وَ نسيتُ أَنني حُرَّةَ ♨️🔞♥️

بارت 49

مساوءووووو

اليوم البارت نزل من وكت علمود متابعيني من مصر ويدللون
🤩

وجميع الدول على راسي
🤩🤩🤩

وتكول بسم الله

- سليمان : تخبلت من عرفت هي الي جاي تراسل سراج وباوقات مختلفة بالليل لو الضهر لو الفجر .... خابرتني رند تسال عن اذا عرفت منو البنت الي يخونها سراج وياها ، بس ماكلتلها شكول مرتي !! لو اختج !! لهذا تغيرت ويا ثريا ، بعد ما ارد على اتصالاتها ، ولا انام يمهم بالبيت ، وحتى بيت ابوي بعد ما اروحله مثل قبل ، اخذت عسل ورجعت سكنت ابيتي ، لان مرت ابوي تريد تاخذ راحتها ، كلت لامي تعالي ويانا شعندج تكابليهم ، ما قبلت تكول بيتي ما اعوفه للزعطوطة تسرح وتمرح ، اروح لثريا بالاسبوع مرة لو مرتين اخذ سيف لبيت ابوي تشوفه امي وجديتي نعناعة وابوي والليل ارجعه لثريا ، اخذت تلفونها مااعترضت نزلت وتسابها نفسه بتلفوني ، ورجعتلهيا ، بدت توصلني رسائل الحب المبطنه الي ادزها اله ، وصور لبسها ومكياجها هاي الساعة ب 10 بالليل تخبلت ورحت عليها لبيتهم دكيت عليها مرة مرتين ردت بصوت توها كاعدة من النوم ، صحت تعالي للباب افتحيه بسرعة

- ثريا : فزيت من النوم على صوت التلفون ، اسم سليمان فتحته شو شكله عصبي ويكول اني يم الباب ، كمت لبست روبي ونزلت فتحتله الباب ، سحبني من شعري وبدت يغلط ويسب ، صحت بيه هاي شبيك صاحي لو مو صاحي شكو

- سليمان : بنت ال... يا .... طبعا كاعده وحدج وحايره بنفسج يا.... اني تلعبين بذيلج وياي يا... يا....

- ثريا : وخر ايدك اني اشرف منك ومن عشيرتك كلها ، مو اني الي تتهمني بشرفي ، وخر ايدك وخرها

- سليمان : رفع تك حاجب اي يالشريفه وهاي الرسايل شنو الي ادزيها لرجل اختج والحبيات والصور سكت من اجى راجدي باوع عليها بصدمة

- ثريا : اششش كافي خلي احترام لنفسك ، انت شارب شي ، لان كلامك مو مال واحد عنده عقل

- سليمان : كام يحجي بهدوء تدرين ما اتوقعت وما صدكت الا من سويت وتسابج عندي كمت اشوف شدزيله ، وضحك طلع هو الشريف الي ميردلج شي ، ما استحيتي من اختج لو مني لو من امج من ابنج

- ثريا : حطت ايدها على حلكها وكالت كافي سليمان

- سليمان : لا مو كافي وميشرفني وحدة .... تكون مرتي ، انتي طالك طالك طالك ، وابني اخذه ما اخلي وحدة ... تربيه

- ثريا : بدت عيونها تنزل دموع لا اراديا وكالت راح اكلك جمله وحدة بس (( إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ )) ودخلت وعافته

- سليمان : يعني هم عدها عقل واتبرر تصرفاتها ، ولك سليمان بس لا ضلمتها ، شضلمها واني اشوف كلامها وصورها الي ادزها اله ، شغلت سيارتي ....