روح تائهة

البارت ......٥١.......

كم اتمنى ان اعود كما كنت
ولو للحضه
اتمنى ان أعود الى أيام كانت
باالنسبه لي أجمل أيامي ولاكن
الزمن لم ولن يعود
ولن نعود كما كنا لاننا ذقنا طعم
القسوه والخذلان والحزن
ولن يبقى في صدورنا سوى
الايمان باالله

.................

ريام:أي صدك أجيت قبل يومين وبقيت
ليلتين بس الضاهر خاله نست أتكللكم
حت محسن البارحه الصبح تفاجئ
من شافني

أمل:محسن يعرف انتي هنانا لعد ليش
مكال البارحه بليل من جنا كاعدين
صدكيني اني مااعرف هس دريت
منج

ريام:ولا يهمج حبيبتي اني اصلا جايه اخذ
غراضي ورايحه
أمل:وين رايحه تعاي أحجيلي مختصر
قبل لا يجيني أبو ألخط

ريام:بس اني صدك مستعجله
اريد الم الغراض  أحجيلج بعدين
ماشي
أمل:وشسوين باالغراض الي هنا انتي مو
كاعدة بيت عمج
ريام وهيا تمشي استجدت شغلات وطلعت من بيت عمي وأجرلي عمو بيت بمنطقتهم
يم بيت عمو المختار واجيت اخذ غراضي
وأتحول أكعد هناك
بعدين أحجيلج يله باي اروح الملم غراضي

طبيت للمشتمل وبديت افرغ باالملابس
ورتب بيهن على السريع
ولميت غراض المطبخ زين الثلاجه
فارغه فصلتها من الكهرباء ومسحتها
على السريع
لميت الفراش كملت كلشي خلال ساعه ونص
اتصل بيا عمو المختار
وكتله كملت واني انتضرك طلعت رحت
الخاله ام محمدوكتلها الي صار
بسرعه وبقيت واكفه يم بابهم انتضر
عمو المختار كالتلي خاله بنتي عود
افتحيلهم الباب الوراني حت تصير أسهل
الهم شيلة الغراض صدك راح يعز علينا
فراكج انتي صرتي وحدة منا
ومحمد لحد هس ميدري بصار
لانه مسافر راح بشغل الغير محافضة

ويمكن يطول يجي بعد اسبوعين يحضر
زواج محسن ويرجع الشغله صدك متجين
للعرس بعد عشر أيام
كتلها لا خاله اني حزينه على ابن عمي
ماأكدر اعذريني هياته اجه عمو
هلو عمو اي خلي يندار واني حروح افتح
الباب الوراني
رحت فتحت الباب وطبو عمال اثنين
وسايق السيارة وثنين شباب من
ولد المنطقه خلال نص ساعه خلو كلشي

باالسيارة واني وعمو اجرنا تكسي
نمشي وراهم بعد مسلمت على خاله ام محمد
ونطيتها المفاتيح
وصلنا المنطقه الي حصير منطقتي الي بيها
بيتي الي حسكن بي وأخيرا حستقر
نزلت فتحت الباب وعمو المختار
كالي روحي للبيت لا تبقين هنا
اني موجود بس كليلي وين يخلون الغراض
كتلها وين يخلوهن
ورحت البيتهم طبيت كعدت يم خاله شكريه
لكيتها دتشتغل باالمطبخ
كعدت يمها ورا ساعه او اقل اجا ابن عمو سعد
كالي جدو يكول خلي تجي
كملو فرحت رحت لكيتهم خالين غراض
المطبخ باالمطبخ والجربايه والكنتور
بغرفة الاستقبال خاليهن
كلت احسن اني ارتب البيت مثل مااريد
بديت انضف وارتب باالمطبخ كملته
لان مبي غير بس الطباخ وميز زغير
اخلي عليه اغراض المطبخ
والثلاجه
ورجعت للغرفه خليت البردات ورتبت فراشي
وبديت ارتب الملابس بداخل الكنتور
وراها سويت المبردة شكلتها وشتغلت الحمدالله