كُتِبَ لي الحُب "مكتملة"

الفصل التاسع عشر... ❤

"الفصل التاسع عشر... 💚"
قراءة ممتعة

كان الجميع يقف امام غرفة الكشف والقلق يعلو وجههم خرج الطبيب بعد مدة
التفتوا حوله هتف "آدم" بخوف ينهش قلبه:

-طمننا يا دكتور

-للأسف هي لازم تعمل عملية الزايدة في اسرع وقت

-ليه..؟؟؟
هتف بها الجميع بخوف شديد

-للأسف الزايده على وشك الانفجار فـ لازم تتعمل العملية فـ اسرع وقت
احنا عملنا الفحوصات الزمة، بس هي هتاخد أدوية قبل العملية وعلى العموم انا قولت للممرضة على الأدوية الـ هتاخدها

-طب احنا نقدر نشوفها؟
______________________________________________________

امسك "آدم" كف يدها بحنان وقال بخفوت:

-بصيلي يا همس

رفعت رأسها وجدت الدموع تهبط من عينيها فـ مسحها بـ أصابعه وقال بِـ نبرة حنونة:

-همس انتِ دلوقتي لازم تعملي عملية

ارتجفت في خوف فقال:

-كله هيبقى تمام بس انتِ لازم تعملي العملية

سقطت دموعها أكثر فقال آدم:
-شششش مش عايزاك تشيلي هم حاجة كله هيبقى تمام.

قالت بضعف وبنبرة جعلته يحزن:

-انا خايفة

-انا معاكِ وجنبك، مش عايزاك تخافي ماشى.. و بعدين دي عملية بسيطة خالص

دخل "هادي" و"هدير" اقتربت "هدير" منها وعانقتها وهي تشعر بالخوف عليها ولكنها حاولت أن تبتسم حتى لا تجعلها تقلق:

-ان شاء الله هتعملي العملية وهتبقي زي الفل

____________________________________________________

في الصباح
وقف الجميع في الممر المؤدي إلى غرفة العمليات
كان "آدم" يشعر بالخوف الشديد

بعد فترة خرج الطبيب اخيرا التفتوا حوله ليقول الطبيب مطمئن:

-الحمد لله ، هي دلوقتي بخير، بس حاليا في البينج هتنقل أوضة تانية وتقدروا تشوفوها

........
التفت الجميع حول فراش "همس" في غرفتها بداخل المشفى
فتحت "همس" عيونها بضعف، كانت الإضاءة عالية فـ أغمضت عينها واعادت الكرة عدة مرات حتى اعتادت على الاضاءة

حمد الجميع على سلامتها وقال "هادي" بحنان وهو يمسد على شعرها:

-حمد الله على سلمتك يا حبيبتي

-الله يسلمك
هتفت بها بضعف

اقترب منها في تلك اللحظة "آدم" الذي كان يصلي وقبل رأسها بحنان:

-الف سلامه عليكِ

ابتسمت له بضعف وهتفت:

-الله يسلمك
_______________________________________________________