وَ نسيتُ أَنني حُرَّةَ ♨️🔞♥️

بارت 41

صباحووووو ☀️

لو

مساوووووو 🌜

المهم

بارت طويل ومليان احاسيس ومشاعر متضاربه

نبدا بسم الله

- ثريا : ترا راح اتعلم على هذا الدلال وشيخصلك

- سليمان : تدلل ام سيف عليه

- ثريا : ما عندك دوام اليوم ؟؟

- سليمان : اليوم ماخذ اجازة اريد اعيشه وياج

- ثريا : عشت اجمل يوم بحياتي ، دلال ودلع شيء جنت محتاجته كثير ، يمي و ميقبل اكوم من يمه كل شوي يشم ركبتي وايدي وخدي ويبوس بيهن ، كلت بدلع سليمان خليني اكوم احضر شي ناكله جعت

- سليمان : حاط راسها على صدره ويمسح بشعرها، هسه ادز على اكل ، لج اني ماخذ اجازة من الدوامين حتى ابقى وياج ، وانت تريدين تعوفيني علمود الاكل ، اشوف كرشج كبران

- ثريا : رفعت راسها وكالت اي ابنك يوميا يكبر شنو اعيشه على ال مي بس ، وكملت بابتسامة يله خابر ترا سيف جاع يكول اذا مايكلني بابا راح اكله

- سليمان : ابتسم ابتسامة جانبية وكال يدلل سيف وامه ، سحب التلفون من الميز وفتح وضع الطيران ( مسويه طيران حتى يخلص من المكالمات المزعجة 😉 ) وبالفعل من فتحه لكى 50 مكالمة من الشغل ومن امه ومن عسل ومن نعناعة ، لبسهم كلهم واتصل على مطعم طلب اكل ....

- ثريا : كمت وحضرت الميز من خابروااهل التوصيل ، دخل سليمان شايل العلاليك بيها الاكل ، حطها على الميز وفتحهم كباب 🥙 مشوي ومقبلات وخبز حار  ، طلع شيش كباب مده كدامي اكلت من ايده لكمة وحط الباقي بحلكه عجبتني حركته وابتسمت بحب ، من شافني ابتسمت كررها كل شوي يخليني اعض منها يله ياكلها ، الله حسيت نفسي صدك معشوقته .... وهيج مر شهرين واحنا عايشين كعشاق ، اليوم الي يمي ميروح لدوامه المسائي ياخذني نطلع نسهر برا ونتعشا ويانا نعناعة ، لو بحديقة البيت نتعلل ، واليوم الي لعسل يجي بالليل قبل ميروحلهم يبقى ساعة ساعتين يكول ما اكدر انام اذا ما اسمع صوتج واشم ريحتج شسويتي بيه ؟؟ ، صار السهر وياج هو الي يعدل مزاجي ، صارت ريحتج ادماني ما اكدر انام اذا ما اكون حاظنج.... الحمد لله 😍

- رندا : يله مامي واقفه يم الباب ولابسه ملابس طلعه

- رقية : يله اني جاهزة طلعت من غرفتها وهي تحط التلفون بالجنطة ، صعدوا بالسيارة وصلو للدكتورة ودخلوا عدها

- الدكتورة : تفحص بجهاز السونار على بطنها بس وجها انعقج

- رندا : خير دكتورة

- الدكتورة : هسه انتي بعد يومين تدخلين بشهر السابع ، شنو شايله شي ثقيل او مسويه شي

- رندا : لا دكتورة ، خير ليش