وَ نسيتُ أَنني حُرَّةَ ♨️🔞♥️

بارت 53

وهلا هلا جماعة الخير

اليوم خميس 🔥🔥🔥🔥 يعني بارت ناااااار

وطويل اهم شي 😉 حتى متضوجون متابعيني الراقين

البارت مليان مشاعر حلوه وهاديه وغيره وحب ولهفه وكافي ما احرك الباقي

ونكول بسم الله

- سراج : طلعت افتر بالشوارع خلصت باكيت الجكاير واني قلبي مقبوض ، ما اريد اشوف شي يخليني اروح اذبحها واخلص من عارها ....  دك تلفونها شفت اسم ساري ، تذكرت اسم الدكتور الي جان يعالجها  ! وكفت السيارة على جهه و فتحت الرسائل ، ايدي تحرك الشاشه واشوف اصابيعي شلون  ترجف ،  غلقته وشمرته ، حطيت ايدي على السكان وخليت راسي عليها ، واني اكول انا لله وانا اليه راجعون ، حسبي الله ونعم الوكيل ... دكت ثريا  ، فتحت الخط وكلت بتعب الو

- ثريا : اسفه سراج جاي اخابرك بهيج وقت بس سراج عفية لااطيع امي ، ترا هي تزعل شوي وبعدين ترضا ، لاتعوف مرتك وتهدم بيتك وتشتت بنتك

- سراج : ثريا انتي تعرفين شي واني اعرف شي ، ضحك باستهزاء اكيد سولفتلج خالتي عن الشي الي خلاها تتخربط

- ثريا : ضلت ساكته

- سراج : تكدرين تسامحيها بهالسهوله ؟؟

- ثريا : لا بس

- سراج : لعد شلون تريديني اسامحها ؟؟ هذا الموضوع مو سهل ثريا مو سهل !!! .....

- ثريا : سديت التلفون ، مبين شكد متاذي ، الله يعينه ، اقتربت من ماما وكتلها يا ماما شلون هيج تقترحين على سراج  ؟؟ لو اخر واحد بالدنيا ما اخذه ، شلون اخذ رجل اختي !!

- رقية : ردت اضوجها ، ادري اني غلطت من البداية من وافقت على هالزواج ، بس سراج ابني وردتله الزين ، من خطبج طرت من الفرح ، ومن خطب رندا جان اسعد يوم بحياتي، بس هسه ما اعرف لا سليمان الي صانج ، ولا رندا الي صانت رجلها ، وطلعت زفير من حلكها بهم ، بعد مالي شغل بيكم كل واحد يختار الي يناسبه ، تعبت بس اريد اأمن عليكم قبل لا اموت

- ثريا : ماما انتي مالج اي ذنب ، احنا نتحمل مسؤليه افعالنا ، احنا مو صغار ، احنا اختارينا واحنا نتحمل نتائج افعالنا مو غيرنا

- رقية : لج رندا كسرت عيني وفضحتني وضربت على فخذها ، هاي بنتي باجر تصير علج بحلوك الوادم ، تحجي بحسره ولج وهي مو مزوجة ماسوت شي ، هسه من اتزوجت كامت ادور هالسوالف !!

- ثريا : يمى طيش وابن حرام قشمرها

- رقية : لتقدميلها اعذار ، واشرت بايديها كافي ، هاي لابنتي ولا اعرفها ، واني متبريه منها ليوم القيامة ، كامت من مكانها وكالت ، وبعد لحد يجيب اسمها كدامي