رواية أرواح مشتته ( من عالم آخر) إبنة فلسطين (جاري تعديل السرد)

البارت 28

نبدأ..

في المساء بعد صلاة التراويح..
كان جميع الشباب مجتمعين في الشقة الخاصه بهم.. ومعهم أسماء الذي حضرت منذوا قليل و زمردة و وتين..

اللواء بتعجب : يعني أي يا أسماء مش فاهم؟

: يعني يا سيادة اللواء هما بيجهزوا لحاجة إحنا مش عرفينها.. و أتارا إمبارح كانت طايره من الفرحة لأنها جت المطار بنفسها و منعت التفتيش عن شخص بحكم سلطتها و اتضح في الاخر أن الشخص ده بيكون إيثان الظابط اللي دايما معاها وكان مختفي الفترة دي

صاح عامر بضيق : آخر مره ظهر.. كانت من أكتر من شهرين لما راح مصر وأنا كنت وراه وبعدها فص ملح وداب

تدخل سليم مردفا بتفكير : إستنوا دلوقتي.. يعني هي راحت ومنعت التفتيش عن إيثان.. طب ماكانت منعت التفتيش عن وليد ومكنتش وكلتك انتي يا أسماء تهربي الشنطه من التفتيش

نظر له الجميع بتركيز..
صاح محمد : أظن إنها فعلا بتخطط لحاجة تانيه خالص ..

أردفت أسماء بعدم فهم : بس اللي مش فهماه إنها ليه راحت الضفه الغربية بعد ما طلعت من المطار هي و إيثان و راحوا في مناطق ملغمه وممنوع إن أي حد يدخل في المناطق دي

ضيق عامر عينيه بعدم فهم.
: إستني و إزي عرفتي انها راحت لمناطق الألغام دي ..

اجابته : كنت مرقباها بعد ما طلعت من المطار و مشيت وراهم..

: أتارا كشفتنا كلنا حتى أسماء...

ألقت زمردة بتلك الكلمات مما جعل الجميع يوجهه أنظارهم لها بصدمه ..

فأيدتها وتين
: صح.. لان فكروا بيها بالعقل كدا.. قنابل مهمه زي دي ليه تخلي وليد اللي هي عرفه أن الشرطه حواليه و من السهل يتعاون معاهم من غير ماتعرف تخليه هو اللي يروح يجبهم.. إزي تكون بالغباء ده

صاح محمد بضيق : فعلا كلامكم منطقي جدا .. و أظن عملت اللعبه دي كلها من أول خطف بيسان عشان تلهينا مع وليد.. ودخلت القنابل هي عن طريق حد موثق فيه..

أكمل اللواء : والحد ده بيكون إيثان اللي اختفى فجأه ومحدش عرف عنه حاجة.. أكيد كان في الدولة اللي القنابل اتعملت فيها..

صاح سليم بأمر ل عامر : عامر مطلوب منك تجبلي تقرير عن إيثان ده من أول ما إتولد و عيلته مين و هو من فين بالظبط..

اوما له عامر بطاعه..

ثم أكمل : عشان كل الخطوط تكون واضحة.. سيف هيدخل جواء دايرة الشك من تاني..

نظروا له بعدم فهم.. بالأخص زمردة..

فصاح موضحا : كدا أتارا قلبت الترابيزه.. فلازم نمسك كل الخيوط من كل الاتجاهات.. ومش هنثق في أي حد.. و بالذات إلياس لان مش داخل عليا موضوع التوبه و إنه بقا يصلي.. مشمعنا يعني دلوقتي اللي حاله اتصلح أكيد خطه عشان يبعد الشبهات عن نفسه..