روح تائهة

البارت ...........٤٣...........

اعد الي قلبي اني أشتاق
اليه تعبت وأنا احاول
ان لا أراك وقلبي في كل شيء
يراك

لقد كنت الحياة
وكنت قلبي
فما اشقاك ضيعت الاماني
ابعد الهجر تطلب ود قلبي
وداعاً ماحييت
فلن تراني

روح تائهه
..................................

ريام: شبيج أمل شوساكته شنو شبعتي
حجي صدك حتروحون عرس مازن
امل:مازن منو
ريام:مازن الي هوا اخو وجان اصفن
كلت ويا روحي أه يايزن شكد مشتاقتلك
لو تدري اني منو وشنو انته باالنسبه أليا
واني احجي ويا نفسي كالة خاله
ام محمد :مبقى شي ان شالله
ونخلص
يله يبنات شويه استعجلو حت نرتاح
ونتي ريام اخذي شكد متردين

ريام:تسلمين خاله اني شسوي بيها
للكليجه
اني يجوز اروح البيت عمو اعيد يمهم
اذا بقو بيتهم مطلعو
امل:اي عيني روحي ونسيني لج ريوم
واني شنو متعيدين وياي
ريام:حبيبتي اشوفج يله اروح بعدين انتي
حيجوج خواتج وخالاتج حسب متكولين
اني كلت اشوفهم اذا مسافرو
صدك اني يجوز اروح العرس مازن
امل:لا تروحين
ريام:ليش مااروح
امل:هس هاي شكللها ياربي
انتي مو تردين تروحين البيت عمج

ريام :اي كلت مناكه اروح بلكت اشوفه
لو من بعيد صدك اذا ترحون علمود اشوفكم
هناك
امل:وجان اصيح بريام وهاي اول مرة
اسويها كتلها كافي ريام مترحين يعني مترحين
شلحيتي
ريام:باوعت ال أمل بصدمه لان صاحت بوجهي
وهاي اول مرة تسويها بيا
بس جانت صيحه عبالك واحد ضربني
على راسي بقيت بس اباعلها
وجان انفض من ايدي الشغل
واكوم واني دموعي بس تريد الحجه
كمت ابجي واركض اريد اروح الغرفتي

أمل:هاي اني شسويت ياربي لا ريام
اوكفي يمعودة ماما يوم هس اجي
ركضت وراها اصيح ريام رحتلها
وجريتها وخليتها بحضني وكمت ابجي وياها
كتلها ريوم حبيبتي مو قصدي
والله اني احبج انتي اختي الزغيرة
ريوم لا تبجين شوفي حت اني بجيت
وياج اشش اسكتي كافي
ريام:انتي متعرفين الوجع الي اني بي
اني نار جوايا نار متطفى
اني احبج امل ليش كلمن احبه يجافيني
ليش الفرح بدنيتي شويه
اني لو اموت مو احسن على شنو عايشه
اني اريد اروح علمود اشوفه
اريد اشوف الانسان الي انطيته
حبي وقلبي وحياتي وعتبرته كلشي الي
بهاي الدنيا
امل:بس اني مااريدج تروحين
ريام:ليش مترديني اروح انطيني سبب
امل :ماكو سبب بس اريدج تنسي وتعيشين حياتج
ريام:يا حياة انتي شدتحجين يعني
على حجيج اوافقك على رعد
امل:منو رعد اوكفي عيني شنو دتحجين
شو مكلتيلي ياخاينه عندج سوالف ومتحجين
تعاي شوتعاي رجعي وحجيلي
اثاري روحاتج البيت عمج مو خاليه
هذا بس لا ابنهم  شوكت صار هذا الحجي

ريام:امشي خلي احجيلج وخلي خاله هماتين تسمع اريد رئيها ورئيج
رجعت البيتهم وكعدت احجي ال أمل وخاله
حجيتلهم كلشي
كتلهم كلولي شنو رئيكم وهس عرفتو
كلشي وحت على يزن كلتلكم مو بس على بيت
عمي
ام محمد:شوفي بنتي انتي هاي حياتج
وانتي لازم اتقرريها بس سالفة
صديق محمد انسيها ولا تكولين ليش
اني اكلج هوا هس ميذكر كلشي
وحت اذا رحتيله محيعرفج وحتنقهرين
اكثر اتركيه هاي الفتره وبلكت امه
بعدين كلبها ايلين علمود ابنها
اما ابن عمج هذا مااعرف شكلج
زين يجوز يطلع خوش ولد وهوا وأهله يعوضوج
عن الايام الي تعبتي بيها وتعيشين بيها
مرتاحه وانتي تكولين حيسووله
عمليه ورا الزواج يعني اذا ازوجتي
يجوز ينسيج الي شفتيه بحياتج