.......................روح تائهه......................
لاشيء لي
اطياف من الحب تهجرني
فأصبني أيها القدر
بموت النصيب
لا شيء يحييني
وعناوين إلاشتياق أصابتها حسره
أغمريني أيتها ألسماء
بغسول من قطرة
لا شيء في جعبتي
ولاشيء عاد يعنيني
خيوط الحزن أفرغت حنيني
اسرار العشق تدافعت
الى الغياب في وهلة
ولوحة العشاق
اندثرت ألوانها في ليلة
لا شيء لي
لاشيء احبني
ولاشيء سيحبني
مات الحي الذي بداخلي
وباعت الروح جسدي
وبات الموت حياً
فلاشيء الان يحييني
إن الحنين لا يبالي مع ان الحبيب
اخذت تصفع به الليالي
------------------------------------------
ريام:ورا منزلت وشفت عمو دايحجي
بلتلفون وخاله هدى دتبجي
خفت ياربي شكو شصاير باوعت السها
أسئلها بدون حجي واني أئشر بئيدي
وهيا تخلي اصبعها على حلكها بمعنى
اسكتي
كعدت واني اسمع كلمة الله كريم من
عمو واريد اعرف شصاير
وراها عمو سد التلفون واندار علينا
ابو رعد:شوفو اريد اكللكم شغله
الدكتور الي جان بعمان اني دزيتله
التحاليل والتقارير الي تخص رعد
من كلشي وهوا كلي من خلال سفرته
على الخارج حيعرضهن على اكثر
من دكتور وهس الطب اطور
مو مثل قبل الدكتور الي بأنكلترا منطي
نسبة نجاح العمليه خمسه وستين باالميه
السبعين
بس ابو فرنسا كايله نكدر نكول نسبه
النجاح ثمانين باالمية
ام رعد :اي ياألله يعني أبني حيرجع
يمشي حيرجع مثل قبل
لعد خلي هس نسافر ونسوي العمليه
ابو رعد:لا تستعجلين يا عيني خليها هس
فد شهرين ثلاثه وبعدين هس عدنا خطوبه
ومهر خلي نزوجه وبعدين ناخذه
انسويله العمليه
ام رعد :لعد خلي بس انسوي خطوبه
ويعقدون وراها نروح انسويله
العمليه ومن يصير زين انسويله العرس
ابو رعد:يصير خير والله كريم بس انتو
حاليا مااريدكم تحجون باالموضوع حت
كدام رعد ماشي
ريام :كلناله ماشي ومشى اليوم بتحضيرات
الخطوبه واخذوني لمركز تجميل
رتبت شعري وقصيت اطرافه
ونضفت وجهي وثاني يوم اجتي الفساتين
وجانن كلش حلوات ورتبت كلشي
ورحت مناك على بيت عمو المختار ساعدتها
الخاله شكريه شويه لكيت بناتها يمها
وزوجة سعد وباركتلي
ثاني يوم اصعب يوم بحياتي الي جان بي
قراري الي حدد حياتي الجايه
رحت من الصبح البيت عمو المختار
وصار وقت جيت العالم اجتي خاله ام محمد
هيا ومحمد وأمل
هلو أمول جنت خايفه لا متجين
هلو خاله حبيبتي هلو بيج مشتاقتلج
أمل:لج شنو ماأجي اني من الصبح كاعدة
خبصتهم خبص كتلهم اريد اروح
الريام من وقت حت محمد كالي اذا تبقين
خابصتنا مااخذج بس اني شنو
كتله ترا افضحك وأطلع المستخبي
وسكت يكلي عقلج عقل الزعاطيط
أنت تقرأ
روح تائهة
عاطفيةفتاة يتيمة لا تعرف ماضيها ولا مستقبلها تعيش وحيدة وتائهة في الدنيا ليس لديها احد فهل ياتره تجد من يساندها في هذهِ الدنيا التي ستملاء عينيها الجميلتين باالدموع ...
