ريام:بعد منزلت من السيارة
وطبيت للبيت وشفت بنات مااعرفهن
واكفات يم باب البيت شفت وحدة
تريد تفتح الباب بس منسمعت حجيهم
بقيت واكفه مااعرف ليش جنت واكفه بمكان
اشوفهم واسمعهم بس همى
مايشوفوني سمعت وحدة تكول للثانية
شفتي سحر شلون شايفه نفسها
زين على شنو
الثانيه :ليش شبيها سحر
ردت عليها الاوله وكالتلها لو تدرين بلي سمعته
قبل شكم يوم
الثانيه :وشنو الي سمعتي
الاولة :لعد انتي متدرين بسحر مو بنتها الخالة
ام محمد ومحسن هيا بس امل واختهم
الكبيرة اخواتهم من امهم وابوهم
اني سمعت بابا وماما يحجون
قبل كم يوم بابا كاللها الماما اسمعي اني
مااريد نفس الموضوع ينفتح
ماصدكت انسدت السالفه وخلصنا
من المشاكل وترا هيا البنيه ماتعرف
امها مو هيا ام محسن
وامها تركتها من هيا ازغيرة
اخذت اخوها تؤمها وراحت ازوجت ورا مطلكها
اخويه ابو محسن الله يرحمه
من الاول كلناله عيب عليك تزوج على مرتك
ام محسن خوش مرية
متستاهل تنحط على راسها مرة
بس شنسويله ماصدكنا خلصنا من ام سحر
اخذت الولد وتركتله البنيه
وتسجلت بأسم ام محسن
زوجته:زين والولد مايعرف عنده اخوه
وخوات زين اخته ميسأل عليها
عم محمد :شوفي اني مااريد اعيد نفس
الموضوع ونفس الحجي ترا محد
يعرف بس اني وياج وام محسن
بهذا الموضوع لان اخويه الله يرحمه ازوج
بلسر محد يعرف من اهلي ولهاذا
اخذهم فتره العائلته بوكتها وسافر
علمود يكول سحر من زوجته ام محسن
البنت الثانيه:هاي شنو يعني سحر
اختهم بس من الاب ومتدري معقوله
خلي توكفلي وشايفه روحها علينا بعدين هيا
شعليها هيا ماما كالتلي محمد الج
وماأخلي يزوج وحدة غيرج غير اني بنت عمته
الاوله واني حسبالي محسن يزوجني
كلت اني بنت عمه وأوله بي
بس باجر تجي خطيبته الا ابجيها وخليها
تكره اليوم الي اجت بي اصلا بيداء
كالتلي كتله عليج بوكتها بس هوا مقبل
يكول اني بنت عمي مااريدها احبها الخطيبتي
ومااخذ غيرها
بس بيداء كالت اني وياج بلي اسوي
وباجر راح نلعب بيها طوبه ههههه
انتي بس اتفرجي وهاي سحر الا اكسر
راسها الي شايلته علينه عبالك هيا مااعرف شنو
لا وجمالة مخطوبة وشلون خطيبها حلو بعد احلى منها واني صار عمري ٣٢ محد دك بابي
شبيا اني شكلي زين وابويه حالته زينه
لج حت اختي الي ازغر مني اجاها عريس
وبابا وافق يكللها الماما اني حوافق
تروح توكف قسمتها مثل اختها
وهيا فرحانه واني كتلها اذا ازوجتي قبلي لا انتي اختي ولا اعرفج بس اني ادري
اذا بابا وافق بعد محد يكدر يحجي
وهاي زوجة اخويه شفتيها شلون تحجي
بس نرجع اذا مخليتها تزعل من اخويه
وتروح لهلها مااحبها من الله مااحبها
صدك هذا الباب ليش ميفتح
أنت تقرأ
روح تائهة
Roman d'amourفتاة يتيمة لا تعرف ماضيها ولا مستقبلها تعيش وحيدة وتائهة في الدنيا ليس لديها احد فهل ياتره تجد من يساندها في هذهِ الدنيا التي ستملاء عينيها الجميلتين باالدموع ...
