وَ نسيتُ أَنني حُرَّةَ ♨️🔞♥️

بارت 25

اليوم مراح احجي اكول شنو البارت بي حماس

بس اكللكم شغله وحدة ايدكم راح تكون على قلبكم وانتو تقروون

وهذا بارت طويل لعيون المتابعين الحلوين

يله نبدي بسم الله

- ثريا : مددت على سريرها ودزت رساله انت نايم بس ما رد انتبهت على الباب الي انفتح كدامها

- رقية : ها يمى بعدج كاعدة

- ثريا : انخنكت ما اعرف شسوي دخلت ماما وكعدت يمي وحطت ايدها على كتفي كالت

- رقية : ثريا بنيتي اني اكثر شخص يعرفج احجيلي يمكن افيدج استشيرني وكوني على ثقة كل شي اله حل واني امج اريد مصلحتج وعندي خبرة بالحياة ، صدمتني حضنتني وضلت تبجي حطيت ايدي على ضهرها وخليتها تفرغ همها وحملها كله شالت راسها اباوع على ملامح وجها كبرانه اكبر من عمرها لمعه عيونها مطفيه هامله نفسها

- ثريا : خايفه يا ماما اخاف اقدم على اي خطوة اخاف من الفشل ومن كلام الناس من اخسر حب حياتي من ان يتشمت بيه كل شخص ، بطلت اطالب بشي احس مو من حقي واحس اني ما استحق ان احصل على الحياة الي يعيشوها اغلب البنات بيت وحد زوج محب حياة حلوة شغل مرتب واطفال ، ورجعت تبجي تخيلي ما اكله طلعني ولا اريد نطلع سوا او وديني مطعم او اشتري شي حتى يلم الفلس على الفلس بلكت يشتري بيت شقة ، ضحكت باستهزاء طلع عنده بيت كامل مكمل وماجره ،  ليش هذيج متوفرلها كلشي زوج محب ياخذها للسما اذا تريد وهسه راح يطلعها بيت وحد شنو الفرق بينا شنو ، شنو الي خلاه يفكر بوحده غيري يروح يكضي وياها وقته سوالف ضحك حجي مايكوله الي ، راتبي من استلمه اقسمه نصين نص الج ياماما حتى متحتاجين احد ونص انطيهيا يخلي يمه حتى يكول عليه الزوجة الصالحة الي متطلب من زوجها شي حتى يكون نفسه سكتت شوي وكملت اكعد من ال6 الصبح امسح وانظف البيت حتى ترضى امه بس هم مترضى اصعد ابدل وانزل اسوي ريوق واطلع للشغل ما ارجع لل4  الكاها حاطتلي فضاله اكلهم كل يوم ليش مو بشر اني ؟؟ اصعد اناملي نص ساعة وانزل اكمل باقي الشغل وكلام امه الي مثل السم بالصعده والنزله وغسل الهدوم وكويها ورا العشا اصعد عاد اني منتهيه ومع هذا اكعد اشتغلي ساعة ساعتين حتى احلل الراتب ، ماقصرت وياه بشي يصعد يلكى الغرفة نضيفة ملابسه مرتبه ومكويه بالكنتور ومن يريد حقة ياخذه والبسله البجايم مال جهازي يوميا لبسه بس هسه اختلف الموضوع بعد ميصعد الا لما اكون نايمة وما اشوفه غير لمحات خلال اليوم وبس يتذمر من كل شي من كثرة نومي من اهمالي لنفسي من كثرة نسياني ورجعت تبجي ... تدرين جنت اضن الي يحب واحد لايمكن يشوف غيره لايمكن يخونه بس سكتت .... ما اريد ارجعله ما اريد اشوف وجه بعد يا ماما وضلت تبجي

- رقية : كل هذا بكلبج يابنتي ربي يعينج ومايضيع صبرج خليج يمي واذا ما اخليه يتندم على كل شعره هو وامه ما اطلع اني رقية هي هاي اسيل من عرفتها ماشفت منها خير ولو بس منطيتني خبر من البدايه ولو الوقت ما فات