منه بعدين الي اخذته
حقي مهري من اخوج الله يرحمهه لو نسيتي الرعد وجان تشيل ايدها وتضربني
كدام العالم الي وياها بقى بس يباوع
متعجب على اسلوبها الوقح
البنات معجبهم وهمى ميعرفوها وجان وحدة
من البنات تكللها احنا منعرف شكو بيناتكم
بس هذا اسلوب همجي
شلون تشيلين ايدج عليها منو سمحلج
هيا موضفه هنا ميصير تمدين ايدج عليها
سها:ونتي هاي شنو محامي دفاع
موكلتج الخاتون عنها هس بكلمه مني
تنفصلون انتو الثنين يلله منا اثنيناتكم
وانتي ريام بعد مااريد اشوف وجهج
اهنانا والا يصير تصرف ثاني وياج
ريام:بقيت اباوعلها بدون ماارد بس كلت
بداخلي حسبي الله ونعم الوكيل
وطلعت ثاني يوم مداومت مو خايفه
بس جنت شويه ضايجه
بقيت اسبوع ممداومه واني كاعدة وكت مغربيه
وجان يندك الباب قوي
وبدون رحمه الجرس بنفس الوكت
باوعت واذا سها وامها ديدكون
رحت فتحت الباب وجان اول ميطبون
يدفعوني ويطبون بدون استأذان
وبدو يغلطون ويسبون عليا
واني مااعرف شلون اصرف بس جان التلفون
بئيدي فكرت اتصل على الشرطة
لان خفت لا يئذوني لان جايين وبعينهم
الشر بس راحت ئيدي على أخر
أتصال مااعرف أني داادك على رائد
لان قبل بيوم اتصل يسأل ليش مدا اتروحين
للشغل واني كايلتله شويه تعبانه
بس اصير زينه اروح للشغل
رائد :واني هستوني طالع من البيت بعدني
باالباب وجان ادك عليه ريام
واذا صوت ناس يمها صياح وعياط
وناس تغلط اني قبل شويه شفت
امي وسها كالو رايحين للسوك بس هذا صوتهم
وريام مدا تحجي بس الصوت العالي
رجعت للبيت اريد اكعد واسمع زين
وتوني طاب نزل الوالد من غرفته
كالي شبيك ابني ويامن دتتعارك ليش هيجي
هوسه بتلفونك كتله تعال اسمع
وفتحت السماعه واذا صوت امي الله يسلمها
شلون تحجي وتغلط على ريام
وأهلها وحت على ابويه لان انطاها فلوس
حت صوت سها طالع
وهيا تحجي عليها
كريم ابو رعد :ونته كاعد تسمع وساكت
رائد:شسوي عركت نسوان شلي دخل
كريم:لك امشي خلي نروحلهم راح ننفضح
باالمنطقه يلله بساع شغل سيارتك
اي الحمدالله وصلنا لك شوف العالم باالباب
واكفه فضحتنا امك الي تدعي باالرقي
والثقافه معدها اسلوب ابد
وياالناس الي متريدهم زين البنيه
شنو مسويه هذا كله لان شغلتها
باالشركه هاي تخاف تعرف ريام رعد
جانت اله حصه بيها وتكوم اتطالب بحصتها
هيا راح تفضح نفسها وتفضحنا وياها
وتصير السالفه ضدنا هيا تكدر هس تقاضينا
لان ربع املاك رعد الها لان جانو عاقدين محكمه
فتعتبر زوجته قانونا
شيسدها الهلسالفه اذا انفتحت
يلله خلي ننزل انته تاخذهن للبيت واني ابقة
يم ريام عود ارجعلي ماشي ساعه
وتعالني
ريام:اني بس اريدهم يسكتون
مدا يسكتون فضحوني جيراني اجت هيا وبتها
على الصوت واكفه باالباب وتصيح ريام
منو هذول كتلها فدوى خاله بس صيحي بيت عمو المختار خلي يجون
وهنا ولا سكتن كامو يطردون بيا من بيتي
يكلولي اطلعي هذا البيت النا مدام ابو رعد
الي مئجره معناتها النا
وبعد الشركه مطبيها ومتتصلين بأبو رعد
ولا رائد والا انشيلج فضيحه نخليج
ترجعين منين مااجيتي من حضي الحلو
الكامرات الخارجيه والداخليه سجلت كلشي
لان جنت ناسيه اطفيها من برنامج التسجيل