روح تائهة

الجزء ..... ٢٩ ...... روح تائهه

ريام:بعد مسمعت من محمد يزن
صايرله حادث بطريق هوا ولي ويا
انهاريت ياربي اني مايكمل شي حلو

بحياتي زين اني هس شسوي
كمت دكيت على محمد جاوبني

محمد:هلو ريام شلونج لا تخافين يزن
حالته زينه هس اني رايح بطريق
اشوفه واطمنج اخذت اجازة يومين
علمود ابقه يمه

ريام :فدوة محمد الله يخليك بس توصل
يمه طمني عليه لان مااعرف شسوي
محمد :ماشي بس اوصل اخابرج لا تخافين

ريام :ضليت بقلق مااعرف شسوي
تلفون يزن لو مغلق لو يدك محد يشيله
اكيد تلفونه مو يمه بقيت كاعدة وادعيله
معندي شي اكدر اسويله غير الدعاء
لو اعرف بيا مستشفى جان رحتله
شيصبرني لحد ميوصل محمد

محمد :من اجاني تلفون اخوه اليزن
وهوا يسال عليه كتله مااعرف اني ادري
اليوم ينزل
هس اخابر على مكانه واشوف اتصلت
بواحد اعرفه من جماعة يزن يداوم ويا
وسألته كال البارحة نزلو هوا ولي ويا
واني احجي ويا اجاني تلفون رقم

غريب جاوبته بعد مترخصت من الولد
اجاني صوت اول مرة اسمعه

المتصل:انته محمد ال...
محمد :اي اني تفضل اي اعرفه
وشلون حالته ماشي هس نجي
وسديته منه خابرت اخو يزن كتله
وهس اني بطريق اخذت اجازة اليوم وباجر

علمود ابقى يمه ماانسه وكفته ويايا
وبعد هوا عز صديق عندي واني اعرف
هوا وريام واحد مايل للاخ بس مجنت

متوقع ريام تتصل تسالني عنه
حجيت وياها وطمنتها بس مااعرف وضع
يزن اصل واشوفه وان شاءالله خير
اي واخيرا وصلت المستشفى

طبيت لكيت اخو ان يزن وابوه وامه
كلهم كاعدين باالانتضار رحت سلمت
عليهم وسالت على يزن كالو الحمدالله
زين بس وحدة من ايديه مكسورة
وعنده شويه رضوض
هس شوية ويخلو بغرفه وحدة
ولي ويا كلهم الي رجله ولي ايدة بس
الي جان ايسوق خطية متاذي بلعمليات
هس لان الضربة اكثر شي من يمه

تحمدتلهم بسلامته وبقيت كاعديمهم
دزيت رسالة الريام كتلها يزن الحمدالله زين

بس وحدة من ايديه مكسورة
دزتلي سلملي عليه هوايه
وراها كالو تفضلو خلي انشوفه

طبو اهله ابوه وامه واخوانه وشوية
اني وطبيت سلمت عليه جان امبين
عليه تعبان كتلة الحمدالله على السلامه
يابطل وتقربت عليه حيل وهمستله يم

اذنه ريام هوايه تسلم عليك وجانت كلش خايفه
عليك وهس طمنتها
وجان يزن بكل وجعه يبتسم
امه وابو:ماشالله عليك وليدي شكلتله وخليته
يبتسم
ردواحد من اخوان يزن:ههههه اسرار دوله

يزن:وين تلفوني شوفولي اياه محتاجه

ام يزن:وليدي يا تلفون شسوي بي
انته هس بحال تلفون احنا كلنا يمك حت اختك
من درت خطيه بس تبجي كالت باجر بااقرب
طيارة ارجع وكاللها ابوك يزن زين
واحنا انخابرج وتحجين ويا هاي يمكن
هيا ددك تكدر تحجي وياها
يزن:اي انطيني اياها
ورا مخلص كال الامه والابوه روحو للبيت
ارتاحو اني بس اليوم وباجر ابقى هنا
بعد باجر اطلع للبيت مبيا شي هس حنام
مو محمد اني حنام وانته واحد من الولد ابقو يمي
الام والاب:يعني شنو متريدنا
اخو يزن الكبير :ليش ميريدكم بس ميريد ايتعبكم كاله الاخو روح وديهم للبيت
وتجي بليل علمود تبات يمه
واني حبقى هس يمه  بس جيبله
ملابس لا تنسى
الاخ الوسط:ماشي يله سلمو على ابنكم
خلي انروح اكلك يزوني محتاج شي
يزن:اي شوفلي التلفون مالتي وين
واذا ماكو جيبلي جهاز اريده محتاجه
قبل اليل
اخو يزن:مو يدلل اخويه الزغير
راح شوية ورجع جايب التلفون وغراضه
اليزن انطاه التلفون
واخذ امه وابوه