وَ نسيتُ أَنني حُرَّةَ ♨️🔞♥️

بارت 4

بارت 4

عراقي

- ثريا : دخلت الحمام واخذت شور سريع ، وطلعت تنشف شعرها شافت تلفونها شالته ودزت رسالة ل سراج ... دك تلفونها بسرعة باسمه ، عافته يدك اكثر من مرة اخر شي وصل اشعار ينبه بوصول رسالة ، شالت التلفون وفتحت الرسالة ( * ثريا : اريدك اليوم ب موضوع مهم تكدر تجي بالليل ، * سراج : تومرني حبيبة قلبي الساعة 6 اني يم  الباب تبكيني وياي هديه تليق بمقامج يا عمري ) ، اخذت شهيق عميق ، اني اسفة ياسراج جانت تحجي ويه نفسها...
-
-
- باليل
-  لبست فستان اسود ناعم والردن كلها مشغولة تول ، زادت من الكحل بعيونها وحطت مسكارا ، وبخت من عطرها لبست حذاء الابيض العالي ، و فتحت شعرها وحركته يمين ويسار وعطرته ، شافت نفسها ب المراة ، راضية على شكلها تماما لبست ساعتها البيضة الناعمة ، شالت تلفونها من الميز  ومشت تريد تطلع من الباب ...
-
- رندا : دكت باب الغرفة ، انفتح الباب فجاءة ابتسمت وقالت ، انت جاهزة صراحة انت اليوم مدوختني ما اعرف شنو الموضوع ، ورفعت ايدها للسماء وقالت يامغير الاحوال غير حالي لاحسن حال ، تدرين سوسو جوا صح ..
-
- ثريا : اشرت براسها اي ..
-
- رواندا : لعد حبيبتي مراح اقطع هذا المزاج الحلو تفضلي واشرت بايدها  ..
-
- ثريا : مشت بخطوات واثقة الى ان وصلت الصالة فتحت الباب بوجه جامد وسلمت وكعدت على كرسي  قريب من يم سراج ...
-
- سراج : من سمعت صوت حذائها ، كام قلبي يرفرف وتحجب ويا نفسي واخيرا راح تضحكلك الدنيا ياسراج ، يجوز اريد تعتذر او اريد تحدد العرس ، واضح من شكلها ومن رسالتها ..
-
- رقية : كانت وكالت اخليكم وحدكم
-
- سراج : اخذي راحتج ..
-
- سراج : شلونج ثريا ..
-
- ثريا : الحمد لله وانت  ..
-
- سراج : اليوم احسن يوم بحياتي .. شنو الموضوع الي تريديه مني ، نحدد العرس ؟
-
- ثريا : لا  ، الغي موضوع الزواج من اساسه .
-
- سراج : كام من مكانه وصل يمها وحط ايده على يده الكرسي شنو ينقصني ياسيدتي الفاضلة ؟؟
-
- ثريا : قالت مستغربه رده فعله وشنو اصلا الي  يكملك ، دفعته حتى تكوم وخر وكامت وقفت كدامه فارق الطول واضح هو ضخم وطويل وهي توصل لحد كتفه ، شوكت تكون تتصرف مثل الزلم ؟؟ شوكت تعوف لبس محابس وكلايد الذهب ، شوكت تبطل تلبس قمصان الحرير ، انت مشوف نفسك بالمراية من تطلع ..
-
- سراج : قال باستهزاء شكلي ميعجبج هسه، وتابع حجية وهو مستغراب منها وقال بس شكلي هذا البنات يموتون عليه ..
-
-  ثريا : يعجب أمثالك ...
-
- سراج : شنو تقصدين ما فهمت هسه شتريدين  ..
-
- ثريا : ما اريدك  .
-
- سراج : باحلامج  ..
-
- ثريا : باحلامك انت ‏، انت اصلا مو رجل ..
-
- سراج : كال بعصبيه عجبج لو معجبج أنا زلمة ..
-
- ثريا : لو جنت صدق زلمة جان عفت الي متريديك ، اني اشمئز من اشوفك كدامي ، واتقزز من اشوفك تاكل او تشرب كدامي ، شلون اريد تكمل حياتك ويا مرية هيج ضايعة منك  ..
-
