وَ نسيتُ أَنني حُرَّةَ ♨️🔞♥️

بارت 38

صباحوووو

اليوم غباشي 😉

كله علمود اكتبلكم بارت وطويل ترا زايد 2 كيلو

اليوم المشاعر راح تتخبط مرة راح نكون بمكان ثريا ، مرة نكون سليمان ، مرة سراج ومرة رندا ، مشاعر حلو غيرة وزعل وغضب وفرح

بسم الله ونبدا

- سليمان : شنو علاقتج بسراج ؟؟

- ثريا : شنو هالسوال !! علاقة اخوة

- سليمان : افتحي الرساله كدامي اريد اشوف !!

- ثريا : اذا تشك هذا موضوع ثاني

- سليمان : ثريا احجي لتخليني اغلط

- ثريا : مشت وكعدت على السرير وكالت اغلط خل اشوف

- سليمان : احترميني وجاوبي على السوال

- ثريا : هذا مو سوال هذا شك واني ما اقبل تشكك باخلاقي

- سليمان : يعني شلون

- ثريا : يعني افهمها مثل ماتريد ، هسه اني اريد انام تريد تفرش بالكاع بكيفك تريد تنام بذيج الغرفة هم بكيفك ، رفعت الفراش وغطت نفسها

- سليمان : اقترب ورفع الفراش وسحبها من شعرها وكال اني مو جاي احجي وياج

- ثريا : دفعت ايده قوي وكالت لترفع ايدك مرة ثانية ترا مراح يعجبك تصرفي

- سليمان : شتسوين يعني
-
- ثريا : وخر سليمان كتلك

- سليمان : شال ايده عنها وكال مرة ثانية احترميني ولاتتجاوزين ولتضلين تراددين

- ثريا : باوعت بوجه جامد ، وكالت اذا مديت ايدك اشتكي عليك واكول اني حامل ويعتدي عليه

- سليمان : شخبصتيني حامل وحامل ادري شنو محد حامل غيرج

- ثريا : نامت على الفراش وغطت نفسها ، اهم شي خليته يحسب الف حساب لحجيه ولتصرفاته

- سليمان : غير صايره صلفة وجسره ، طلع من الغرفة وضرب الباب وراه ، دخل غرفته وطلع باكيت الجكاير وبدا يدخن 🚬 ، ما ادري شسوي وياها ، وهذا الثاني الي دازلها رسالة مدري شكاتب بيها ابن ال ...

- ثريا : كمت وطفيت الضوا ، حطيت راسي على المخدة واتذكرت شنو جان يقصد برساله سراج ، فتحت التلفون وشفت الرسالة -مساء الخير اي شي تحتاجين لاتنسين عندج اخ اتمنالج حياة سعيدة ، ابتسمت ، كامت فرشت مصلايتها وصلت ركعتين قيام الليل وركعة وتر ، وضلت تستغفر الله حتى نامت .

- الصبح

- ثريا : كعدت الساعة ب 7:30 🕢 غسلت وجهي وفرشت اسناني لبست الروب فوق ملابسي ، دخلت المطبخ وبديت اسوي الريوك نعناعة تكعد هيج وقت ، اما سليمان ما اعرف اذا كعد او راح لان ما دخلت غرفته ..