وَ نسيتُ أَنني حُرَّةَ ♨️🔞♥️

بارت 35

يابه هلا وهلا

اليوم راح تعيشون انتقال ثريا من الحب للحرب

اليوم قلبكم راح يدك بسرعة لثريا ولفد واحد 😉

قراءة ممتعة ومفيدة لمتابعين الراقين

- ثريا : صعدت اركض قفلت الباب ردت ابجي بس ماكو بعد دموع ماكو شي يكدر يوصف احساسي خنجر 🗡 دخل صدري وانغرز بقلبي ، الا اندمك يا سليمان ، الا اخليك تمشي وتحجي ويه نفسك ، دخلت الحمام وفتحت المي البارد وافكر تفكيري يشتغل كولش زين جوا المي ضليت افكر واتخيل شنو راح اسوي .... ، ما اخلي احد بعد يشعر بالشفقة عليه ، لان اني منخلقت هيج ضعيفة ، اني الي دخلت هاي المعركة واني الي لازم احلها بنفسي ، لبست فستان حلو بسيط مال طلعة بسيطة وشال ونزلت ...

- رقية : باستغراب وين طالعة

- ثريا : اتمشى شوي

- رقية : اجي وياج

- ثريا : لا شوي ما اطول ، طلعت امشي وامشي وصلت محل تحويلات دفعت مبلغ حتى اشترك بدورة اون لاين ومبلغ اشترك بي بدبلوم ورجعت ، وهسه شنو الخطوة الثانية ، فتت للمكتبه اخذت دفاتر 📓جديدة واقلام رصاص وجاف ، ورجعت دخلت البيت جان سراج ورندا ونعناعة كاعدين بالصالة حطيت الاغراض بالمطبخ ودخلت سلمت ، سمعتهم جانو يحجون على زواج سليمان بس من شافوني سكتوا ، عبرتها بمزاجي استاذنت واخذت اغراضي وصعدت

- سراج : طالعين سفرة لمحافظة... امشي ويانا انت وثريا تغيرون جو ، باجر اجي اخذكم تباتون يمنا ونطلع مناك

- رقية : ما اعرف شنو اكلك خليني احجي وياها واشوف

- رندا : اي ماما تحتاج تطلع ، راح اصعد اشوفها ، صعدت فوق دكيت الباب سمعت صوتها تكول تفضل ودخلت ، جانت كاعده على السرير الابتوب بحضنها و دفتر 📒 بصفها ، اجيت كعدت يمها وكلت ثريا لي وين راح تضلين ضامة سالفة الطفل

- ثريا : باوعت عليها باستغراب وكلت رندا مو معناها عرفتي تريدين تدخلين ، مالج شغل

- رندا : ليش هيج تحجين وياي

- ثريا : اسفه بس رندا هذا الموضوع بالذات ما اريد احد يدخل بيه بعد

- رندا : زين حبيبتي ماما شكلها ضايجة وتريد نطلع سفرة حضري جنطتج وخلينا نطلع نتونس ونغير جو

- ثريا : شوكت ؟؟ جانت تحجي وعينها على الاب توب

- رندا : باستغراب ما اتوقعت راح توافق ، كلت باجر او عكب باجر

- ثريا : خوش اني موافقه

- رندا : ثريا

- ثريا : التفت عليها شنو كالت باستغراب

- رندا : مراح ترجعين لسليمان

- ثريا : ارجع بس بالوقت المناسب ، وبقلبها نجوم الضهر اخليه يشوفها منا وجاي