وَ نسيتُ أَنني حُرَّةَ ♨️🔞♥️

بارت 21

البارت اليوم قوي 💪 بشدة

بكيفكم عاد شدة دولارات 💸 شدة ريحان 🌿 شدة ورد 🌺 شدة ضحك 😂

المهم البارت بشدة

- سليمان : جاي اشوفها شتسوي يمكن تريد تضوجني او تريد تكلي شوف بعينك شلون اعامله ما اعرف شنو اوصف احساسي يمكن غاير من اسلوبها وياه او يمكن ... ... نسيت اكللكم ، بدا تواصلنا بالتلفونات اول شي جانت تستشيرني شنو اسوي ويا غسان وشلون اتعامل وياه وانت مثل اخوي 😂 نضحك على نفسنا بالبدايه ، جنت انطيها نصيحه اخويه بس شوي شوي بدا الموضوع يحلو بعيني كمت اني همين احجيلها عن ثريا ومرات اكول اشياء من كيفي حتى اجذبها الي واكسب عطفها ومن ارجعها ويانا بالسيارة عيونها فاضحتها تحجي الاعجاب والسعادة واشياء ثانية ، لا مو حب الي بينه هذا يمكن يسموه الاعجاب او اضيع وقتي بشي يونسني ، هي ذكيه ما انكر تعرف شلون تخليني اشتاق لسوالفها .... وارجع اذكر نفسي دائما الي اسويه حرام ولازم اقطع علاقتي بيها هي مريه مزوجه وهاي مو من اخلاقي باوعت على ثريا الي مبين من عيونها زعلانه على صديقتها حطيت ايدي على كتفها وهمست باذنها تريدين نطلع

- ثريا : اندارت عليه وعيونها حجت قبل لسانها الموقف مزعج 😕 ورمشت بعينها اي نطلع

- سليمان : ابتسمت على براءتها تتصرف بعفويه استاذنا وطلعنا كلتلها حبيبي تاكلين موطا

- ثريا : انداريت بصدمة وكلت طبعا بس خاف اتعبك

- سليمان : لا حبيبي 😍 ليش اتعبيني اكو مرطبات فد شي هسه اوديج عليها

- ثريا : استغربت اسلوبها صاير حلو وكلام حلو ربي يتمم على خير ما اعرف ليش اكو شغله راح تصير من يصير هيج اسلوبه ، ورجعنا ورا ما اكلنا الموطا دخلنا للبيت سلام الكل كاعد بالصالة كعد سليمان فلازم اكعد شوي

- اسيل : ها يوليدي شخبار عزيمتكم

- سليمان : زوينه

- اسيل : والله عرفت هي هاي شتصاحب غير السحل

- ثريا : فتحت عينها بصدمه وباوعت على سليمان 

- سليمان : يمى شنو هالحجي الولد صاحبي وحطوا خوش اكل بس اني تعبان

- اسيل : واذا تعبان الا تروح علمودها يعني اتعب نفسك حتى ترتاح الخانم

- ثريا : كامت من مكانها تريد تطلع

- اسيل : باع شلون بس لا زعلج الحجي يله زعلة الجلب

- هنا حسام متحمل طكها بضحكه بس زيد وحور ساكتين

- ثريا : ما ردت وصعدت فوق

- سليمان : حسام ماكو داعي لهلضحك ، ويمى هاي شبيج متكوليلي هيج اكلتي البنيه حاصل فاصل