وَ نسيتُ أَنني حُرَّةَ ♨️🔞♥️

بارت 15

البارت اليوم قنبلة 💣
🤩🤩🤩🤩🤩
سليمان اليوم صاير فلم
🤪
ورندا ادووخ فد واحد
😅
البارت ضيم والعباس من يمي اكتب ومتحمسة
😂😂😂😂

- سليمان : اسمع صوتها تصعد وتنزل بالي يمها مو يم سوالف اهلي لو التلفزيون صح ما اشوفها بس اني كاعد وضهري للباب امي ادري بيها متحبها متبلعها تضل تذبلها بالحجي بس هي همين مو مقصره تحاول تنرفزها لامي مع العلم اوصيها وارجع ، اخ منها خلصت جكارتي طلعوا كلهم راحوا ينامون طلعت اريد اصعد شفتها شايله سله الملابس وطلعت ورا البيت مشيت وراها وشفتها جاي تشر بيها اجيت ولزمتها من خصرها فزت فزه خوفتني اكثر منها 

- ثريا : صرخت بيه انت منو انداريت وقلبي يدك قوي لك ليش هيج سليمان خوفتني

- سليمان : شبيج هيج حياتي خفتي جاي اشاقه وياج شنو بعدج ما خلصتي واشر بعيونه على الملابس

- ثريا : لا خلصت بقت هاي اخر شي

- سليمان : يله خلصي كلهم راحوا ينامون

- ثريا : نفضت اخر ثوب وشريته باوعت عليه واكف مرتجي على عتبه الباب ويباوعلي ويبتسم ، بقلبي كلت شحلاتك من تصير حباب وعفت السلة يم الباب ورحنا صعدنا فوق

-
-

- سراج : صارلي ايام افكر بيها ثريا ما طلعت من راسي ما حبيت وحده بكدها اوووف منها ، ما اعرف شسوي احسن حل ازوج بلكت انساها ، زين واذا ازوجت خاف اضلم بنت العالم وياي وين راح اعيش همين افضل هنا قابل طبعا لا ابتسمت واجتي فكرة براسي ... رحت كعدت يم يحيى وكلتله هاي الكاع الي يمكم يبيعوها
-
- يحيى : ي بس يضربون بالعالي
-
- سراج : بيش يعني رايديها
-
- يحيى : سمعت .... هيج سعرها
-
- سراج : اني اريدها تروح وياي باجر نشوفها ونشوف صاحبها
-
- يحيى : ي ليش لا انت صاحبي وخوي واوله من الغريب بس منيلك فلوس ؟؟
-
- سراج : هاي شبيك يحيى مو كتلك اني صايغ ذهب وجنت ضاملي كم فلس وكلت اكعد قريب عليك ونشتغل سوا بالكياعين
-
- يحيى : ابتسم بفرح وكال اي سراج رحمة لوالديك انت ابو الافكار ما اكدر استغنى عنك ....

-

- ثريا : صارلنا اربع اشهر متزوجين احس مو ذيج العلاقة بينه ماكو كلام ولا نقاش باي موضوع ماكو بينا لغة حوار اوامر اغسلي هدومي اكوي هدومي نضفي رتبي اصعدي انزلي جيبي ودي وبعدين نطلع الصبح على الشغل ويرجعني الضهر ويرجع على شغله المسائي وما عنده غير يوم الجمعه عطله عاد بهذا اليوم اروح ازور امي بيها وبنفس الوقت اخلص من اسيل متبطل تضل تذب حجي على كولشي ، جنت البس ملابسي حتى اطلع لشغلي وكتله اريد ازور امي

-
- سليمان : شو يوميه مو الجمعة جنتي هناك
- ثريا : اريد اروح وياها ع السوق اشتري كم شغله

- سليمان : زين لعد من ارجعج من الشغل اوصلج يمهم راسا

-
- ثريا : اي خوش