ريام : كعدت على دكت الباب كلت اي جاية
صباح:ريام حبيبتي بيج شي شنو مريضة
ريام :لا مبيا شي بس اكو موضوع حايرة بي
ممكن اخذ رئيج بي بس هس خلينه نتغدة
ورا الغدة احجيلج ماشي
صباح :ماشي على راحتج
ريام :ورا ماتغدينا وكملنه خاله ام صباح راحت نامت
وكتلها الصباح تعاي هنا بغرفتي نكعد واحجيلج
كعدنا اني وصباح وكتلها على موضوع الزواج
وكتلها لو انتي بمكاني شسوين
صباح:والله ياريام مااعرف شكلج بس شوفي
هوا اولا واخيرا القرار قرارج وانتي لا تضغطين
على نفسج وفكري زين ماشي
ريام:ماشي الله كريم
وجان يدك تلفون ريام
ريام:الو هلو عيني الحمدالله اي عرفتج ان شالله
صار زين الحمدالله باجر الله كريم بس العصر
عندي دوام الصبح اجي
ماشي لا عادي مو مشكله اني اجي
الله وياج مع سلامه
صباح:ها عيني منو هاي
ريام:اخته للولد الي صار بي الحادث دتكول اخوها الحمدالله صار زين وصحى ويريد يشوفني ويشكرني وكالتلي اذا اكدر اروحلهم
للمستشفى كتلها اشوف الصبح ان شالله
باجر اروح الهم
صباح :ديري بالج على نفسج
ريام :ان شالله اكلج صباح اني حرفض العريس
الجابوليا بيت المختار شتكولين شو ممرتاحه
للموضوع هس اني افكر اشتغل بشهادتي
بشغلة ثابته يعني ادور تعيين
خلي اخابر خاله شكرية واكول الها
صباح :خابريها الباجر احسن
ريام :خلي نرتاح شوية قبل منروح للشغل
صباح :دكومي عيني تحضري مابقى وكت
انام باعي الساعه بيش اخذتنا السوالف
ريام:يا هاي الساعه 3يله نلحك انبدل ونمشي
صباح :اني رايحه اغسل وابدل
ريام :اني همزين غسلت يله خلي اطلع
ملابسي وابدل
ورا مبدلو ريام وصباح طلعو سوا وراحو
الشغلهم وبعدين كملو صارت الدنيا ليل
ريام :اكلج صباح اني حاخذ لفات اليا
لان صدك تعبانه حاكل وانام
صباح :يله لعد انتضرج بس لا تتاخرين
ريام :رحت اشتريت لفات اليا اثنين
واخذت وياها عصير ورحت الصباح
كتلها كملت يله خلينا انروح
رجعنا طبيت الغرفتي رحت بدلت وغسلت
وكعدت فتحت التلفزيون اتفرج واكل
واني اكل كمت اغفي بعدين كمت غسلت
وشلت الفه الي بقت والعصير وخليتهن بثلاجه
وتمددت ونمت ثاني يوم كعدت ساعه ثمانية ونص
الصبح كمت غسلت وسويت جاي وطلعت البقه
من العشة تريكت بي وكمت نضفت
الغرفه وغسلت ملابس عندي
وطلعت ملكيت احد نضفت الصالة والحمام
وغسلت وطلعت ملابس
أنت تقرأ
روح تائهة
Romanceفتاة يتيمة لا تعرف ماضيها ولا مستقبلها تعيش وحيدة وتائهة في الدنيا ليس لديها احد فهل ياتره تجد من يساندها في هذهِ الدنيا التي ستملاء عينيها الجميلتين باالدموع ...
