وَ نسيتُ أَنني حُرَّةَ ♨️🔞♥️

بارت 2

مرحبا 🌸 قراءة ممتعة 🌸 البارت نار 🔥

بارت 2
- سليمان : الحمد لله انتي شلونج عمة ..
-
- ام ثريا : الحمد لله ابوك وامك شلونهم.. 
-
- سليمان : الحمد لله كلهم بخير .
-
- شلونك سليمان
-
- سليمان :  اندار من سمع صوتها و ابتسامة الي وضحت على حلكة وقال يا مية هلا  انتي شلونج ثريا ...
-
- ثريا : جاوبت بصوت ناصي الحمد لله .
-
- سليمان : ها حظرتيلي اوراق رندا ؟؟
-
- ثريا : اي هاي الاوراق ومدت ايدها بالاوراق حتى ياخذها .
-
- سراج : قال بعصبيه وهو يشوف الابتسامات هنا وهنا،  شنو موضوع الاوراق ورندا ؟؟
- ثريا : ردت بثقة نقل من مدرسة الى مدرسة ..
-
- سراج : وباذن من تريدين النقل ؟؟
-
- ام ثريا : يا ابني والله جنت اريد احجيلك هسه ..
-
- سراج : شنو  تحجين يا خالة ورا ما انتهى الموضوع كله ؟؟
-
- ثريا : هي بكيفها انت شنو حتى تدخل بكلشي ..
-
- سراج : يحجي بقلبه : لو اتحطين السجين بصدري وادخليها بقلبي ولا اشوف نضراتج الخاينة ،  وهذا ال... اريد احط اصابعي بعينه حتى مايشوفها ال... ) جرها من ايدها قوي وسحبها حتى يدخلها جوا للبيت ..
-
- ثريا : عوف ايدي آي جاي توجعني سراج..
-
- سليمان : من شافه هيج يسحبها مشى بعصبيه  ، لزمه من ياخة قميصة الحريري وقال وهو رافع تك من حواجبة بنت عمي متنجر بهذه الطريقة ، فهمت لو لا ،  عوف ايدها يله  قال هاي الكلمتين وصوته عالي ..
-
- سراج : انت شلك دخل هاي مرتي وبنت خالتي اني اقرباها منك ، يله وخر من كدامي ..
-
- سليمان : حتى اذا كلامك صحيح، اني ظهرها تستند عليه ، وما اخليك تستغلها ..
-
- سراج : بله لا تتفلسف فوق راسي ، شنو شايف نفسك عنتر ..
-
- سليمان : احترم نفسك والزم حدودك ..
-
- ام ثريا : شبيكم يا ولدي اهدوا وتعوذوا من الشيطان ..
-
- سراج : ماسمعتيه ياخالتي ..
-
- ام ثريا : سمعته يابعد خالتك ..
-
- سليمان : حط عينه بعين ثريا وقال ، اي شي تريديه و تحتاجيه اني بخدمتكم ، من رخصتكم اني رايح ..
-
- ام ثريا : الله وياك يا وليدي ...

- سراج : كعد بالحديقة يدخن جكارة ورا جكارة و يحرك رجليه بتوتر ( اني هيج تعوفني وتعجب بهذا ال... اني اشوف غيري وانا كدامها ، ليش شناقصني ، رجل طول وعرض وعندي فلوس تغرقها وتغرق اهلها كلهم ، شغل وعندي و سيارة احدث موديل ، ششافت بيه ومو موجود عندي، شو النسوان ذابحنا نفسهم عليه حتى يحصلون كلمة مني ، قلادة فضة طعمتها بالماس وحطيت اسمها بيه وما انزعها من رقبتي ، و حتى المحبس المفضل عندي نقشت اسمها عليه بس اني الها اربيها و اخليها  هي الي تتوسل بي ...) شال تلفونه 📱 وخابرها هلا حبي جهزي الليلة جاييكم وصعد سيارته وطلع

- رندا : شدسوين
-
- ثريا : اخابر سليمان و اعتذر منه .
-
- رندا : على شنو ؟؟
-
- ثريا : كله بسب ابن خالتج مسويلي نفسه هسه زلمة وهو كل  تصرفاته مثل تصرفات البنات هذا اسمه الرجل المائع ..
-
- رندا : ضحكت شوي على هذا اللقب وقالت ميصير هيج تحجيم ثريا ؟
-
- ثريا : اي مدلل ،  وستين مدلل بعد ،  ما عاف شي ميسوه البنات الا راح يركض يسوي  ، اه صح وحنها تذكرت شي  بقى الحجل صحيح ما حطة برجليه..
-
- رندا : على كيفك اهدي شوي ..
-
- ثريا : فديته سليمان ، شلون وقف ب وجهه وخلاه يلزم خدوده  .
-
- رندا : ثريا لاتنسين انت على ذمة سراج .
-
- ثريا : خلي يطير هذا السراج ، اخذت شهيق عميق من شافت نفسها بدات تفقد اعصابها ورددت استغفر الله ،  لاحول ولاقوة الابالله . خلاني افقد اعصابي ..اسفه يا رندا ،  وبدات دموعها تنزل، وهي تكول بصوت متعب تعبت هوايا  ..
-
- رندا : اجتي وكفت يمها وتمسح على شعرها وتكوللها تعوذي من الشيطان ، و وكله امرج لله ، وهو م يخيبج ..
-
- ثريا : اعوذ بالله من الشيطان الرجيم .
-
- رندا : روحي غسلي وجهج وتوضي وصلي ركعتين وراح ترتاحين ..
-
- ثريا : يالطيف الطف بحالي ..