وَ نسيتُ أَنني حُرَّةَ ♨️🔞♥️

بارت 33

بارت حلو بمعنى الكلمة

الصورة لسراج ورندا 🤩

ندخل بسم الله

- فارس  : دخل بعصبية للبيت وكال بصوت عالي وينها هاي ... وينها

- اسيل : شبيك يمعود عليمن ادور ردت جانت كاعده ومنطيته ضهرها

- فارس : من شافها كال عليج يا ... وجرها من شعرها لج اني تالي عمري هيج تفضحيني

- اسيل : وخر عني والله ان مديت ايدك عليه

- فارس اي شتسوين بله كولي !!

- اسيل : بشوي خوف حسام وخر ابوك عني لتصير جبيرة

- فارس : سحبها من زندها بقوة خليها تصير جبيرة و دخلها الغرفة وقفل الباب

- حسام : افتح يابه افتح تعوذ من الشيطان يابه ، كمت ادك اقوى من سمعت امي تصيح

- نعناعة : اي اي يوليدي كسرها ما اريد بيه صفحة سالمة

- حسام : بصوت حاد جدة شتكولين هدي مو تشعلين

- نعناعة : خلي يبرد افادي على هاليتيمة هي وامها

- عسل تخبلت ما اعرف شسوي بس ادك الباب ويا حسام ميفيد صعدت اركض لغرفة سليمان فتحت الباب جان امدد على السرير عيونه بالسكف صافن وبيده الجكارة ويطلع الدخان على شكل دوائر ...

- عسل : سليمان

- سليمان : حجى بدون ميلتفت عليها اطلعي وسدي الباب وراج ما اريد كلب بعد يوصل هنا

- عسل : سليمان ابوك جاي يضرب امك الحك

- سليمان : كمت على السريع حطيت الجكارة بالنفاضة الي يمي ونزلت اركض واكمز يمكن دخلت كزازة برجليه بس مو هسه وكتها ، اسمع حسام يتوسل يم الباب ويضرب بيه وصوت صوايح امي ، وخرته بايدي لحسام ، وضربت الباب بجتفي مرة مرتين حسيته راح ينخلع ، ضربته اقوى تكسر شوي من يم اليده ضربته برجلي قوي انفصخ ، شفت امي كاعده وحاظنه نفسها وابوي لازم الحزام ويضرب عيوني صارت بكصتي ، جتفت ابوي من ورا وكلت يابه شبيك تعوذ من الشيطان

- فارس : هاي الشيطان بعينه كاعد يمي يحجي وينهت

- سليمان : امشي امشي عوفها وسحبته كوه وطلعته ع الصالة مريت من يم حسام الصافن كتله روح شوف امك روح صحت بيه

- حسام : راح يركض ويمسح على ضهرها يمى خوما اذاج ..

- اسيل : حضنته وكامت تبجي هاي تاليها تالي هالعمر اصير مضحكة هيج كدام ولدي ، باجر تشمت بيه رقية وبنتها

- حسام : امسح على ضهرها ما ادري شكول بهيج موقف اول مرة اشوف ابوي يفقد اعصابه بهاي الطريقة ، امي امي القوية هيج يصير بيها كمت ابجي على بجيها