رواية أرواح مشتته ( من عالم آخر) إبنة فلسطين (جاري تعديل السرد)

البارت 3

في صباح اليوم التالي
كان الجميع ملتف حول طاولة الطعام

تحدثت بيسان وهي تتناول طعامها
: أومال هي فين.. ؟

اجابها سيف بمرح
:  نايمة المنوم عامل مفعول جامد .. أنا فكرت بما إن هي نايمه بقالها يومين فمش هتنام تاني.. لقيتها قتيله نوم.

ضحكت بيسان بخفه 
: إنت بتحسد البنت على النوم.

سيف بمرح
: غيرها مش لاقيه.
ثم غمز ناحيه إلياس.. الذي يصب كامل تركيزه على هاتفه

نظرت له بيسان ثم أردفت ببسمة
: إلياس.

همهم.. ولم يرفع عينيه من على هاتفه

تنهدت بيأس منه ثم جذبت الهاتف برفق
و أردفت
: ممكن تركز في أكلك الشغل مش هيطير.

إبتسم لها بخفه.. و أخذ يتناول طعامه بلامبالاة.. وهو مازال يعبث في هاتفه.

بعد قليل
أتت مدبرة المنزل والتي تدعي" ناجية "
: البنت صحيت ياباشا.

رفع إلياس رأسه.. و كاد يتحدث إلا أن بيسان  سبقته وهي تنهض سريعا ..
: انا هقوم ليها

صاح سيف سريعا
: بصي حاولي تديها لبس من عندك وخليها تاخد شاور كدا.. دي بقلها أكتر من يومين

قاطعته بيسان ببسمة وتفهم
: متقلقش كنت هعمل كدا.. إجهز انت بس عشان بعد مانفطرها توصلنا المول نعمل شوبنج.

أوما لها ثم اضاف بجديه متجاهلا إلياس الذس ينظر لهما بذهول
: أوكي.. وإعتبري اليوم.. لا لا الأسبوع كله أجازه ليكي.. عشان ناخدها و نخرجها شوية.

أومات له بيسان بحماس.. ثم صاحت بتفكير و لهفه
: فكرة تحفه.. وكمان عاوزين نعملها إشتراك في النادي بتاعنا.

هز سيف رأسه بتأكيد ثم أردف بتفكير
: و تعليمها برضو.. عاوزين نقدم ليها في مدرسة ثانوي أو ندخلها جامعه علطول.

ردت بيسان بنفي
: لا لا ياسيف مدرسة أي .. إحنا نديها كورسات ونشوف المجال اللي تحب تتخصص فيه و بعدها نقدم على جامعه علطول.

سيف ببسمة : فكرة برضو.. وكمان شغلها بعد الجامعه مضمون.. هنشعلها معانا في الشركة

تحدث إلياس الذي كان يضع يده أسفل وجنته وينقل نظره بينهم
: متجوزوها بالمره

أنفجر سيف و بيسان في الضحك.. حيث تحمسا كثيراً من أجلها كإنها طفلتهما الصغيره الذي يعداها للحياة

تحدث إلياس بهدؤ : احنا ورانا شغل مش فاضين ليها..

سيف بغيظ : انا و بيسان اعتبرنا النهرده أجازه

بيسان بمحاولة لإستعطافه : إلياس حرام البنت ملهاش حد وتعتبر طفله لسا مش فاهمه حاجة و إنتو كنتوا زي حبل النجاه ليها