ريام :ثاني يوم كعدت على صوت خاله شكرية تحجي ويا عمو تكله اني اريد اعجن علمود اخبز من وكت باوعت
للساعه بعدها فجر كلت خلي اكوم اتوضى واصلي
طلعت للحمام توضيت وطبيت للغرفة وصليت
باوعت شفت اكو قران اخذته وكعدت اقرا
باوعت شفت الحجية كعدت كتلها بيبي
محتاجه شي
الحجية: لا يمه بس اريد اروح اتوضى
علمود اصلي وماشالله عليج قرايتج للقران
حلوة
ريام:اني اخذج لا صيحيها الخاله واخذتها
خطية توضت وصلت وكعدت تدعيلي واني
اكول بكلبي امين يارب توكف ويايا لان
ماعندي غيرك اجتي خاله
شكرية :ماشالله كاعدين صليتو
ريام: اي خاله
شكرية ارجعو نامو بعد وكت اني صليت وعجنت
وحرجع انام ومن اكعد ادز على مرت سعد
علمود نخبز
ريام:خاله كعديني اني اساعدج
شكرية :تعرفين تخبزين ماشالله ونشالله تعرفين تطبخين
ريام :اي خالة كلشي اعرف اطبخ شتريدين اسويلكم
اليوم غدة
شكرية :تعرفين تطبخين فاصولية خضرة
ريام:اي خالة اعرف
ورجعت نمت الساعه ثمانية كعدت لكيت هستوها خاله كاعده وتسوي ريوك العمو خلتله
وكالت حروح اشعل التنور واخبز
كتلها خاله اساعدج كالت تعاي وخل اضل اليوم
الخاتون نايمه وجان اذكر خاله سعدية
من جانت تحجي على نور كلت اهوو
خاي تولي هاي نور ام المشاكل اني لازم انساهم
بس خاله سعدية وام افراح اني احبهم
مااكدر انساهم كلت اليوم اخابر خاله سعدية
واجتي خاله شكرية وشعلت التنور وبديت
اساعدها وخلصنه بسرعه لان اني اعرف
وسريعه بلخبز علمتني خاله سعدية
وخاله ام افراح هماتين على الخبز وكلشي
علموني الحمدالله
شكرية:يمه ماشالله الي يشوفج بهلشكل الحلو الناعم ميكول هاي تعرف هيجي تخبز
تعاي خلي نتريك وراها يله نسوي الغدة
ريام :خلصنه ريوك اني وخاله شكرية وجان يجيها
تلفون وجان تكوم تحجي
شكرية:هلا بنيتي اليوم هلا بيكم اي خطية
خلي تجي وياكم مبيها شي
اكلج ريومه طلعي دجاجتين خلي انسويهن على الغدة لان حيجون بيت بنتي الازغر من الكبيرة على الغدة والفاصولية نخليها غير يوم
ريام:خاله مكيفج بس ليش منكملها والدجاج انسوي شوي ونخلي فوك التمن
شكرية:هم خوش فكرة يله لعد طلعيهن وخلي
اني اروح اجيب الحجية من جوا تتريك
واصيح المرت سعد تجي تساعدج وحدة من البنات
تجي تنضف البيت
ريام :خالة بعد وكت الساعه تسعه منا الساعه انضف وراها ابدي اطبخ وانشالله نخلص من وكت
وبعدين اذا انتي يعجبج انتو سوون الاكل
براحتكم
شكرية :اني بس مااريد اتعبج براحتج
ريام :عادي خاله انتي براحتج شتريدين اني
حاضرة وحنه نحجي وجان يجي رجال يفوت
للمطبخ حسب مافهمت هذا ابنها سعد
صاحلها برة كاللها هذا لحم وهذا سمج وحنه
غدانه اليوم يمكم وجان يسالها يكللها هيا
هاي البنية
يعني شنو مخليها يمكم لا تعرفون اهلها
ولا تعرفون شي عنها
شكرية:لا يا ابني لا خطية البنية تكسر
الخاطر يتيمه
أنت تقرأ
روح تائهة
Roman d'amourفتاة يتيمة لا تعرف ماضيها ولا مستقبلها تعيش وحيدة وتائهة في الدنيا ليس لديها احد فهل ياتره تجد من يساندها في هذهِ الدنيا التي ستملاء عينيها الجميلتين باالدموع ...
