،،--------------روح تائهه----------
««««««««««للكاتبه رنا لطيف»»»»»»»»»».....
ريام : بعد مراح يزن للدوام دزيتله رساله
اطمئن عليه انه وصل جاوبني وحسيته
يحجي بسرعه عبالك مستعجل
كتله مااخرك على شغلك كالي ماشي
ان شاءالله بليل اخابرج
سديته وطلعت كعدت بلصاله ويا خاله ام صباح
باوعت للساعه شفتها ساعه 12 الضهر
معندي شي كمت شفت تلفوني كعدت
اكلب بلتطبيقات الي خالتهن
مااعرفلهن بس الواتساب اعرف اخابر بي
واراسل اما البقيه مفاتحتهن او مااعرفلهن
طبيت شفت مقاطع فديوات لمسلسلات
تابعت شكم مسلسله وبعدين كمت صليت الضهر
واريد اسوي اكل معجبني اطبخ
رجعت تمددت وقتت التلفون على الساعه 3
ونمت كعدت على دكت الباب
كمت فتحته لكيت صباح
صباح:هلو ريومه عاش من شافج عيني شدعوه
هلنوم يله كعدي حت نروح شويه من وكت ورانا
دوام
ريام :صدك حتجين ويايا حترجعين صارلي اسبوع
احس روحي مثل اليتيمه لان انتي ماكو
صباح:اي حداوم لان جايه دكتوره
حتكعد بلعيادة لحد مايخلص الدكتور شغله
ويرجع
ريام :ماشي حبي صبوحه كايمه راحت صباح تبدل
ملابسها واني كمت غسلت وبدلت حسيت الجو
بدا يبرد بداية شته وصباح فرشت غرفتها
والصاله البره اني غرفتي باردة
معندي فراش الها ولا عندي صوبه
بس غطة عندي بطانيه ولحاف من خاله
ام سعد انطتني اياهم كلت اشوفلي
عودينه صوبه كهربائية من المستعمل
بلكي الكاها شويه رخيصه
بدلت وكملت وطلعنه اني وصباح
وكفنا تقريبا نص ساعه يله اجتي السيارة
ركبنا نفرات مثل العاده مرات يجي باص نصعد
بي بس مو كل مره يجي بلصدف
وصلنه ويا بداية الشغل لكيت الويايا هستوهم
جايين البنات جانو ثلاثه واني رابعتهم مخليني
مساعده الهم مع انه اني زايده بس لان عمو
سعد موصي بيا مبقيني ولان هوا الا نسبه
من ايجار البنايه يعني شريك
بلعمارة الي هيا بيها المجمع الطبي
بس وحدة من البنات ازوجت واخذت اجازة
صارو ميستغنون عني لان الي يشتغلون ويايا
بيوتهم بعيدة ودومهم يتاخرون وبما انه اني
اجي قبلهم معتمدين عليه لان علموني
على سحب الدم وهوايه شغلات
احضرللهم اهوايه
شغلات بين ميجون واني مااتعاجز احب شغلي
واحب اتعلم من غير اضرب ابر للمرضه المحتاجين
بس بدون مااخذ فلوس
اسويها لوجه الله وعن روح بابا وماما الي ماشفتهم بحياتي اشكد اشتاقلهم
رغم مشفتهم بعمري بس احس بيهم
احس ارواحهم مرافقتني وين مااروح مرات
احجي وياهم من احتاج احجي او شتاقلهم
رغم احساسي بلوحدة بس هس اني
اكو احساس جديد بداخلي احساس بدا
ينولد ويزهر ويكبر بس مااعرف ليش
خايفه شنو معنى هذا الخوف يارب سهلها
أنت تقرأ
روح تائهة
Romanceفتاة يتيمة لا تعرف ماضيها ولا مستقبلها تعيش وحيدة وتائهة في الدنيا ليس لديها احد فهل ياتره تجد من يساندها في هذهِ الدنيا التي ستملاء عينيها الجميلتين باالدموع ...
