ريام :ورا مطلعو النسوان صاحتني عمه الحجيه
وبدت تحجي ويايا
الحجية :بنتي ريام اريد اكلج حجايه هذول النسوان
جايين رايديج الابنهم
ريام :شنو حجيه شرايدين مني مافهمت شنو رايديني الابنهم
الحجية :يعني اجوي يخطبوج الابنهم هوا ابنهم
زين وعنده سيارة تكسي ومخلص سادس ادبي
وكاعد عد اهله وهوا شايفج شكم مرة وكايللهم الاهله عليج بس همى مو حيل رايديج بس لان
هوا كايللهم البنيه خوش بنيه ورايدها
اجوي يشوفوج ويحجون بيج بس والله ماادري
شكلج يابنتي
ريام: كولي عمه شكو شصار
الحجيه:من عرفو انتي يتيمه وماعندج اهل لان
اني حجيتلهم عليج كلشي اعرفه كالو اعذرينه
وانسي السالفه اذا انتي ماتعرفين اهلها شلون حنسئل عليها منين نطلبها حت رادو يحجون حجي
زايد بس اني منطيتهم مجال وكتلهم لهنا وكافي
وكلشي قسمه ونصيب والله وياكم وراحو
ريام :هيج لعد خلي يروحون اني اصلا مااعرفهم
ولا اعرف ابنهم احسن راحو
وبعد مرور شهر بدت الحجية تتعب حالتها
الصحيه وااكثر من مرة ياخذوها للمستشفى
وبنتها للحجية ولدة بنوته حلوة وسموها همسة
ريام :بعدلي شهر واخلص واتخرج ان شالله
بس عمه الحجيه صارت تتعب ويصعد سكرها
ومرات اني مايمها بلدوام لو ملتهيا ادرس
فكالت رقيه حاخذ امي يمي وابن الحجيه
ماقبل وصارت مشاكل والحل صار
لازم رقيه تجي يم امها علمود ادير بالها عليها
واجت رقيه وبقت يم امها اسبوع وراها اجاها زوجها ايريد ياخذها وكامت رقيه تبجي على امها
متريد تروح وتعوف امها بس زوجها كاللها يومين وهماتين ارجعج وراحت ورجعت تمرضت الحجية
ورحت صحت الابنها وكام ينزل ينام مرات جوا
علمود امه ومرته الخاتون متقبل تنزل
وكامت تسمعني حجي على ابو الواحد بيته ومماخذ راحته وشكم مره اسمعها تتعارك ويا زوجها
من ورايه تكله انته تنزل مو علمود امك هاي حجه
انته تنزل الهاي الماتستحي وكاعده يمنا
شكو شعدها يمنا متروح الهذول كرايبكم همى خلصو منها وذبوها علينه الله اليعلم شمسويه
وخلوها يمنه وتحاول من تحجي بصوت عالي
علمود اسمع الحجيه تسمعها بس مريضه
ومابيها حيل بس تباوع بعيونها ومقهورة
واني ابجي ومقهور بلغرفه وكلت والله
لو عندي مكان فلا ابقى دقيقه بس
أنت تقرأ
روح تائهة
Romanceفتاة يتيمة لا تعرف ماضيها ولا مستقبلها تعيش وحيدة وتائهة في الدنيا ليس لديها احد فهل ياتره تجد من يساندها في هذهِ الدنيا التي ستملاء عينيها الجميلتين باالدموع ...
