وَ نسيتُ أَنني حُرَّةَ ♨️🔞♥️

بارت 16

مرحبا

وهذا البارت لعيون الي البارحة خبصوا الوتباد

اشكركم جميعا وان شاء الله اكون عند حسن ضنكم

شنو اكللكم البارت اليوم حماسسسسس 🔥 🔥 🔥

يله انبلش

🌸🌸
🌸
🌸🌸🌸
🌸
🌸🌸

🔥
ﺑﻴﺎ ﻭﻛﺖ ﻳﻨﺰﻝ ﺳﻌﺮﻧﻪ
ﺍﻧﺮﻳﺪ ﻧﻨﺴﻪ
ﺍﻧﺮﻳﺪ ﻧﻀﺤﻚ ﻣﻦ ﮔﻠﺒﻨﻪ
ﺍﻧﺮﻳﺪ ﻭﺍﺩﻡ ﻣﻮﺵ ﺑﺲ ﺍﺣﻨﻪ ﻧﺤﺒﻬﻢ
ﺍﻧﺮﻳﺪ ﻭﺍﺩﻡ ﻫﻢ ﺗﺤﺒﻨﻪ
🔥

- سليمان : خابرتها كتلها عشر دقايق اني يم الباب ترا ما اريد ادخل مستعجل ، كالتالي تمام وسديت التلفون ، قبل شوي خابرتني امي تشكي من ثريا ان مشتغلت اليوم وحور اليوم محلله وطالعه حامل 🤰 ومتكدر مثل قبل ادنك وتمسح وهي اليوم مبتليه بالمسح لان على كولتها ست الحسن مالتي ما سوت شغلها الصبح ، واني زهكان اصلا من واحد من الي ماجرين من قسم المطاعم ميقبل يدفع الايجار وتصايحت وياه بالمكتب ، فاتح الشباك وادخن وصلت يم الباب نزلت و ذبيت الجكارة بالكاع ودستها بحذائي ومديت ايدي اريد ادك الباب بس انفتح ومنو بوجهي واحد شايفه بس وين ؟؟ ضليت اريد اتذكر بس...

- سراج : مد ايده شلونك سليمان

- سليمان : عرفته سراج ماكو غيره مديت ايدي وسلمت بس كان سلامي قوي ايده ردت اعصرها بايدي بس ايده همين جانت قويه بعض النظرات الثاقبة مني كفيله بان يسحب ايده ويبوس راس خالتي يريد يودعها وبهالوقت طلعت المحروسه ولج شسوي بيج هسه ادفنج هنا وطالعه تمتضحك بوجهه

- ثريا : طلعت على سليمان شفت بوجهي سراج لازم اسلم عليه عيب وهو يباوع عليه بس وجه خالي من اي تعابير بلعت ريقي وكلت شلونك سراج

- سراج : ابتسم بحزن  ايبااخ يالدنيا هسه جاي تسالين عني وعن احوالي بس رديت الحمد لله انت شلونج ومبروك الزواج ولو متاخره كالها بدون اي تعابير

- ثريا : الله يبارك بيك شكرا واقتربت يمهم

- رقية : تفضل يمى سليمان اشرب شي مو من الباب

- سليمان : رد باحترام بس عيونه صارت حمر من العصبيه لا خاله غير يوم تعبان وعندي شغل باجر من الصبح ، والتفت عليها يله ثريا صحت بشوي نتره

- ثريا : مع السلامة كالت لامها ولسراج وصعدت السيارة ...

- ثريا : طول الطريق ساكت حتى المسجل ماشغله ولازم السكان بايده ومبينه دماراته من العصبيه ، عبالك جكارة تريد جداحة حتى تشتعل ، لزمت ايده وكالت شبيك سليمان اكو شي

- سليمان : دفع ايدها بقوة وكال اي بيه عله بسببج وبسبب سوالفج العوجة

- ثريا : شسويت ليش اني قالت باستغراب