رواية أرواح مشتته ( من عالم آخر) إبنة فلسطين (جاري تعديل السرد)

البارت 10

نبدأ

إنحني سليم سريعا عندما وجد أن ذلك الذي يجثوا على الأرض ليس إلا فلذة كبده الوحيد
.. إنتشل يامن الذي مازال في صدمته و أخذه في أحضانة بعنف

وكذلك يامن تشبث في أحضان والده كالطفل الصغير الذي يغشي ترك والده

سليم بسعادة و بسمة واسعة شقت وجهه العابس
: يامن.. حبيبي..

يامن بدموع : وحشتني اوي يا بابا

إبتعد سليم.. و امسك و جهه ولده بين كفيه و أردف بشوق و دموع : عامل اي يا بني..

يامن بحزن وعتاب : لسا فاكر تسأل.. بقالك سنتين سايبني لوحدي انا وماما..

سليم وهو ينظر حوله حتى وجد البعض يوجهه انظارهم عليهم.. ومن ضمنهم سيف

فقام بجذب يامن و دلف به إلى إحدى الصالات الرياضية القريبة منهم.. ولحسن حظهم كانت فارغه حيث الوقت مازال مبكر

فجلس سليم على المقعد المعدني الممتد.. وجذب يامن لكي يجلس بجانبه

فأردف سليم بهدؤ : إنت عارف إن انا وماما حصل بينا مشكله وإنفصلنا من سنتين.. و كان طلبها الآخير مني إني اسيبك معاها.. وانت عارف اني مكنش ينفع أسيب ماماتك لوحدها كان لازم أسيب راجل معاها يحميها

يامن بحزن : طب أي هعيش من غير أب وأبويا عايش

سليم بحزن : مين قال كدا.. يامن حبيبي انت عارف انك مش إبني بس لا إنت صاحبي وكل حياتي.. بس فيه ظروف كانت خارجة عن إرادتي هي اللي عملت فينا كلنا كدا

يامن بإنفعال : ظروف ظروف وشغل شغل.. بابا احنا حياتنا إدمرت بعد ماكان الكل بيحسدنا على السعادة اللي عايشين فيها.. انت عارف ماما عايشة ازي ماما اصلا مبقتش تقعد في مصر بتيجي زيارات و تسافر تاني..وعلطول حزينه و قاعده في اوضتها.. عارف كل ما أدخل عليها ألقيها ماسكة صورك و بتعيط.. ماما اللي الضحكة ماكنتش بتفارقها دلوقتي  بقت زي الست اللي عندها ميت سنة

سليم بعصبية : بس اسكت.. امك هي اللي غبية.. وهي اللي دخلت شغلي في حياتنا  وخربتها

يامن : طب أي اللي حصل لكل ده

سليم بتهرب : مش وقته يا يامن.. انا لازم أمشي دلوقتي

يامن بحزن : طبعا شغلك وحشك تلاقيك سايبه بقالك ساعة لا ساعتين.. إنما إبنك اللي بقالك سنتين مشفتهوش عادي

تنهد سيلم بألم فصغيره محق : مفضلش غير القليل يا إبني و كل حاجة هترجع زي الاول و أحسن..

يامن بتضيق عينيه : وهترجع ماما..

أوما له سليم ثم قال ببسمة : وعد مني إن كل حاجة هترجع زي الاول

إبتسم يامن بسعادة معانقه والده مردفا بفرحة :
وربنا كنت حاسس سولي بيخطط لحاجة مهو مش معقوله يقدر يبعد عن الحته الشمال كتير كدا