وَ نسيتُ أَنني حُرَّةَ ♨️🔞♥️

بارت 34

مرحبا يا متابعيني الحلوين

اعتذر جدا عن التاخر بنزول البارت
بس سويتلكم بارت طويل واحداث ولا اروع

بسم الله

- ثريا : كامت وكالت بصوت عالي انت تريد تفرقنا بينا كول هيج من البداية ، تحجي وتحش براسي عليه حتى اطلب الطلاق وترتاح مو

- سراج : هذا رايج بي ؟؟

- ثريا : واضح الموضوع ميحتاج تبرر

- رقية : ثريا بنتي الي يكوله سراج صحيح

- ثريا : يمى ماسمعتيه شيكول ، كالت ودموعها بدت تنزل كولولي راح يطلكها ويرجعلي اني واشرت على نفسها ، اني ، بدت عيونها ادمع

- رقية : كامت وحضنتها ولج لتبجين علموده والله ميسوه ضفرج المن حاركه دمج

- ثريا : طلعت صعدت غرفتها وقفلت بالباب دخلت الحمام فتحت الدوش ودخلت جواه بهدومها وتبجي ، ادري صوجه ادري هو السبب مو احد غيره ، ادري وادري وادري بس قلبي يحبه ....

- رقية : لتزعل يوليدي مدري شبيها

- سراج : خليها اطلع قهرها احسن من ما تكبته ، شكله غاسل دماغها غسل .

- رندا : احجي وي نفسي مو من مصلحتي تطلك ، لان اذا اطلكت راح اكون بخطر ، راح يحنلها سراج ، ياله كدرت اجذبه الي ، وهو بس شافها هيج تخبل ، لازم افكر زين ، التفتت لسراج يحرك ايده كدامي ، رمشت عيني على السريع وكلت شنو

- سراج : وين صار ساعة احجي وياج

- رندا : اعتذر ماسمعت

- سراج : بيج شي تعبانة

- رندا : اي شوي

- سراج : امشي نرجع نرتاح شوي لان اهلي عازمينا على العشا

- رندا : يله راح البس حجابي واجي ، كمت شفت ماما بالغرفة تصلي ، صعدت فوق دكيت الباب مقفول ، كلت من ورا الباب ثريا راح اروح اريد اسلم عليج ، محد رد ، اني موضد ثريا بس لازم احافظ على زوجي وبيتي فزيت من شفت سراج شايل ايدي ويبوسها

- سراج : شبيج عمري مو على بعضج مرة يلتفت عليها ومره على الطريق وهو يسوق

- رندا : حبيبي ليش هو موضوع قليل ارجع اشوف اختي هيج حالها

- سراج : لا والله ماصدكت ، بس تستاهل هي ذاله نفسها عليه

- رندا : غير تحبه

- سراج : ... بهالحب

- رندا : بدلت الموضوع ما اريد نضل نفسيه او يضل يفكر بيها ، حجيت وياه كولتله كم كلمة خليته يبتسم 😉

- ثريا : مر كم يوم من اجى سراج ورندا ، واني على نفس الحال ابجي الليل كله على حالي وعلى صبري عليه وعلى امه، افكر شلون اذا اجى شنو اكله وشنو احجي وياه ، ما اكدر اعوفه ما اكدر ، ما اريد ابني يطلع ويتربى بدون اب صعبه واني عشت هيج حياة ، اتحمل كلشي لخاطر ابني ، طلعت على الدوام مثل يوميا ، صافنه بطريق الروحة وين راح ترسى حياتي ، وهذا الشغل معاجبني لان احس نفسي توقفت بمكاني ، نزلت من الخط شفته كدامي بكل هيبة وكشخته لابس قاط اسود وقميص بيج ورباط اون اسود لبس دوامه مالجامعة ، جان واكف يم باب الشركة ونضرت الشفقة بعينه ذبحتني من شافني .