وَ نسيتُ أَنني حُرَّةَ ♨️🔞♥️

بارت 11

البارت اليوم كله نار 🔥 ضيم 🤩 يله يله شوفوا شراح تسوي الگنة
اريد اشوف التفاعل ع البارت

- كعدت الصبح على صوت قرقشه يمي اممم اتثاوبت وحطيت ايدي على حلكي والله بعدني نعسانه فزيت بسرعه اتذكرت اليوم اريد اداوم ليش ما دك المنبه سحبت التلفون الساعة ب 7:10 بعد خمس دقايق يدك انداريت على الصوت الي وراي سليمان جاي يشتغل على الابتوب قلتله صباح الخير

- سليمان : صباح النور

-  ثريا : كامت دخلت للحمام غسلت وجها وطلعت شافته بعده يشتغل كالت توصلني وياك

- سليمان : رفع راسه من الابتوب وين تريدين من الصبح

- ثريا : على دوامي بالشركة اليوم يبلش خلصت الاجازة

- سليمان : ماشي اوصلج حظريلي ريوك جوعان

- ثريا : من عيوني بدلت ملابسها تنوره بيج وقميص بيج وسترة ورديه لبست حجابها البيجي حضرت جنطتها ونزلت جوا دخلت المطبخ شافت حور جاي تسوي بتيته وبيض كالت صباح الخير

- حور : اندارت بابتسامه هلو صباح الخير

- ثريا : حطيت ايدها على حلكها هسه شسويله ريوك طبعا ما اقلي لان بدلت ملابسي خليني اسوي جبن وجاي احسن و اسهل ، حور وين القوري

- حور : بالكاونتر ذاك واشرت بايدها الي يم الثلاجة ليفوق

- ثريا : مشت فتحت الكاونتر واو شنو هالترتيب والنظافة عدة قواري بيه واحد احلا من الثاني التفتت على حور اي واحد تستخدمون

- حور : كلها عادي تستخدمها خاله

- ثريا : ابتسمت ابتسامه جانبية وقالت خوش لعد طلعت القوري الوردي حطت بيه مي من البوري وكسرت حبات هيل وحطتها بنصه وشغلت النار عليه اكلج اكو صمون

- حور : اي طلعت توني وحطيتها بالجيس ذاك يم الفرن

- ثريا : شكرا فتحت الثلاجة طلعت جبن وحطته على الميز وحضرت الاكواب وكفت يم البراد و صبت مي بالكوب حطته يم حلكها تشرب بيه

- زيد : دخل المطبخ وانترس بريحه عطره اقترب من حور الي واكفه يم المغسلة وحط ايده على خصرها وباسها من ركبتها حبيبي صباح الخير

- حور : صباح العسل عمري استوا الاكل  هسه احطه

- زيد : اندار يريد يكعد شاف ثريا واكفه وتشرب مي صباح الخير وكعد على الكرسي

- ثريا : ردت باحراج صباح الخير ، وتحجي ويه نفسها شلون حلو يدللها

- سليمان : دخل وهمين العطر مال المطبخ سلم وكعد على الكرسي كبال زيد ، شالت القوري وبدات تصب بالكوب وكالت زيد و حور اصبلكم

- زيد : نص كوب بلا زحمه

- حور : لا شكرا

- صعدوا السيارة وبدا يحرك مسجل السيارة على القران وصل يم الشركة وكال شوكت تطلعين ؟؟