وَ نسيتُ أَنني حُرَّةَ ♨️🔞♥️

بارت 9

البارت اليوم مكافش 😂

- ثريا : طلعت من الحمام شايله المنشفه و تنشف شعرها ، وكفت كبال المراية وحطت ريحه لشعرها وشوي مرطب شفه شافت الساعة وكالت شو تاخر سليمان حيل كال رايح يم امه شوي ؟؟ كعدت على السرير وشالت كتابها وبدات وتقرا وشوي شوي بلشت تغفى الى ان نامت بدون متحس ... فزت على صوت اذان الفجر ، كامت من الفراش التفتت يمين شافته نائم  كالت ويا نفسها شو ماحسيت بيه من دخل ، فاتت الحمام وتوضت واقتربت من يم اذنه وقالت بصوت يشبه الهمس سليمان يا سليمان ....

- سليمان : هممم يحجي بصوت نعسان

- ثريا : اذن الفجر يله كوم انصلي ..

- سليمان : يفتح عينيه بالكوه شافها واقفه يمه رفع اللحاف وكعد اخذ شهيق عميق وكام وراح للحمام توضا وطلع ... فرش المصلاية وبدا يصلي 🧎‍♂️ خلص الصلاة اندار عليها  كاعده  على القنفه...

- ثريا : خير سليمان البارحة تاخرت كثيرا ؟؟

- سليمان : امي شوي جانت تعبانه ارتفع السكر عدها وضليت يمها ماكدرت اعرفها قبل ما اطمن هيه زينه ، من رجعت شفتج نايمة ما حبيت اكعدج..

- ثريا : شلون صارت هسه ؟؟

- سليمان : الحمد لله يجوز  اليوم منطلع لان ما اريد اضغط عليها ..

- ثريا : كامت من مكانه وجتي كعدت يمه بالكاع وكالت براحتك حبيبي نبقى اليوم علمود تصير زينه ..

- سليمان : حضنها بايده وباسها من راسها

- سراج : من حسيت اكو شي على خدي فزيت من نومي عبالك كارصتني عكربه وقلت منو
-  انت وشدسوين هنا  ..

- سلوى : ابتسمت وقالت اني سلوى مرت يحيى جيت علمود اشكرك

- سراج : كام من الفراش و وكف على طوله  وباوع على الباب المفتوح ، وكال بصوت عادي اشبه بالهمس اطلعي منا ليشوفج  يحيى اطلعي يله واشر بيده على الباب ...

- سلوى : لاتخاف ياحلو يحيى بسابع نومة ، و اقتربت منه اكثر وهو يرجع لي ورا  حجت بصوت كله دلع شكرا على البنكة ، هسه ياله اكدر انام واني مرتاحه

- سراج : يا بنكة ؟؟

- سلوى : ادري انت اشتريتها ودارت فمها بابتسامة شفت الفلوس الي ضامها هناك واشرت على الجنطة فماكو داعي تسوي نفسك غبي ميلوكلك

- سراج : وصل شكرج يله اطلعي

- سلوى : انت تدري بنفسك فد شخصية ..... سكتت من اجاها راجدي خلها تنكتم ومتتنفس بعد

- سراج : لزمها من زندها وسحبها وطلعها برا ممنوع اشوفج هنا بعد يله وسد الباب ... مشى وكعد على فراشه وحط ايده على راسه ، استغفر الله استغفر الله شنو هالورطة ، شلون هيج تتصرف ورجلها نايم ، و يحيى شلون يتزوج هيج وحده ؟؟ حطيت راسي ع المخده واريد انام بس النوم طار من راسي .....