وَ نسيتُ أَنني حُرَّةَ ♨️🔞♥️

بارت 43

مساءوووو

يابنفكر يا بتحس مافيك توئف بالنص
ولافيك تاخذ كلشي نئي واحد منن بس

بارت يشك شك من الاحساسيس الموجودة

ونبدا البارت بسم الله

- سليمان : دخلت البيت الساعة فوق ال12 جنت يم مزاجي ، البيت هدوء صعدت فوق فتحت باب الغرفة شفتها لابسه ثوب نوم قصير ومكياجها وعطرها ونايمه وهي على السرير ، ماحركت شعره بي ، اخذت ملابس ودخلت الحمام غسلت ورجعت الغرفة طفيت الضوا وحطيت راسي على المخدة ، يعني صدق ما اكدر انام ، ضليت انكلب يمين ويسار ، حطيت ايدي على عيني ، حسيت بيها تقترب ، حطت ايدها على صدري ، سويت نفسي نايم ، ما اريد بعد اعلكها لو اخليها تتامل بعلاقتنا ، اتذكرت البارحة من فتحت الموضوع ويا ثريا ، اريد اخذ رايج بموضوع

- ثريا : كول وباوعت على عيونه تنتظر يكمل

- سليمان : راح اطلك عسل

- ثريا : ماحجت تنتظره يكمل

- سليمان : شنو رايج

- ثريا : ما اكدر انطيك راي لان راح يكون تحيز بي ، هذا قرارك وحدك

- سليمان : حضنها وكال ما اكدر ثريا ، اني الليل ما انامه وانتي بعيده عني ، ما اريد اعيش بهذا التشتت

- ثريا : بقلبها اتمنى بس كالت ، انت حر سليمان بقرارك ، فكر زين علمود متتندم بعدين

- سليمان : من جبتي سيف واني افكر ، تفكيري كله يمج مزاجي ....... ، هيج انتهى الحديث ، لا هي الي ايدت راي ولا رفضته

- عسل : بصوت نعس شوكت اجيت

- سليمان : ما رديت

- عسل : باست جتفه وركبته

- سليمان : اندار وانطاها ضهره وكال تعبان اريد انام

- عسل : حطت راسها على ضهره وحضنته من ورا وكالت اشتاقيتلك ، متحس

- سليمان : بلع ريكه وضل ساكت

- عسل : سليمان اني احبك واريد رضاك ، رد عليه

- سليمان : طلع زفير من حلكه قوي وكال ، اريد انام

- عسل : كامت ومددت كباله ولزمت وجه بايدها وكالت احبك سليمان والله احبك ، حياتي بدونك ولاشي ، شتريد اسويلك بس اشر

- سليمان : كومي وارجعي نامي بفراشج

- عسل : بتوسل سليمان ليش هيج تسوي بي هاجرني صارلك 5 اشهر يعني 150 يوم ، والله حاسبتها يوم بيوم ، شنو سويت ، علمود اجيت ويا عمة لبيت ثريا وجريت شعرها ، اذا تريد باجر اروح اعتذر منها وابوس رجليها

- سليمان : وخر ايدها من وجه وكال ، ما اريد منج شي عسل ، كومي ونامي بجهتج ، وعوفيني يا بنت الناس بحالي