وَ نسيتُ أَنني حُرَّةَ ♨️🔞♥️

بارت 47

واحلى بارت لاحلى متابعين

بسم الله

- سراج : رجعت لبيتي ، وصفنه تاخذني وصفنه ترجعني ، ليش هيج صار ، ليش هيج سوت ، علمود شغله بسيطة هيج سوت ، طلعت جكاره وشغلتها واني افكر بيها شلون ادخل سليمان وتعرف شلون مشاحنات بينا ، كمت توضيت وصليت قيام الليل ، طلعت القران وبديت اقرا حسيت نفسيتي ارتاحت ، حطيت راسي ونمت شوي ، فزيت على اذان الفجر ، كمت توضيت وطلعت للمسجد ، صليت ودعيت ربي يحل الامور على خير ، وكلت الله باموري كلها ... ، رجعت للبيت

- سليمان : وبعدين ياناس الرحمة ، جدة امشي اوصلج اول شي ، صعدنا بالسيارة وصلتها يم الباب ورجعت اخذ امي وعسل ورجعوا لبيتهم ، دخلت اسيل وشافت فارس كاعد وبصفه وحده رشيقه لابسه فستان كوه مدخلته وشعرها مسويته ستوتات ، وشايله ماعون فاكهه وتاكله بايدها

- اسيل : بصوت عالي منو هاي وتخنزر عليهم

- وسن : كالت بدلع مرته حبي وانتي منو بلازغره

- اسيل : فارس جاي احجي وياك

- سليمان واكف مصدوم هو وعسل

- فارس : هو كاعد وحاط رجل على رجل ، مد ايده وحضن خصر وسن وكال ماسمعتيها شكالت لو تريدين سماعات اذن ، اي صح صرتي جبيره بالعمر وسمعج ضعف

- وسن : ضحكت بدلع وحطت ايدها على حلكها

- اسيل : اقتربت بعصبيه وكال اليوم اذبحكم ثنينكم ، اقتربت تريد تضرب وسن

- فارس كام ولوت ايدها وراه ضهرها ، صاحت بصرخه ، كال بصوت حاد اششش لا اكص لسانج ، ان مديتي ايدج اكسرها

- اسيل : علمودها تكسرها

- فارس : اي علمودها ويله انقلعي وشيلي جوالاتج من الغرفة اريد احط غرفة جديدة لمرتي الحلوة

- اسيل : اني ، وكامت تبجي اني تزوج عليه ، ليش شسويتلك ؟؟

- فارس : قصدج ليش لي حد الان يله اتزوجت ، طكت مرارتي من وراج ومن ورا مشاكلج ، من هسه اكلج ان طلعتي برا البيت بدون استئذان ترا طالك بالثلاثة ، خربتي بيت ابنج ، الي يحاول يرضيج بكل الطرق ، وخربتي حياتي، بس انتي مو ام انت عدو ، ويله انقلعي من كدامي

- اسيل : مشت يم سليمان وكالت سمعت ، سمعته سليمان شيكول ، كلي جاي يتقشمر ، كول هو جاي يجذب عليه ، والله بعد ما ادخل بينك وبين مرتك عفية سليمان

- سليمان : حضنها وكال ميخالف يمى اهدي

- فارس : هسه حسيتي بشعور بنت اخوي من زوجتي ابنج عليها

- اسيل : كامت تصرخ وتبجي

- فارس : وخرها من يمي ترا اطردها برا يله صعدوها فوق ما اريد اشوف خلقتها