- سراج : قال بعصبية اني همين ما اريدك  و لا أريدك اتزوجج علمود خالتي بس ، وولي لا اريد اتزوجك ولا اعقد عليج يا متعجرفة ، اقترب منها ولوى ايدها ورا ضهرها ..
-
- ثريا : عوف ايدي آي  يا.. وخر جاي توجعتي ..
-
- سراج : قرب حلكه من يم اذنها وقال بصوت هامس ، جنت تنتظرين اسوي هيج من البداية صح يا ال... روحيله انت حرة هسه ، ودفعها على الكاع وطلع من البيت ...
-
- ثريا : من دفعها حطت ايدها حتى تستند عليها، التفتت لي ورا شافته طلع، اخذت شهيق عميق وما حست بنفسها غير  تبجي ، وتلوم نفسها شبيج يولي جان لازم تحجين وياه بهاي الطريقة التعبانه هيج وصلتي نفسج لهل مستوى، يعني متعرفين تحلين الموضوع بطريقة ثانية ، وهي تبكي .. فاتت  امها للصالة وشافت ثريا  كاعده على ركبتيها وحاطه ايدها على وجها وتبجي ..
-
- رقية : اقتربت بخوف وهي تمول شبيج ثريا ، دورت بعينها وقالت وين سراج ، شصار يولي ، .. رندا رندا : صاحتها بصوت عال ..
-
- رندا : نعم ماما جاءت تركض ..
-
- رقية : جيبيلي التلفون اتصل على سراج اريد اشوف شصاير ..
-
- ثريا : كامت من مكانها وقالت ، انتهى كل شيء ، احنا فصخنا الخطوبة .
-
- ام ثريا : ضربت على صدرها وكالت هاي سجلي تحجين ؟ ليش يولي ؟ شصار  ؟
-
- ثريا : ماكو شي تحجي وصوتها مبحوح من البجي  ، وطلعت من يمهم ...دخلت غرفتها وقفلت الباب ، ليش هيج تصرفني بهذه النحاسية ياثريا ، يعني جان لازم هيج تجرحيه بهذا الحجي الي مثل السم  ، استغفر الله يارب سامحني ، يارب سامحني ، فتحت تلفونها ع الرسائل  وكتبت ( انا اسفه مجان قصدي اسيء الك، كل شي قسمة ونصيب ، واتمنى تسامحني اذا اذيتك بكلامي ..) اغلقت تلفونها ودخلت للحمام و توضات و فرشت المصلاية، هذا الشيء الذي يريحها ، هنا تكدر تحجي كلشي بكلبها ، هنا ممكن ترتاح نفسها ...
-
- سراج : رحت ل شقة خالد صديقي ، دائما هناك نتجمع للسهرات ، والحفلات ، تلفوني ما بطل اتصالات من امي  وخالتي واخواني ، بس مجان عندي مزاج  احجي ويا اي احد ، غلقت تلفوني ودخلت ، يعني هنا اشوف الترحيب الحار ويحسسوني اني صدق شخص مميز  ، افهمهم كلهم علمود  الفلوس يطلبون رضاي ... بقيت سهران وسويت كل شي علمود انساها ،  بس ضليت مخنوق ، كل شي ما نفع هاي المرة، يجوز صدق اني غلطان ؟؟ والله بعد ما اعرف وين الصحيح ما اعرف ، اباؤه بعيني عليهن يصفقون ويرقصون حتى يجذبوني الهم، بس ما احس نفسي تريد وحده منهم  ، شنو راح اسوي هسه ، شلون راح تتصرف ياسراج ورا ما خسرت اهم هدف ب حياتك ، خسرت حلم حياتك ؟؟؟ قررت اطلع منا لان جاي اختنق اكثر واكثر  مشيت وردت اطلع بس  لزمتني من ايدي اليسار وقالت ..
-
- همسة : وين رايح ياسراج ؟؟
-
- سراج : ما ادري  ..
-
- همسه : شبيك تعبان ..
-
- سراج : اي ..
-
- همسه : ما تعال اريحك بوحده من الغرف ، واشرت بيدها باتجاه الغرف ..
-
- سراج : لا مخنوق هنا اريد اطلع ، وخري ايدج رجاءا ، واشر بعينه على يدها الي لازمه ايده ..
-
- همسه : وخرت  ايدها ، وقالت اخذ راحتك ، وطمني عنك من توصل للبيت  ..
