روح تائهة

البارت ........٥٠........

قد ضاقت نفسي وضاقت
محطاتي
باألامس كانت محطه واليوم
في محطه ثانية ام ثالثه لا اعرف
عدد محطاتي التي زرتها
والتي لم ازرها
لقد ضاقت بيا السبل
وتعددت الطرقاتي
ليالي لا اعلم اين كنت ولا اين سوف
اصل هل الغربه هيا عنوان حياتي
وتبقى روحي تائهه الي ان ان اجد
نفسي
.....................

ريام:بعد مصعدت للطيارة شفت مرية
سبحان الله صدك تشبهني
يمكن لو مااعرف امي متوفيه جان
كلت هاي امي بس صدك
من يكولون يخلق من الشبه
اربعين ههههه اني بيا حال واصنف
بس لاوالله صدك تشبهني

نمت اكثر الرحله لان صدك جنت تعبانه
كعدت وكلت ويا نفسي زين اني هس وين
اروح من ارجع اروح البيت عمو ابو رعد
الله يرحمك رعد جنت اتريدني ابقى
يمهم منو يكول امه تريدني
اصل ويصير خير وصلت وستلمت غراضي
وطلعت شفت شكد سيارات أجرة
ركبت سيارة ومااعرف وين اتجه

كلت شلون اروح البيت محمد
لالا مااروح اي خلي اصل منطقة بيت عمو
ويصير خير
وصلت المنطقه بس مكدرت اروح
البيت عمو اجتني فكرة اي خلي ارروح
بيت عمو المختار اي هذا هنا
نزلت ونزلت غراضي وطبيت لكيت عمو
سعد وزوجته واكفين برة باالباب سلمت
عليهم وطببوني جوا وبعيونهم الف سؤال

سألت على عمو المختار كالو هس يجي
هوا وعمه شكريه كعدت يمي زوجة عمو سعد
وكالت انتي ليش اجيتي لهنا غير
تروحين البيت عمج هناك هس الدنيا والعالم
كلها هناك هس اجينا اني وعمج سعد
كتلها والله بصراحه معرفت شسوي
اروح هس بس غراضي
حخليهن هنا
زوجة سعد:بقيهن مو مشكله امشي خلي اخذج
ونروح اني وياج بس اوصلج وارجع
ماشي
ريام:ماشي خلينا نروح طلعنا وكل الطريق اني ساكته وزوجة سعد تحجي
بأولادها وشكد متعبيها باالدراسه
واني مو وياها بس اكللها أي وصلنا بيت عمو
ابو رعد باوعت هاي شكد ناس واكفه
باالباب بس ماكو صوت عالي شعجب
بعدني هستوني طابه وشفت البنات
سها ونهى  وجان تجيني نهى وهيا تبجي

حضنتني وكعدنا اني وياها باالكاع نبجي
اجتني سها وكالت
سها:انتي وين جنتي وأهلي بيا حال
شلون تعوفيهم بوحدهم يجون غير تجين
وياهم
ريام:والله اني مردت اعوفهم بس هوا عمو كالي
روحي ويا عمج همام ابقي يمهم
سها:يله تعاي طبي جوا كعدي هنا عماتي حيجون يكعدون كعدي ولا تحجين اي شي
حت اذا ماما حجت او تصرفت اي شي
انتي تسكتين لان هيا كلش مقهوره
ريام:رحت كعدت واني بس ابجي

وبدت العالم تجي اجوي عمات رعد كلياتهم
ويمكن خالاته مااعرفهم نسوان هوايه وبنات
واني كاعدة متحركت من مكاني
بقيت باالساعتين كاعده وراها
صعدت الغرفتي طلعت تنورة وقميص
عندي سود غسلت ولبستهن
وقفلة باب الغرفة ونزلت

وااني داانزل وجان اشوف وحدة يمكن
من خواتها الخاله هدى وجان تجيني وتجرني
من ايدي وطلعني برى باالحوش وتضربني
على وجهي ضربه كلش قويه
بقيت صافنه عليها بدون اي ردت
فعل واني لازمه خدي الي حسيته صار نار
من الضربه بعدين صحيت على روحي
من سمعت صوت واحد صاح
من بعيد ليش ليش اسوين هيج مو حرام
عليج شسوتلج البنيه انداريت اريد اطب
باالبيت وجان أجرني اتريد اطلعني برى
البيت
كتلها هاي انتي شدااسوين وخري عني
وجان ادفعها هيا عثرت وكعت وكامت تغلط
عليه وتكول
مطبين البيت اختي هدى كالت اذا
اجتي طردوها مااريد اشوف وجها
طبيت غصب عنها ورحت كعدت يم
عمة رعد  باالاستقبال وجانو اكو هوايه نسوان
كاعدات وجان  تندار عليه كالت يمه
هاي شبيج ليش هيج وجهج احمر
ليش يابنتي تضربين على وجهج ميصير