وَ نسيتُ أَنني حُرَّةَ ♨️🔞♥️

بارت 29

ياصباح البارتات الطويلة

ياصباح البارتات النشيطة

شلونكم البارت فول حركات وسوالف

ندخل كبل بسم الله

- ثريا : لازمة التلفون وتشوف الصور الي دزتها رندا على الاثاث الي مختاريه والجهاز وكالت ربي يتمملج على خير وان شاء الله متشوفين الي شفته اتمنى تعيشين حياة احسن من حياتي يارندا جانت كاعده على الكرسي الي بالمطبخ

- اسيل : تحجي بصوت ناصي ويا عسل ، اريد تفكرين وياي شلون اخليه يوافق

- عسل : انتي مو تكولين هو بار بيج ويريد رضاج لو مهما يكون ...

- اسيل : اي الله يرضى عليه

- عسل : هاهية كوليله.... وهيج اكيد راح يوافق

- اسيل : خوش فكرة

- نعناعة : شعدكم جاي تتبسبسون

- اسيل : هيج اشياء مال بنات

- نعناعة : ليش وين تعرفين البنات وانتي زلمة

- اسيل : عساس تعرفين تشاقين اصلا شقاج قديم مثل عمرج وكامت من يمهم دخلت المطبخ هاي شنو تضلين مكابله التلفون انحولت عيونج منه والله مافر راسج غيره

- ثريا : اخذت شهيق عميق وكالت شتريدين يارب خير

- اسيل : رادتج ريده كومي حضري العشا ان شاء الله تريديه جاهز يوميا لو متعوده على الدلال بيت امج

- ثريا : كمت مابيه حيل اجادل وياها وكلت شنو تريدين اسوي

- اسيل : ي هيج ما اريد اسمع صوتج حطت ايدها على حلكها تفكر 💭 اي طلعي اللحم المثروم وشيشي الكباب 🥙 و طلعي صدر الدجاج من الفريز الي تبلتيه قبل يومين سوي كص وكلي بتيته وسوي حميس طماطم على جهة والزلاطة وراح ادز حسام يجيب صمون وخبز حار

- ثريا : بس ما الحك خالة

- اسيل : غير فاهية ومابيج خير ، لا وتريد سليمان يطلعها بيت وحدها ، هو عشا لكم شخص مابيج خير ادبريه انوب تريدين بيت كامل ، هي هي حركت ايدها وطلعت

- ثريا : لاحول ولا قوة الا بالله ، طلعت الكباب حطته ع الكاونتر هو والدجاج طلعت الطماطم قطعتها وحطتها بطاوة وشغلت النار عليها وحطت بطاوة ثانية صدر الدجاج ونصت النار حتى يستوي زين ، جابت شياش الكباب ومسحتها عن التراب ، وبدت تقشر بتيتة وتقطعها وتحطها بمي وملح حتى ميتغير لونها ، ثرمت الزلاطة بعلبه وغلفتها بجيس وحطتها بالثلاجة وبدت تشيش...

- اسيل : شالت تلفونها ودكت هلا سليمان وينك

- سليمان : هلا يمى بالشغل تريدين شي

- اسيل : ي تعال يمنا بيت خالك سعدون

- سليمان : شجابهم

- اسيل : من تجي عود اكلك يله تعال نتعشى سوا