-
- سراج : اوكي ، وطلع صعد سيارته شاف الشوارع شبه فارغة ماكو احد  ، ضل يفتر بالشوارع من منطقة لمنطقة من شارع لشارع ما بقى منطقة اليوم مادخلها ، مد يده يشغل المسجل مال السيارة 📻 وبدا صوت اذان الفجر يخرج منه عبالك اول مرة يسمعه اقشعر جسمه ... وقال في نفسه قصر هوايا يا سراج ، وقف سيارته يم احد المساجد ، فتح باب السيارة بس رجليه ضلت عبالك متجمده ب مكانها ، صوت من داخله يقول لاتدخل هسه تذكرت  ، انت اصلا منين جاي  من مكان قذر ، وشنو جنت تسوي ، يعني كل عقلك راح يستقبلك ، والصوت الاخر جان يقول ادخل يا سراج ، محد يعرفك هنا ، ادخل ياسراج صارلك فترة طويل ما دخلت هذا المكان المقدس ، رجليك جابتك هنا لا تتوقف هسه ، بسم الله ودخل الى حمام المسجد توضا جيدا ، ثم بدا يصلي ابتلت سجادة الصلاة وهو يبكي عليها ، و دعى الله بصدق وهو يسجد ، ارتاح كثيرا و جلس بركن بالمسجد واخذ قران وفتحه بدون تعيين على اية ( قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ ) كال من كل قلبه يارب اني التجا اليك ، يارب اغفر لي واعني على نفسي ، يارب اصرف عني كيدهن ...
-
- السلام عليكم يصير اكعد يمك
-
- سراج : تفضل واشر بيده ..
-
- يحيى:  اسمي يحيى اني اعيش هنا وعندي مزرعة قريبة اشتغل بيها ..
-
- اسمي سراج ، وتشرفت بمعرفتك ، انا مو  من هذه المنطقة ..
-
- يحيى : عرفتك من شكلك جاي ادور عن شخص امين يساعدني بالشغل .. تعرف احدا ، لان واضح آنك  رجل ذكي وعندك معارف ...
-
- سراج : انا جاي ادور على شغل ..
-
- يحيى : صدق لعد توكلنا على الله يله امشي وياي  ادليك على المزرعة ، ومشوا قريب من المسجد وكامت تطلع اشعة الشمس الدافية ، ريحه التراب والاشجار وريحه البذور ، تفضل تفضل .. اشر بيده على مزرعة نصها محروث والنص الثاني بعده ، وقال هنا راح نشتغل ياسراج ، نبدا الشغل يوميا ورا صلاة الفجر حتى اذان الضهر ، وقال ويريد منه ان راح يشتغل: مستعد !
-
- سراج : اي توكلنا على الله ..
-
- يحيى : تعال اول شي  نفوت لبيتي نتريك ، واشر على بيت مبني من الطين والطابوق القديم .. كامو يمشون حتى وصلوه : تفضل ودخل الى الصالة اكعد بين ما اجيب الريوك ..
-
- كعد سراج ، الصالة صغيرة ومابيها اي تخم فارشين بالكاع مندلين وحصيره بالوسط والشباك يطل على المزرعة مفتوح، اخذ شهيق عميق اممم ريحة الهواء النقي ، ريحة الفجر هنا تختلف ، اممم اشتم ريحة طيبة ريحة خبز 🍞 جاي يخبز هسه ورائحة ماهذه ياترى الرائحة ...
-
- يحيى : يا مية هلا بالصديق جان شايل بايده  صينية متوسطة وحطها  على طبله من الطين في الوسط ، تفضل هذه خبز هسه خبزته المرا وحليب من البقر وزيتون وجبن هذا من خير  هاي الكاع ..
-
- سراج : بسم الله اكبر عيالك مناكب قبل  كلشي على بساطه طيب ...
-
- سليمان : يابه اريدك بموضوع  دخلوا غرفة المكتب
-
- ابو سليمان : شنو الموضوع خير شغلت بالي ؟؟
-

ماهي توقعاتكم البارت القادم يا حلوين
🌸
🌸