وَ نسيتُ أَنني حُرَّةَ ♨️🔞♥️

البارت 7

اليوم البارت ضيم نار 🔥 وشرار

- سراج : رجعنا على البيت ورا صلاة العشاء تعشينا عشا خفيف ، كمت واستاذنت رحت لغرفتي ارتاح فتحت الجنطة الي بيها هدومي طلعت شورت وتيشيرت ، مندل مفروش على الكاع ويمها جنطتي ، رحت للحمام غسلت بدون ما انشف شعري لان الدنيا حارة هاي الايام خليت راسي على المخدة تذكرت شيء وكمت فتحت الجنطة مرة ثانية ، وطلعت منها جيس صغير 👝 طلعت الاشياء الي بيه على كيفي وبحذر المحبس الي اعرف قيمته لاني صايغ ذهب واعرف اسعار القطع المميزة الي اختارها وطلعت كلادتي الذهب و الاساور الي جنت البسها ، لازم اتخلص منهم  .... تذكرت اليوم من طلعت الصبح ويا يحيى على صلاة الفجر استاذنت منه اروح بشغلة وارجع للشغل ، ما مانع وجان وجه مبتسما يا اخي هذا الرجل فعلا رجل، مشيت شوي من الجامع يم كراج السيارت حاط بيه سيارتي ، رايح مكان صار كم يوم افكر بيه اريد اروحله الي هو بيت خالتي رقية ، وصلت تقريبا الساعة ب 6:30 ص جنت متردد ادك الباب لو بعدهم نايمين ،  توكلت على الله و نزلت من السيارة واجيت ادك الباب شفتها تفتحه وتريد تطلع ، من شافتني فتحت ايدها حضنتها ، وبستها من راسها شلونج يخالتي ؟؟
-
- رقية : الحمد لله يا بعد خالاتك وين جنت يا وليدي والله اشتاقيتلك واشتاقيت لشوفتك ؟
-
- سراج : الحمد لله انني شلونج ؟
-
- رقية : الحمد لله بس شفتك صرت شحلاتي
-
- سراج : وين تريدين طالعة من الغبشة؟؟
-
- رقية : اريد اخذ تاكسي واروح لبيت ابو سليمان تدري ، و سكتت شوي ىترددت قالت بقلبها بس لا ميعرف بزواج ثريا ؟؟
-
- سراج : عبالك قلبه قال له ان الي يفكر بيه صار ، كال وجان يتمنى تقوله لا ، تريدين تشوفين ثريا ؟؟
-
- رقية : هياته يعرف ، اي ياوليدي ، كلت اطلع من الصبح الحك على ابو القيمر و اخذلها ريوك 🥞 تفتخر به كدام عيالها..
-
- سراج : سوا نفسه ان الموضوع ما ازعجه وعبالك هي بعد متعني اله شيئا ، يله امشي وياي اخذج  على احسن محل يبع قيمر .... وديتها على محل فدشي اخذت منه كل شي تريديه وماخليتها تدفع شي قلتلها هاي هديتها ما اخذتلها شي ورحنا الى مكان اعدامي ، يجوز عباليكم ابالغ من اكول مكان اعدامي، بس اني جنت كلما اقترب اكثر كلما اختنق اكثر من وصلنا الباب هنا حسيت قلبي يكلي شلون جابت رجليك هنا ومن تشوفها شراح تسوي لو ميت احسلك من هالطلعة ، دكيت الباب مرة مرتين فتح الباب فارس سلمت عليه والحمد لله جان وحده نزلت الاغراض كلها حطيتها بالهول ، وطلعنا اني وخالتي وحنا على مطعم صغير نتريك ونسولف شوي ...
-
- رقية : سولفلي وين عايش هسه وشتشغل كل شي اريد اعرف اخبارك واكون مرتاحة من اعرف انت بمكان زين ..
-
- سراج : هسه ساكن بمنطقة ... كلها كياعين زراعية وعايش ويا صديقي  وجاي اشتغل يمه هسه ..
-
- رقية : انت مرتاح هناك
-
- سراج : حيل مرتاح و اكثر مما تتخيلين ، يحيى زلمة طيب ويعاملني مثل اخوه يحترمني وياخذ رئي صح هو من الدكة القديمة بس والله خوش زلمة عد كلمته..
-
- رقية : الحمد لله ، ادعيلك يوميا الله يسخر الطيبين ، صدق ليش مبدل رقمك و آنك اسال عليك دائما ماتعرف شي عنك
-
- سراج : كسرت السيم كارت القديم وبعدين امي راح اخابرها هالايام لو يجوز اروح اشوفهم كلهم ..
-
- رقية ، اي والله زين تسوي روح شوفهم خليهم يتاكدون انك رجل واذا وكعت تكرم اقوى من قبل !!
-
- سراج : ادري والله اني علمود هم اهلي ابوي وامي ما اريد اضوجهم بس ادري ان جنت موجود او لا محد يهتم !!
-
- وقية : لا يا سراج ذول اهلك ومحد يحبك بكدهم واذا هم ماضهروه هذا الشي او شغلتهم الحياة تبقون انتو احلا شي بحياتهم ، شو شكلك ضعفان ونازل من وزنك كثير ؟؟
-
- سراج : ابتسم طبعا كرف شغل من الفجر العشا انهد حيلي وضحك ههه ... رجعتها ع البيت قبل صلاة الظهر وضلت تدعيلي كل الطريق ، نزلتها يم الباب وتاكدت دخلت رحت على محل الذهب وطلعت الاشياء الي اريد ابيعهم وبعت الاشياء الي جنت احس بالفرح من اشوفهم لان هسه اشعر بالاشمئزاز من اشوفها  المحابس وباقي الاشياء بعتها بمبلغ حيل زين رجعت السيارة على الكراج اخذت نص الفلوس والباقية عفتها بالسيارة رجعت لبيت يحيى جان توه راجع من صلاة الظهر  حطيت الفلوس بالحنطة وطلعت اتغدا ويا يحيى...