وَ نسيتُ أَنني حُرَّةَ ♨️🔞♥️

بارت 13

البارت مشعلل
مكافش
وبجي
وخباثة للغيم
ضيم وضيم
يله انبلش

بارت 13

- ثريا : واني بدشداشتي الي ريحته ريحه من الشغل والتكلاه اجتي التلعلع صوتها وراي يارب عفوك يارب صبرني عليها

- اسيل : ها يمعودة هو عشا قابل شنو بتنجان 🍆 مقلي وطماطم شنو قلنالج لفي دولمة وين الزلاطة وليش ممسويه لبن 🥛 افتح الثلاجة وتحجي وليش ممرتبه الميز كله قشور بتيتة وبيتنجان

- ثريا : عاد هنا ماتحملت كلا بصوت عالي هاي شطلعت خليني اخلص هذا الي بايدي وبعدين اندار على غير شي شو انت من رجعت ليهسه منثبره اني بالمطبخ حتى محد كال خلي اساعدها شكو شصار بهالدنيا

- اسيل : يولي ترفعين صوتج عليه بنت رقية

- ثريا : كل شوي وبنت رقية شنو هيج رقية رافعة ضغطج

- اسيل : اجتي سحبتها من شعرها قوي يا .... اني رقية ترفع ضغطي

- دخل من الباب وسمع صوت صياح امه ركض ع السريع ع المطبخ هاي شكو يمى شصاير ويريد يفك ايد اسيل عن شعر ثريا وكف بالنص

- اسيل : اني شكتلك مو كتلك هاي متحبني هي وامها هاي ام لسان طويل يا ممربايه

- ثريا : كلشي ما حجت ولازمة قميص سليمان من ورا وتبجي

- سليمان : شكو يمى كولي شسوتلج واندار عليها ولزمها من جتفها شسويتي ثريًا لامي احجي

- ثريا : كامت تبجي وحضنته والله ما سويت شي هي من رجعت لحد الان متوليتني نضفي ورتبي واكنسي وامسحي واطبخي ومدري شنو والله تعبت اريد ارتاح شوي ما انطتني مجال وبدت تبجي

- سليمان : انصدم من دخلت بحضنه وتبجي طلع الزفير من حلكه وكال بصوت هادي يمى عوفيها شوي ترتاح وهسه اني ادز على عشا من برا

- اسيل : ردت بصوت عالي من شافته هدى اي اي دللها وخليها متلزم شي شو هاي حور من الصبح تكرف تمسح وتكنس البيت والطرمة غسلتها والغرف كلها لمعتها والبارحة نفس الشي حتى شغل ثريا سوته ولا حجت ولا كالت بس تلكي امها هيج معلمتها

- سليمان : يله يمى سامحيها هالمرة شوي تعبانه ومتعرف بقوانين البيت خلي حور تجي تكمل وباجر تجي هي وتساعدها بشغلها

- اسيل : علمودك سلمان بس والله ما انزل نفسي لمستواها

- سلمان : وخر ثريا عنه شوي واجى باس راس امه يسلملي راسج ريتني فداج يالغاليه وحط ايده على كتف ثريا ومشى وياها فوق ، دخلها الغرفة وكعدها على القنفة ويمسح بدموعها هسه ليش هذا البجي

- ثريا : لا رد فقط الدموع

- سليمان : والله لو مو اعرف لسانج طويل ومخليه امي هيج عصبيه جان كلت حقج لج كافي تبجين والله مردتي قلبي