كُتِبَ لي الحُب "مكتملة"

الفصل السادس عشر... ❤

"الفصل السادس عشر... 💚"

-مالك يا ميريام.. من ساعة ما خرجنا من عند آدم وهمس وانتِ مش على بعضك..؟
هتف بها "هادي" متساءل بقلق

أجابت عليه "ميريام" بالقليل من العصبية:

-مالي مافيش انا كويسة جدا اهو

أردف "هادي" بتحذير:

-ميريام ايه الاسلوب الـ بتتكلمي بيه ده..؟!

ربعت يدها امام صدرها وقالت وهي تهز احد قدميها بعصبية:

-ماله اسلوبي..؟؟

-ميرياام اتكلمي بطريقة احسن من كده

-ولو متكلمتش..!!
قالتها وهي تقترب منه بتحدي

-ميريااااام اتعدلي
قالها "هادي" وهي يمسك بكتفيها ويضغط عليها بقوة بسيطة

حررت يدها منه وهتفت بـ نبرة غاضبة:
-وانت كلمني بطريقة احسن من كده، انت مشترتنيش

لا يريد تكبير الموضوع على شيء لا يعلم ما هو
زفر بضيق وقال هامسًا لنفسه:
"شكل نكد الجواز بدأ بدري"

ثم تحدث بصوت حاول جعله هادئاً:

-ميريام لو سمحتي مالك؟ انا مش فاهم حاجه احنا كنا كويسين قبل ما نروح لـ همس..!

نظرت له بطرف عينيها وقالت:
-و ده ملفتش نظرك لـ حاجة..!!

أخذ عقله بتدوير ما حدث لهما هناك حتى توقف عند حديثه مع "همس" على "ميريام"
بالفعل "ميريام'' تغيرت بعدما خرجت من المرحاض
ابتلع ريقه بخوف من معرفة ميريام لذلك الأمر وأردف قائلًا:

-هو انتِ سمعتي كلامي مع همس؟؟

-اه سمعت يا هادي
قالتها وهي تسحب نفس عميق حتى لا تبكي امامه

علم الآن لما تحدثه بتلك الاسلوب ليقول وهو يقترب منها محاول تهدئتها وهو يعلم أن ما سمعته ليس بالهين:

-ميريام

ابتعدت عنه بسرعة وقالت بـ هستيريا:

-ميريام ايه.. ميريام ايه.. عملتلك ايه انا عشان تجرحني كده ها عملتلك ايه....!!!!

-ميريام ده كان في الاول، انما انا دلوقتي بحبك

-كداب كداب.. انا سمعت بودني.. سمعتك

-صدقيني والله ده كان في الاول بس يا ميريام

-في الاول صح.. وانا هبلة بقا عشان اصدقك

-ميريام انا بحبك والله

هتفت ميريام بـ نبرة عاصبية والدموع تهطل من عينيها:
-انت واحد كداب

-انا مش بكدب انا بقول الحقيقة

-ايوة انا المفروض اصدقك صح، في الاول كنت متجوزني عشان ترد جميلة اخويا عملهولك.. الوقتي يا سبحان الله بقيت تحبني