روح تائهة

البارت ........٤٦.......

..............روح تائهه..................

وحدي وريح الكيد توهن قوتي
ويكاد رمل تماسكي ينهالُ
باالبوح أم باالصمت اكبح دمعتي ؟
شاخ السؤالٌ وسيطر الاشكالٌ
البوح ويل البوح يفضح لوعتي
والصمت رغم أمانه قتَّال.........

ريام:رغم الصراع الي بداخلي حاولت
اسيطر على نفسي وقدمت مصلحتي
على كلشي
على حبي الضايع على روحي التائهه

وكلت ويا نفسي خلي انطيهم قراري
وكتلها خاله اني موافقه على الخطوبه
ام رعد :صدك ياعيني اشكرج فرحتيني
خلي افرح عمج صدكي محتتندمين
الو ابو رعد تعال وجيب البشارة
اي اي وافقت تعال لا ماأكلنا
هس تعال اخذنا للبيت خلينا كلنا نفرح

ريام :أجه عمو واخذنا اني وزوجته
للبيت واخذ غدة للبيت جاهز من المطعم
طبينا للبيت وهمى الفرحه على وجوهم
بس اني ساكته محجيت
مااعرف شكول ورا منطيت موافقتي
على زواجي من ابنهم
مااعرف شلون قررت بهلسرعه

كاعدين كلنا سويا وجان ينزل رعد
رعد:اني كل هذا الحجي معليه بي اني
اريد اسمع الموافقه من ريام شخصيا
وصدكي ياريام اذا ممقتنعه ومموافقه

اني ماأريد اجبرج على شي انتي مرايدته

ريام:من حجه هذا الحجي رعد عبالك صحاني
واني ساكته بس عمو سبقني وكال
ابو رعد :لا وليدي ريام موافقه
انته ابن عمها وهيا موافقه عليك
موريام عمو انتي وافقتي شوف ساكته
شنكول احنا خجلانه والسكوت علامة الرضه
ريام:اني طلعت من الصاله وصعدت الغرفتي
طبيت وقفلة الباب عليه
وكمت ابجي اني شسويت بروحي
رجعت النفس الصراع الداخلي وضميري الي
يئنبني زين اني شسوي هس
استغفرالله اي معندي غير الله اتوكل عليه
ربي سهلي امري يارب
وجهني للطريق الصح طبيت غسلت
وعيوني مابطلت دموع
توضيت وصليت صلاة لوجه الله
وكعدت اقرا قرأن وأدعي يارب
وراها باوعت ساعه اربعه اتمددت على
فراشي ونمت وشفت صورة بابا وماما
عبالك شفتهم باالحقيقه
مثل لمن شفتهم واني باالمستشفى
كعدت من النوم على دك الباب فتحته
لكيت نهى
نهى :مبروك حبيبتي اني كلش فرحت
يله تعاي نزلي مسوين اجتماع عائلي
وكلنا كاعدين اطلبي شتردين
يله امشي
ريام:تمام هس جايه بس دقيقه لفيت
شالي ونزلت   لكيتهم كلهم كاعدين
ام رعد:تعاي عروستنا كعدي وكوليلي
طلباتج شتردين
ريام:مااريد شي
ابو رعد:ماكو هيجي حجي مهرج مثل مكتلج
حتاخذي وراتب اسويلج لان حتتركين الشغل
ريام:اترك شغلي ليش اترك شغلي
ابو رعد :شسوين بشغل انتي ممحتاجه
وشتردين اني حاضر راتب امشيلج
وهس طلباتج
ريام :طلباتي اريد المشية مالت خطوبتي
بيت عمو المختار اذا وافقو
ابو رعد :هاي بسيطة اني اخابره هس
ونحدد يايوم علمود اخذ اقاربنا واروح
اخطبج منه
بعد بشنو تأمرين
ريام:اريد محمد وأهله يحضرون الخطوبه
مالتي
ابو رعد:تمام مثل متردين
ام رعد :شوكت يعجبج واخذج اني وسها
اشتريلج النيشان
نهى :واني شنو ليش متاخذوني
ريام :خاله اني اريد لو خاله شكريه لو خاله ام محمد ويايا
ام رعد :تمام لعد خابريهم وكليلهم
علمود انحدد يايوم نطلع وهماتين اخذكم
انتي والبنات تروحون تشترون ملابس
زين حفله تلبيس
وين ترديها
ريام :مكيفج خاله وين ميعجبج
ام رعد:خوش لعد الحفلة انسويها هنا
بلبيت حفلة الخطوبه بس العقد اسويلكم اياها
بلقاعه لان حعزم ناس اكثر
ريام :اني كلت طلباتي وسكتت وخليتهم
همى يحجون ويقررون مثل ميردون
نزل رعد وبدو يحجوله واعترض
على القاعه بس همى قنعو